Isaya 28:1 - Tshwa Bible

¹ Khombo ka xidlodlo xa matshanza xa zidakwa za le Efraime, Ni ka xitsangi xi wunileko xi nga wubombi gabye, Xi nga le hehla ka nkova wu nonileko wa laʼva hluliwako hi vinya.

Isaya 28:1 ပူးပေါင်းရင်းမြစ်များ

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

2 Kronekele 28:6

hakuva Peka nʼwana Remalia i lo daya 120,000 wa vavanuna hi siku ginwe lomu tikweni ga Va ka Juda, vontlhe va wa hi tinhenha; hi kota ya kuya va tiskileko Jehova Nungungulu wa vadadani vabye.

Mavingu 23:29

Himani a nga ni khombo? Himani a nga hlomulweni? Himani a nga timholoveni? imani a nga mikosini? Himani a nga ni timbanga handle ka nanzu? Himani a pswhukileko mahlo ke?

Isaya 28:7

Kanilezi laha kambe a vanhu va dedereka hi kota ya vinya, Va khunguvanyeka hi byala; A vapristi ni vaprofeti va dedereka hi byala, Va popilwe hi vinya, va dedereka hi byala; Va khuvatana loku va profeta ni ku maha wuwoyiwoyi kulamuleni.

Isaya 5:11

Khombo ka vona lavo va vinzukako ni mixo, va tsutsumela byala, Ni lava va hungatekako laha wusikwini, va hiswa hi vinya,

Isaya 5:22

Khombo ka vona lava va nga tinhenha kunwani ka vinya, Ni lava va nga ni wurena a ku xanganyeleni ka byala.

Isaya 8:4

Hakuva a nʼwana na a nga se ku tiva ku wula, aku: Dada, hambu, Mama, a titshomba ta le Damaseku ni muphango wa le Samaria zi ta yiswa mahlweni ka hosi ya Assiria.

Isaya 9:11

Jehova i ta va vuxela a valala va Rezini, A vuxa ni valala vakwe khatiginwe:

Isaya 9:8

A Hosi yi rumele mhaka ka Jakobe, Yi wele hehla ka Israeli.

Isaya 9:9

A vanhu vontlhe va ta yi tiva, Efraime ni vaaki va le Samaria, Lava va wulako hi matshanza ni kunonoha ka timbilu, vaku:

Hosea 4:11

A wubhayi, ni vinya, ni byala zi daya a kupima.

Hosea 5:5

A matshanza ya Israeli ma kustumunya ma mu vukela; hikwalaho Israeli na Efraime va ta khunguvanyeka zigohweni zabye; Juda kambe i ta khunguvanyeka navo.

Hosea 5:9

Efraime i ta maha marumbi hi siku ga kutsayiswa; nzi tivisile a tixaka ta ka Israeli a zinene za lezi zi ta ngata.

Hosea 6:10

Ndlwini ya ka Israeli nzi wonile zilo zo tshisa: Efraime i maha wubhayi lomo, Israeli a ti nyenyezisa. 1 Tih. 12:28; 2 Tih. 17:7

Hosea 7:5

Hi siku ga hosi ya hina a tihosana ti lo ti babyisa hi kuhisa ka vinya; yona yi lo nawuluta a canja ga yona ka vatseketseli.

Levi 26:19

Nzi ta tshova a kutikukumukisa ka ntamu wa nwina; nzi ta maha tilo ga nwina gi fanana ni xiketse, ni misava ya nwina yi fanana ni suku.

Amosi 2:12

Kanilezi nwina mu lo nwisa a vinya a manazirita, mu beletela vaprofeti, muku: Mu nga ha profeti! Mitse. 6:2; Vala. 13:5; Isa. 30:10

Amosi 2:8

Va etlela lomu matlhelweni ya maalati wontlhe hehla ka tinguwo leti ti tekilweko hi kota ya milanzu; lomu ndlwini ya Nungungulu wabye va nwela kona a vinya ga lava va rihisilweko. Ekso. 22:26; Deut. 24:12

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Amosi 6:1

I khombo ka lava va te ku tikatika le Zioni, ni ka vona va te ku nja le xitsungeni xa Samaria, a tihosana ta tiko go ranga xikari ka matiko, lava a yindlu ya ka Israeli yi tako kabye.

Amosi 6:4

Va etlela mibhedini yi mahilweko hi timhonzo ta tindlovu, va ti nawula zitheveni zabye; vaga tiyivana ta mitlhambi, ni marole ma nonileko ya lomo rangeni.

Amosi 6:6

Va nwela vinya lomu mingelweni, va tola mafura ya lisima; kanilezi a va khataleli a hlokiselelo wa Josefa.

Amosi 6:8

Hosi Jehova i hlambanyile hi wutsumbu gakwe, aku: Jehova a Nungungulu wa tiyimpi i ngalo; Nza swireka hi matshanza ya Jakobe, nza venga a ziluvelo zakwe, hikwalaho nzi ta nyikela kulobyisweni a muti ni zontlhe zi nga ka wona.