Isaya 21:16 - Tshwa Bible

¹⁶ Hakuva a Hosi yi te ngalo ka mina: Ka ha sele lembe ginwe, legi gi fananako ni lembe ga xitiri, zonake gontlhe wukulu ga Kedare gi ta mbhela;

Isaya 21:16 ပူးပေါင်းရင်းမြစ်များ

Genesisi 25:13

laya hi mavito ya vana va Ixmaeli, hi mavito yabye, hi zizukulwana zabye: A matewula ya Ixmaeli hi Nebaiote; na Kedare, na Adbeeli, na Mibsame,

1 Kronekele 1:29

A zizukulwana zabye hi lezi: a matewula ya Ixmaeli hi Nebaiote, ku gamela Kedare, na Adbeeli, na Mibsame,

Joba 7:1

A xikhati xa munhu laha misaveni a hi xa kulwa ke? Ni masiku yakwe a me khwatsi masiku ya munhu a tholilweko ke?

Tisimu 120:5

Yowe, nzi akileko le Mexeki, Nzi tshamako matendeni ya Kedari.

Xizimba xa ka Solomoni 1:5

Nzi wa ntima, kanilezi nzi sasekile, O nwina vanhwana va Jerusalema, Nzi fanana ni matenda ya le Kedari, khwatsi a micacalato ya Solomoni.

Isaya 16:14

Kanilezi makunu Jehova i wulile aku: Ku ta hunza malembe manharu ma fananako ni malembe ya xitiri, zonake a wukulu ga Moabi ni xidlemo xakwe xa hombe zi ta tsongahatiwa; ni misalela ya kona yi tava yitsongwani, yi nga ha khatalwi.

Isaya 42:11

Ngha a xiwula ni miti ya xona zi tlakusa magezu, Na nwina zimitana za vaKedare; Lava va akileko le Sela ngha va yimbelela, A va kanyuluka hehla ka zitsunga.

Isaya 60:7

A mitlhambi yontlhe ya le Kedare yi ta tsomhanyiswa ka wena, A tihamba ta Nebaiote ti ta ku tirela; Ti ta humesiwa ganzelweni ga mina khwatsi hi munyikelo wu khesekako, Nzi sasekisa a yindlu ya wukulu ga mina.

Jeremia 2:10

Hi nga pelani muya zihlaleni za Kitimu, mu ya wona; Rumelani Kedari, mu hlotisisa khwatsi; Mu wona loku a xilo xa kunghahi xi wa sina xi mahekile.

Jeremia 49:28

Xungetano na Kedare ni matiko ya le Hazora, lawa Nebukadrezzare a hosi ya Babuloni a ma hlaseleko, Jehova i ngalo: Sukani mu kanziha muya Kedare, mu onha a vana va Muhuma-gambo.

Ezekieli 27:21

Arabia ni tihosana tontlhe ta le Kedare va wa hi canjeni ga wena, va xavisa tiyivana, ni tihamba, ni timhuti. Gen. 25:13; Tis. 120:5