Isaya 27:9 - Tshwa Bible

⁹ Hikwalaho a kugoha ka Jakobe ku ta basiswa; Lowu hi wona mbhanzu wa kutsetselelwa ka xionho xakwe; Laha maribye wontihe ya maganzelo ma panzekile kota maribye ya mhemba, A maAxera ni zifananiso za gambo zi nga ha ta yima. Levi 26:30; Isa. 2:20

Isaya 27:9 ပူးပေါင်းရင်းမြစ်များ

2 Tihosi 10:26

Va lo humesela zifananiso lomu ndlwini ya Baali va zi hisa.

2 Tihosi 23:14

I lo fayetela a zifananiso, a tsemelela ni zifananiso za Axtarte, a tata wutshamu ga zona hi marambu ya vanhu. Ekso. 34:13; Deut. 7:5

2 Tihosi 25:9

I lo ta hisa a yindlu ya Jehova ni yindlu ya hosi; a hisetela tontlhe tiyindlu ta le Jerusalema, ni tontlhe tiyindlu ta vahombe.

2 Kronekele 14:5

I lo suselela matshamu ma tlakukileko ni zifananiso za gambo ka yontlhe miti ya ka Juda. A tiko gi lo rula xikhatini xakwe.

2 Kronekele 34:4

Va lo khungumula maalati ya Baali mahlweni yakwe, va fayetela ni mifananiso ya gambo leyi yi nga wa hi hehla ka wona, a fayetela ni zifananiso za Axtarte, ni zifananiso zi vatlilweko ni lezi zi wumbilweko, a zi maha tsutsungwani a wu xwanyela lomu zilahleni za lava va nga wa zi khozela.

2 Kronekele 36:19

Va lo hisa a yindlu ya Nungungulu, va khungumula a ligingisi la Jerusalema, va hisa tontlhe tiyindlu ta wuhosi, va xakela zontlhe zilo za malongo.

Tisimu 119:67

Na nzi nga se kuva hlomulweni nzi wa pengile, Kanilezi makunu nza gonga a mhaka ya wena.

Tisimu 119:71

Zi nzi sasekele a kuva nzi hlokiswa, Kasi nza gonza ziyimiso za wena.

Eksodusi 34:13

Kanilezi mu ta khungumula maalati yabye, mu fayetela zifananiso zabye, mu tsema ni zifananiso za Axtarte.

Mavingu 20:30

A timbirimbi ti bayisako ti hlaza kubiha, i kubiwa ku enghenako lomu nzeni.

Isaya 1:29

Hakuva va tava ni tingana hi kota ya tisinya ta mikuhlu leti mu nga tsaka ha tona, mu wiswa tingana hi kota ya masimu lawa mu ma ranzileko.

Isaya 17:8

Va nga ta cuwuka maganzelweni lawa ma mahilweko hi mandla yabye; Ge, hambu ku khatalela a mitiro ya titiho tabye, A zifananiso za Axtarte kutani za gambo.

Isaya 30:22

Zonake mu ta nyenyezisa a siliva leyi yi nameketilweko zifananisweni za nwina, ni nzalama leyi yi nameketilweko zifananisweni mu ta yi hoxa kota zilo za chaka, muku: Suka!

Isaya 4:4

laha a Hosi yi ta ngava yi hlazile a chaka ga vanhwana va Zioni, ni ku susa a nkhata wu nga xikari ka Jerusalema hi moya wa kulamula ni moya wa kuhisa.

Isaya 40:2

Wulawulani hi wuxinji ka Jerusalema. Muba nyiwo kakwe lezaku a wukhumbi gakwe gi mbhelile, Lezaku kugoha kakwe ku tsetselelwe, Hakuva a ka zionho zakwe i amukele a nzhiho kambiri hi ka canja ga Jehova.

Isaya 48:10

Languta, nzi ku hlutile, kanilezi a nzi kumangi siliva; Nzi ku ringile lomu mpingweni ga hlokiselelo.

Ezekieli 11:18

Va ta wuya ka gona, va susa zontlhe a zilo zi nyenyezileko ni wontihe a manyalataniso ya gona.

Ezekieli 20:38

Nzi ta phaka xikari ka nwina a vahluwuki ni lava va nzi fularelako, nzi va humesa a tikweni legi va luvelako ka gona; kanilezi va nga ta enghena tikweni ga ka Israeli: mu ta zi tiva lezaku hi mina Jehova.

Ezekieli 6:4

A maganzelo ya nwina ma ta maha marumbi, ni zifananiso za nwina za gambo zi ta khungumulwa; a zirumbi za nwina nzi ta hoxa mahlweni ka zifananiso za nwina. Levi 26:30; 2 Tih. 23:11

Danieli 11:35

A vanwani lava va tlharihileko va ta dawa, kasi vanhu va fela ku ringiwa ni ku hlaziwa, va basiswa kala xikhatini xa kugumesa, hakuva magumo ma nga ta chikela kala xikhatini xi yimisilweko.

Hosea 14:8

Efraime, i mhaka muni nzi nga nayo ni zifananiso? Mina wutsumbu nzi mu hlamule, nzi ta mu khatalela. Mina nzi kota a sinya yo nyuka ya khuwu, a mihanzu ya wena u ta yi kuma ka mina.

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Mika 5:11

Nzi ta hahlula a miti ya tiko ga wena, nzi khungumula a makhokhola ya wena wontlhe.

Zakaria 13:2

Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. Ezek. 30:13; Hos. 2:17; 1 Joh. 4:1

Va le Roma 11:27

Lexi xi tava xivumelwano xa mina zinwe navo, Laha nzi ta nga susa a zionho zabye. Jer. 31:31; Maheb. 8:8

1 Va le Korinte 11:32

Kanilezi loku hi lamulwa hi biwa hi Hosi, kasi hi fela ku kala hi nga koneki zinwe ni misava. Joba 5:17; Am. 3:2

Deuteronome 12:3

mu ta hahlula maganzelo yabye, mu khungumulela timhinga tabye, mu hisa zifananiso zabye za Axtarte, mu tsemelela zifananiso za lezi zi vatlilweko za vanungungulu vabye, mu fuvisa mavito ya zona matshanwini ya zona.

Maheberu 12:6

Hakuva a Hosi yi tsayisa loyi yi mu ranzako, Yiba a nʼwana munwe ni munwani loyi yi mu amukelako. Tis. 94:12