Isaya 24:3 - Tshwa Bible

³ A misava yi tava xiwula xo mbhelela, Yi ta gohiwa ku hunza mpimo; Hakuva Jehova i wulile gezu lego.

Isaya 24:3 ပူးပေါင်းရင်းမြစ်များ

2 Kronekele 36:21

Kasi ku fela ku tatiseka a gezu ga Jehova legi gi wulilweko hi nomu wa Jeremia, kala a tiko gi ta ti tsakela hi masabado ya gona; gi humula xikhati xontlhe lexi kala ku mbhela 70 wa malembe. Levi 26:34; Jer. 25:12; Dan. 9:2

Isaya 21:17

ni misalela ya vamawura va tinhenha xikari ka vana va Kedare yi tava yitsongwani. Hakuva Jehova a Nungungulu wa Israeli i wulile lezo.

Isaya 22:25

a ka siku lego, ku wula Jehova wa tiyimpi, a phanze legi gi zimekilweko wutshanwini go tiya, gi ta kunulwa giwa; ni zontlhe lezi zi nga hi hehla ka gona zi ta lobyiswa, hakuva Jehova i wulile lezo.

Isaya 24:1

Langutani, Jehova wa maha misava yiva xiwula, wa yi hahlula; Wa hunzula xiyimo xa yona, a hangalasa vaaki va yona.

Isaya 24:2

A mupristi i ta fanana ni vanhu; A nwinyi i ta fanana ni nanza; A khosikazi i ta fanana ni nanza ga xisati; A muxavisi i ta fanana ni muxavi: A mulombisi i ta fanana ni mulombi; Ni mulonzi i ta fanana ni loyi a nga ni nanzu.

Isaya 24:4

A misava yi le nkosini, ya lova; A misava yi tsanwile, yi na ni gome; A vahombe va misava va vumala ntamu.

Isaya 42:22

Kanilezi a tiko legi gi phangilwe, gi na ni wusweti; Va vekelwe maziyo marinzini, va hoxiwa paxweni; Va khomilwe, a va na mutlhatlhisi, Va wutliwa, a nga kona a wulako, aku: Tlhelisa!

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Isaya 6:11

Zonake mina nziku: Kala rini Hosi? Yena i lo hlamula, aku: Kala a miti yi hahluka, yi nga have na vaaki, ni tiyindlu ti nga hi na munhu, ni tiko gontlhe giva rumbi,

Jeremia 13:15

Zwanani, mu riya tindleve; Mu ngave na matshanza, hakuva Jehova i wulile.

Ezekieli 36:4

hikwalaho nwina zitsunga za ka Israeli, zwanani a mhaka ya Hosi Jehova! I wula lezo Hosi Jehova ka zitsunga ni miganga, ka micongo ni minzhelelo, ka marumbi ma mahileko ziwula, ni ka miti yi tsikilweko, leyi yi mahileko muphango ni xihlekiso ka mifumo leyi yi ranzelekeleko.

Mika 2:4

A siku lego va ta mu xelembenza hi lisimu, va taba nkosi hi lisimu la xirilo, vaku: Hakunene hi Iovile! I nyikela vanwani a tshomba ya tiko ga hina. Hikuyini a nzi wutleleko gona? I avele a masimu ya hina ka lava va hluwukileko. 2 Tih. 17:24

Mika 4:4

Kanilezi munwe ni munwani i ta tshama lahasi ka vina wakwe, ni lahasi ka kuwu wakwe. A nga kona a ta nga va dzuxa, hakuva a nomu wa Jehova wa tiyimpi wu wulile lezo. Levi 26:6; 1 Tih. 4:25; Zak. 3:10

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

Deuteronome 29:28

Na Jehova i va tsuwule lomu tikweni gabye hi zanga, ni kuholova, ni kuhlamuka ka hombe, na yena i va hoxile ka ginwani tiko, khwatsi hi lezi hi zi wonako legi siku.