Isaya 24:18 - Tshwa Bible

¹⁸ Loyi a ta nga tsutsuma hi kota ya chawo, i ta wela rinzini; ni loyi a ta nga huma rinzini, i ta phasiswa hi ziyo. Hakuva a tinjhanela ta le hehla ti vululekile, ni ziseketelo za misava za tsekatseka. Gen. 7:11; Am. 5:19

Isaya 24:18 ပူးပေါင်းရင်းမြစ်များ

Genesisi 19:24

zonake Jehova i lo nisa a solufa ni nzilo hehla ka Sodoma ni Gomora, zita hi ka Jehova le tilweni. Deut. 29:23; Isa. 13:19; Lu. 17:29

Genesisi 7:11

Hi lembe ga wu 600 ya kuhanya ka Noa, hi hweti ya wumbiri, hi siku ga wuntlhanu ni mambiri, hi siku lego a zibuka zontlhe za kueta loku ka hombe zi lo vululeka, ni tinyangwa ta tilo ti lo vululeka, Joba 38:16

2 Tihosi 7:2

Kanilezi a nduna ya hosi leyi yi khegelako laha canjeni ga yona, yi lo hlamula a munhu wa Nungungulu, yiku: Hambu loku Jehova a vulula a tinjhanela ta le tilweni, lezo zilo u zi wulako cima zi nga mahekisa kuyini? Elixa i lo hlamula, aku: U ta zi wona hi mahlo ya wena, kanilezi cima u nga ta ziga.

Joba 20:24

Loku a tsutsuma a chava a tlhari ga xiketse, A wura ga suku gi ta mu phuruta.

Tisimu 18:15

A milonga ya mati yi lo woneka, Ziseketelo za misava zi sala kubaseni, Hi kota ya kupambula ka wena, Jehova, Hi kota ya xikuhe xa tinhovu ta wena.

Tisimu 18:7

A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

Tisimu 18:8

Ku lo huma musi hi lomu tinhovini takwe, Hi nonwini wakwe ku lo huma nzilo wu lovisako, Ku lo huma kambe ni makhala ma vurako. Ekso. 19:18

Mutshawuteli 9:12

Hakuva munhu a nga xi tivi xikhati xakwe; khwatsi hi zidluwani zi phasiwako hi likoka, ni tinyanyani ti phasiwako hi tlhamu, hilezo ni vana va vanhu va phasiswako zona xikhatini xa kubiha, va welwa hi khombo hi xitshuketi. Mar. 13:35; Lu. 12:20

Isaya 13:13

Hikwalaho nzi ta tsekatsekisa a tilo, Ni misava yi ta suka wutshanwini ga yona, Hi zanga ya Jehova wa tiyimpi, sikwini lego ga khulo gakwe gi chavisekako.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 2:21

loku va tsutsumela lomu timhakweni ta maribye ni mikovotlweni ya zitsunga, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 42:22

Kanilezi a tiko legi gi phangilwe, gi na ni wusweti; Va vekelwe maziyo marinzini, va hoxiwa paxweni; Va khomilwe, a va na mutlhatlhisi, Va wutliwa, a nga kona a wulako, aku: Tlhelisa!

Isaya 8:14

Lezo i tava wuponelo ga nwina, kanilezi a ka tiyindlu leʼtimbiri ta ka Israeli i tava xikhunguvanyiso, ni ribye legi gi ta nga va wisa, ni ka vaaki va Jerusalema i tava tlhamu ni ziyo. Lu. 2:34; Rom. 9:33; 1 Ped. 2:7

Jeremia 48:43

A hlenekera, ni rinzi, ni ziyo zi rinzele wena muaki wa Moabi, ku wula Jehova.

Jeremia 48:44

Loyi a tsutsumako hi kota ya hlenekera i ta wela rinzini; loyi a humako rinzini i ta phasiwa ziyweni. Hakuva Moabi nzi ta mu nehela a lembe ga kutsayiswa, ku wula Jehova.

Mikosi 3:47

Hi chikelelwe hi hlenekera ni kuphasiwa, Ni kuhahlulwa ni kulobyiswa.

Ezekieli 11:8

Mu chava a supado, nzi ta neha supado hehla ka nwina, ku wula Hosi Jehova.

Ezekieli 12:13

Nzi ta mu phasa hi likoka la mina; nzi mu yisa Babuloni, a tikweni ga maKaldea. Kanilezi a nga ta gi wona, hambu lezi a to fela kona. 2 Tih. 25:4; Jer. 52:11

Ezekieli 15:7

Nzi ta va honokela; va ponile nzilo, kanilezi va ta lobyiswa hi nzilo. Va ta zi tiva lezaku hi mina Jehova, laha nzi ta nga va honokela.

Amosi 5:18

I khombo ka nwina mu navelako a siku ga Jehova! Mu gi navelela yini a siku ga Jehova? Gi tava ga munyama, gi nga tava ga kuwonekela.

Amosi 5:19

Mu ta kota munhu a tsutsumako a nghala, a ya tlhangana ni urso; a enghena lomu ndlwini a ti hiketela khurisini hi canja gakwe, a nyoka yi mu luma.