Isaya 26:7 - Tshwa Bible

⁷ A ndlela ya loyi a lulamileko nja nongameto, Wena loyi u hunzeleleko ku lulama u basisa a ndlela ya vabasileko.

Isaya 26:7 ပူးပေါင်းရင်းမြစ်များ

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

Joba 31:6

Ngha mina nzi vekiwa lomu xikalwini xi lulamileko; Kasi Nungungulu a ta zi tiva lezaku a nzi na nanzu.

Tisimu 1:6

Hakuva Jehova wa tiva a ndlela ya valulamileko, Kanilezi a ndlela ya vakubiha yi ta lova. Mal. 3:18; 2 Tim. 2:19

Tisimu 11:4

Jehova i lomu tempeleni yakwe yo basa, A xitshamu xa wuhosi xa Jehova xi le tilweni; A mahlo yakwe ma wona, Ni tikohe takwe ti kamba a vanana va vanhu. Isa. 66:1; Hab. 2:20; Mat. 5:34

Tisimu 11:7

Hakuva Jehova i lulamile, I ranza mitiro yo lulama; A valulamileko va ta wona a nghohe yakwe.

Tisimu 25:4

Jehova, nzi kangete a tindlela ta wena, U nzi gonzisa a misoko ya wena.

Tisimu 25:5

Nzi rangele zineneni za wena, u nzi gonzisa; Hakuva u Nungungulu wa kuhanyiswa ka mina: Nzi ku rinzele xontlhe xikhati.

Tisimu 27:11

Jehova, nzi gonzise a ndlela ya wena, U nzi rangela ndleleni yi lulamileko Hi kota ya valala va mina.

Tisimu 5:9

Hakuva a ku na kutsumbeka milonwini yabye, A timbilu tabye ti tele hi kubiha; A minkolo yabye zilahla zi ahlamileko; Va wulawula mahlenga hi tirimi tabye. Rom. 3:13

Mavingu 11:5

A kululama ka loyi a mbheleleko ku ta lulameta ndlela yakwe; anilezi a wa kubiha i ta wiswa hi kubiha kakwe.

Mavingu 20:7

A munhu nene i famba kululameni kakwe; a katekile a vana vakwe va mu lanzelako.

Mavingu 21:8

A ndlela ya munhu a na nga ni nanzu yi gornbonyekile, anilezi loyi a basileko a tindlela takwe ti lulamile.

Mavingu 3:6

U ta mu ingisa tindleleni tontlhe ta wena, ena i ta lulamisa a tisoko ta wena.

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 52:12

Hakuva mu nga ta famba hi ku hatlisa, Ge hambu ku suka hi ku tsutsuma; Hakuva Jehova i ta mu rangela, Na Nungungulu wa ka Israeli i ta mu vikela lenzhako. Ekso. 12:33; 13:21; Deut. 16:3

Isaya 57:2

A enghena kuruleni; Lava va fambileko hi kululamileko va ta humula mibhedini yabye.

Jeremia 10:23

O Jehova, nza zi tiva lezaku a ndlela ya munhu a yi le ntanwini wakwe, Kambe a munhu a nga zi koti ku lulamisa a mazambo yakwe.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

1 Johani 3:10

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.

1 Johani 3:7

Vana vanga, ngha mu nga kanganyiswi hi munhu; loyi a mahako lezi zi lulamileko i lulamile, kota lezi yena a lulamileko. Ezek. 18:5-9