Isaya 24:20 - Tshwa Bible

²⁰ a misava yi ta dedereka ku fanana ni xidakwa; yi ta hohloka ku fanana ni xaxa. Yi bhinziwa hi zihambunyeto za yona; yi tawa, yi nga ha vuki kambe.

Isaya 24:20 ပူးပေါင်းရင်းမြစ်များ

Genesisi 41:31

A pfuno wu nga ha ta tibyiwa lomu tikweni hi kota ya ndlala leyi yi ta ngata hi le nzhako, hakuva yi tava ndlala ya hombe nguvu.

Joba 12:25

Va hulumetela xinyameni na va nga hi na xibyeningo, A va maha va dedereka khwatsi hi munhu a popilweko.

Tisimu 107:27

Va ndlengandlenganyiswa, va dedereka kotisa munhu a popilweko, A wutlhari gabye gontlhe gi mbhela.

Tisimu 38:4

Hakuva a zigoho za mina zi hunza ni hloko ya mina; Kota zi nga nzhwalo wo tika za nzi binza nguvu.

Isaya 1:28

Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Isaya 1:8

Ku sele ntsena a nhanyana wa Zioni khwatsi xikupe le xivineni, khwatsi i xaxa le sinwini ga mariwa, khwatsi i muti wu vimbezelweko.

Isaya 19:14

Jehova i va chelile a moya wa sululwani, Va mahile Gipite gi dedereka mitirweni ya gona yontlhe, Khwatsi hi munhu a popilweko a dederekako kuhlateni kakwe.

Isaya 24:1

Langutani, Jehova wa maha misava yiva xiwula, wa yi hahlula; Wa hunzula xiyimo xa yona, a hangalasa vaaki va yona.

Isaya 28:7

Kanilezi laha kambe a vanhu va dedereka hi kota ya vinya, Va khunguvanyeka hi byala; A vapristi ni vaprofeti va dedereka hi byala, Va popilwe hi vinya, va dedereka hi byala; Va khuvatana loku va profeta ni ku maha wuwoyiwoyi kulamuleni.

Isaya 29:9

Yimani, mu hlamala, Tsimbani mahlo, muva zikhumu; Va popilwe, kanilezi na ku nga hi hi vinya; Va dedereka, kanilezi na ku nga hi kota ya byala.

Isaya 38:12

A yindlu ya mina yi susiwa, yi yiswa kule A kukotisa a xaxa wa murisi; Nzi songile a wutomi ga mina khwatsi hi muluki, Wa nzi tsema lomu ka xikhato; Na ku nga se ku chikela wusiku u nzi mbhetile.

Isaya 43:27

A nyapanze wa wena i onhile, Ni vatlhamuseli va wena va nzi onhele.

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Jeremia 25:27

U ta va byela, uku: Jehova wa tiyimpi a Nungungulu wa Israeli, i ngalo: Nwanani mu popiwa, ni ku paleka, muwa mu nga ha vuki kambe, hi kota ya supado nzi to yi rumela xikari ka nwina.

Jeremia 4:24

Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

Jeremia 51:29

A misava ya rurumela, yi le kubayisekeni; hakuva a makungo ya Jehova ya ku hahlula a tiko ga Babuloni, gi ngavi na vaaki, ma maheka.

Jeremia 8:4

Kambe u ta va byela, uku; Jehova i ngalo: Xana a munhu a ngawa a nga tlheli a vuka ke? A nga hambuka, a nga tlheli a wuya ke?

Mikosi 1:14

A muyoka wa zihambunyeto za mina wu bohilwe hi canja gakwe, Zi bohene khatiginwe nhanwini ya mina, a mbheta ntamu wa mina. A Hosi yi nzi nyikele mandleni ya lava nzi nga zi kotiko kulwa navo.

Danieli 11:19

Zonake i ta tlhelela makhokholeni ya tiko gakwe; kanilezi i ta khunguvanyeka awa, a nga ha kumiwi kambe.

Amosi 8:14

Lava va hlambanyako hi xionho xa Samaria, vaku: Hi wutomi ga nungungulu wa wena Dani! niku, Hi wutomi ga ndlela ya le Berexeba! Na vonawu va tawa, va nga ha vuki kambe. 1 Tih. 12:28; Hos. 10:8

Nahume 1:5

A zitsunga za tsekatseka: mahlweni kakwe, ni miganga ya nyeka; a misava ya kukumuka mahlweni kakwe, a tiko ni zontlhe, zi tshamako ka gona. Ekso. 19:18; Joeli 3:16; Mika 1:4

Kuvululelwa 18:21

A ngelosi ya ntamu yi lo tlakula a ribye go kota ribye ga hombe ga xigayo, yi gi hoxa bimbini, yiku: Hizalezo wu ta nga hoxiswa zona a muti lowu wa hombe Babuloni; cima wu nga ta ha kumiwa kambe. Jer. 51:64