Isaya 27:11 - Tshwa Bible

¹¹ Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Isaya 27:11 ပူးပေါင်းရင်းမြစ်များ

Tisimu 106:40

A zanga ya Jehova yi lo vukela tiko gakwe, Laha kaku a swireka hi tshomba yakwe.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 18:5

Hakuva a mahlweni ka kutshovela, Loku a ziluva zi tlhatlhekile, Ni rari ga mauva na gi kari gi buva, I ta tsema mahluke hi mukwana, A susa ni zimilwa za kona.

Isaya 43:1

Kanilezi makunu ku wula Jehova, loyi a ku vangileko Jakobe, Loyi a ku wumbileko wena Israeli, i ngalo: U nga chavi nchumu, hakuva nzi ku tlhatlhisile, Nzi ku vitanile hi vito ga wena, u wa mina. Gen. 26:24

Isaya 43:7

Vontlhe lava va vitanwako hi vito ga mina, Lava nzi va vengeleko wudzunzo ga mina, Lava nzi va wumbileko, nzi va maha.

Isaya 44:2

I wula lezi Jehova loyi a ku mahileko, Loyi a nga ku wumba rumbyini ga nyine wa wena, a muvuni wa wena, Aku: U nga chavi nchumu Jakobe, nanza ga mina, Wena Jexuruni loyi nzi ku hlawulileko. Jer. 30:10; 46:27

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 5:13

Hikwalaho a vanhu va mina va ta yiswa kukhonweni hikuva va nga hi na kutiva; A vahombe vabye va hlokiswa hi ndlala, Ni zidlemo za vanhu zi womile hi tora.

Isaya 9:17

Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 11:16

Jehova i ku chulile vito, gaku: Oliva yi nyukileko ya mihanzu yo saseka. Hi guwa ga hombe ga mududumela i yi hisile hi nzilo, a maravi ya yona ma hapukele.

Jeremia 13:14

Nzi ta va pswhandlasa, va fayana, a vararu ni vana, ku wula Jehova. Nzi nga ta va hawukela, hambu ku va tsetselela, nzi nga tava ni tipswalo lezaku nzi nga va lovisi.

Jeremia 16:5

Hakuva Jehova i ngalo: U nga engheni ndlwini ya zirilo, u ngayi kona ku hlaluka navo, hambu ku va xanisekela; hakuva nzi susile a kurula ka mina tikweni legi, ku wula Jehova, ina, ni tipswalo ni wuxinji.

Jeremia 25:37

Ni magelo ya kurula ma lobyisiwa Hi kota ya kuhisa ka zanga ya Jehova.

Jeremia 4:22

Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Jeremia 8:7

Hambu a gotomeni wa le mpfhukeni wa tiva tinguva takwe, A tuva ni nyawukolwe ni mbewulwani za tiva a xikhati xa ku tlhela ha xona; Kanilezi a vanhu va mina a va tivi a milayo ya Jehova.

Ezekieli 19:12

Wu lo tsuwulwa hi zanga, wu hoxiwa lahasi, a mheho ya Mutsuwuka-gambo yi lo womisa a mihanzu ya wona, A tiravi ta wona to tiya ti lo tshobyiwa ti wuna, ti hisiwa hi nzilo.

Ezekieli 20:47

uku ka khwati ga le Dzongeni: Zwana a mhaka ya Jehova; Hosi Jehova i ngalo: Nzi ta dzivela nzilo ka wena, wu ta hisa a tisinya tontlhe to taakama lomo ka wena ni tontlhe ta ku woma. A nhova yi nga ta timiwa: tontlhe tinghohe ti taswa kusukela Dzongeni kala Nwalungu.

Ezekieli 9:10

Hikwalaho mina nzi nga ta va nyenyeletela, ge hambu ku zwela wusiwana; nzi ta va tlhelisela hi kota ya mitiro yabye.

Hosea 4:14

Nzi nga ta tsayisa a vanhanyana va nwina loku va bhaya, ge hambu a vakatamwane va nwina loku va maha wuoswi, hakuva ni vavanuna va kona va famba hi tlhelo ni zibhayi, va phahlela zinwe ni vavasati vo biha. Lezo a tiko gi nga hiko na kupima giya kuloveni.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Mateu 13:15

Hakuva a timbilu ta lava vanhu ti nonohile, A tindleve tabye a ti hatlisi ku ingisa, Ni mahlo yabye ma tsimbile; Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. Maheb. 5:11

Mateu 13:19

Laha munhu a zwako a mhaka ya mufumo a nga yi pimi, kuta kakwe loyi wa kubiha, a ta wutla lexi xi xwanyilweko lomo mbilwini yakwe. Loyi hi yena a xwanyilweko ndleleni.

Mateu 3:10

Hambu ni lezi a xihloka xi vekilwe mitswini ya tisinya; a tisinya tontlhe leti ti nga pswaliko mihanzu yi neno ti ta tsemiwa, ti hoxiwa nzilweni. Xip. 7:19; Lu. 13:7, 9; Joh. 15:6

Johani 15:6

Loku munhu a nga tshami ka mina, wa cukunyetiwa handle khwatsi hi ravi, a wuna; va wungeletela a maravi ya kunghaho, va ma hoxa nzilweni, mahiswa. Mat. 3:10; 7:19

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Va le Roma 1:31

a va nga hiko na kupima, a va nga tsumbekiko, lava va nga ranziko a va ka kabye, vo kala wuxinji;

Deuteronome 4:6

Mu ta yi hlayisa ni ku yi maha, hakuva legi gi tava wutlhari ni kupima ka nwina le kuwoneni ka matiko lawa ma ta ngazwa hi milayo leyi yontlhe, va taku ngalo: Kunene, legi i tiko ga hombe, gi nga ni wutlhari ni kupima!

1 Va le Tesalonika 2:16

va hi tsimbetela a ku kanela ka vamatiko, lezaku va fela ku hanyiswa; lezo va tatisa xontlhe xikhati a lipimo la zionho zabye. Kanilezi a khulo ga Nungungulu gi va putsuketele magumo. Gen. 15:16; Mat. 24:6; Miti. 13:50; 14:19; 17:5; 22:21; Lu. 11:52

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15