Isaya 25:2 - Tshwa Bible

² Hakuva a muti u wu mahile a nhulu ya maribye; A muti wa makhokhola u wu ma hile marumbi; A wuakelo ga vamatiko a ga hi muti, Cima gi nga ta ha vuxiwa.

Isaya 25:2 ပူးပေါင်းရင်းမြစ်များ

Joba 12:14

Lezi yena a khungumulako, a zi na ku aketwa; Loku a valela munhu, a nga kona a nga mu vululelako.

Isaya 13:20

Cima gi nga ta ha vuxiwa kambe, Vanhu va nga ta ha aka kona zizukulwaneni zontlhe; Ge hambu a muArabia a nga ta gwimba a tenda gakwe lomo; Ni varisi va nga ta govela kona ni mitlhambi yabye.

Isaya 13:21

A zihari za xiwula zi ta etlela lomo, A tiyindlu tabye ti ta tala hi zihuluhuhu; Timbuwu ti ta tshama kona, Ni timhongo ti ta khanela lomo. Jer. 50:39; Kuv. 18:2

Isaya 13:22

A timhisi ti ta yimba tindlwini ta kona ta wuhosi, Ni mahlolwa lomo ziluvelweni, A xikhati xakwe xi tshinele, ni masiku yakwe ma nga ta hlaya.

Isaya 14:23

Nzi ta gi maha a wuakelo ga tinungu ni mativana ya mati yo bola, nzi ta gi swiyela hi swiyelo wa kulobyiswa, ku wula Jehova wa tiyimpi.

Isaya 17:1

Langutani, Damasku a nga ha ta kuva muti, Kanilezi i tava nhulu ya marumbi. Jer. 49:23; Am. 1:3

Isaya 17:3

A khokhola gi ta susiwa ka Efraime, Ni wuhosi le Damasku ni misalela ya Siria; Zi ta fanana ni wukulu ga vana va ka Israeli, ku wula Jehova wa tiyimpi.

Isaya 21:9

Hi nga wona, wata muboko wa vavanuna, ni mipatswa ya vakhileli va mahaxi. A engeta, aku: Gi wile, a Babuloni gi wile; Zontlhe zifananiso za vanungungulu va gona zi khungumulelwa. Jer. 51:8; Kuv. 14:8; 18:2

Isaya 23:11

I nawulutile a woko gakwe hehla ka bimbi, a tsekatsekisa mifumo, Jehova i nyikile zileletelo xungetano ni makhokhola ya Kanani, Lezaku ma khungumulwa.

Isaya 23:13

Languta a tiko ga maKaldea! a vanhu a va ha hi kona. A maAssiria ma gi mahile a wuakelo ga zivanza za xiwula; va akile makhokhola ya gona, va khungumula ziluvelo za gona; yena i lo gi maha marumbi.

Isaya 24:10

A muti wa vilinganya wu hahlukile, A yindlu ni yindlu yi valilwe, ku nga engheni munhu.

Isaya 25:12

Jehova i khungumule a khokhola ga wena ga makhurisi ma tlakukileko, I gi wisile lahasi tshurini.

Isaya 26:5

Hakuva wa tsongahata lava va akako matshanwini ma tlakukileko, I koramisa a muti wu ti tlakusako, Wu reletwa hasi a wu wisa tshurini. Jer. 51:8; Kuv. 14:8; 18:2

Isaya 27:10

Hakuva a muti wu bhiyelweko wu mahile rumbi, Wuakelo gi tsikilweko, gi mahile xiwula; A marole ma gela kona, ma etlela kona, maga maravi ma seleko.

Isaya 32:14

Hakuva a ziluvelo zi ta tsikiwa, A muti lowu wu tlhomeneko vanhu wu ta maha rumbi. A xitsunga ni makhokhola ya valanguteli zi tava tinzawu kala kupinzuka, A wukhanelo ga zihari za khwati ni wuriselo ga mitlhambi;

Isaya 32:19

Kanilezi a khwati gi tawa loku kuna maralala, Ni muti wu ta tsongahatiwa.

Isaya 34:13

Ku ta mila mizwa lomu ziluvelweni za kona, A mahlehlo ni zigetlwani zi ta mila lomu makhokholeni; Gi tava wuakelo ga mahlolwa ni timbhuwu.

Isaya 37:26

Kasi a ku zi zwangi lezi nzi zi mahileko kaleloko, Nzi zi wulawulile masikwini ya kale? Makunu nza zi maha zi tatiseka, Lezaku a miti ya makhokhola u yi maha marumbi.

Jeremia 51:26

lezaku ku nga tekiwi ka wena a ribye ga magumo, hambu a ribye go aka ha gona a ziseketelo; kanilezi u tava marumbi kala kupinzuka, ku wula Jehova.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Deuteronome 13:16

U ta tsombanyisa yontlhe a tshomba ya muti lowo laha phangweni ga muti, zonake u hisa zontlhe hi kota ya Jehova Nungungulu wa wena, a muti ni yontlhe a tshomba ya wona, ku tava rumbi laho; ku nga ha akiwi kambe.

Kuvululelwa 18:19

Va lo ti palatela tsutsungwani tihlokweni tabye, va hlaluka, va rila, va maha hlomulo, vaku: Yowe, yowe, a muti lowu wa hombe, lowu vontlhe lava va nga ni mataru lomu bimbini va nga fumiswa hi wukosi ga wona! Hakuva hi xitshuketi wu hangalakile nwa! Jox. 7:6; Joba 2:12