Isaya 25:6 - Tshwa Bible

⁶ A ka xitsunga lexi Jehova wa tiyimpi i ta mahela matiko wontihe a mubuzo, Mubuzo wa zilo zi nonileko, ni vinya gi hlutilweko, Zakuga za mafura ni mongo, ni vinya go bava gi minyilweko.

Isaya 25:6 ပူးပေါင်းရင်းမြစ်များ

Tisimu 36:8

Va xuriswa hi malongo ya yindlu ya wena; U va nwisa a mati ya congo wa kuxalala ka wena.

Tisimu 63:5

A muhefemulo wa mina wu to khwatsi wu xure hi mongo ni mafura; A nomu wa mina wu ta ku dumisa hi milomu yi tsakako,

Tisimu 78:68

Kanilezi i lo hlawula a lixaka la ka Juda, A xitsunga xa Zioni lexi a xi ranzako.

Xizimba xa ka Solomoni 1:2

Ngha yena a nzi pswopswa hi kupswopswa ka nomu wakwe, Hakuva a liranzo la wena li chukwana ku hunza vinya.

Xizimba xa ka Solomoni 1:4

Nzi koke, hi ta ku lanzela hi ku tsutsuma, A hosi yi nzi nehile tindlwini ta yona. Hi ta nengela hi tsakela wena; Hi ta dumisa a liranzo la wena ku hunza a vinya; Lava va ku ranzako va nani xigelo.

Xizimba xa ka Solomoni 5:1

Nzi enghenile sinwini ga mina, makweru wanga, makoti wa mina; Nzi wungeletele a mure wa mina ni mipepo ya mina; Nzi gile a zihahla za mina ni wulombe ga mina, Nzi nwile vinya ga mina ni masi. Ganani maxaka; nwanani, mu popiwa hi liranzo.

Isaya 1:19

Loku mu vumela ku ingisa, mu taga lezi zo nanziha za tiko;

Isaya 25:10

Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Jeremia 48:11

Moabi i tshamile kuruleni kusukela wusweni gakwe, I tshamile hehla ka zisese zakwe, A nga chululiwangi ka xibya ni xibya, Ge hambu ku yiswa wukhumbini. Hikwalaho a kunanziha kakwe wa ha hi nako, Ni masema yakwe a ma hunzukangi.

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Mateu 26:29

Nziku ka nwina; Kusukela lezi nzi nga ha tanwa mihanzu ya xivina, kala siku lego nzi ta nga yinwa yi hi yiswa, zinwe na nwina le mufunweni wa Dadani. Mar. 14:25; Miti. 10:41

Mateu 8:11

Nziku ka nwina: A vanyingi va tata hi Mutsuwuka-gambo ni Muhlwa-gambo, va ta tshama na Abrahama, na Isaka, na Jakobe, mufunweni wa tilo; Gen. 12:3; Isa. 2:2, 3; Efe. 3:6

Marku 16:15

Aku ngalo kabye: Fambani misaveni yontlhe, mu ya kanela ivangeli ka vanhu vontlhe. Mat. 28:19; Joh. 15:16; Kol. 1:23

Luka 22:30

kasi ma fela kuga ni kunwa mezeni ya mina le mufunweni wa mina; mu ta tshama zitshanwini za wuhosi, mu lamula khume ga tixaka ni timbiri ta Israeli. Tis. 49:14; Mat. 8:11; Kuv. 19:9

Luka 5:39

A ku na munhu a nge loku a nwile a vinya ga kale, a ha lavako legi giswa; hakuva i ngalo; Legi ga kale gi nanziha ku hunza.

Maheberu 12:22

Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Kuvululelwa 19:9

Yiku ka mina: Tsala: Va katekile lava va rambilweko mubuzweni wa muchado wa Yivana. Yi engeta yiku ka mina: Leti hi timhaka ta zinene ta Nungungulu. Mat. 22:2, 3; Lu. 14:15, 16