Isaya 20:2 - Tshwa Bible

² a ka xikhati xwalexo Jehova i lo wulawula ha Isaya a nʼwana Amozi, aku: Famba u ya tlhatlha a sakwa yi nga xiwunwini xa wena, u susa ni zilato mikonzweni ya wena. I lo maha lezo, a famba ximbyiri, na a nga hi na zilato. Zak. 13:4; Mat. 3:4

Isaya 20:2 ပူးပေါင်းရင်းမြစ်များ

2 Samueli 15:30

Davida i lo kanziha xitsunga xa maOliva na a kari a rila, na fenengetile a hloko yakwe, na a nga ambalangi zilato; ni vanhu vontlhe lava a nga hi navo va lo fenengeta tihloko tabye va rila, na va kari va kanziha. Estere 6:12; Jer. 14:3

2 Samueli 6:20

Zonake Davida i lo tlhelawu a ya katekisa a ngango wakwe. Mikali wa Saule i lo huma a mu khinga, aku; Mbudzunzo muni yi ti dzunzileko ha gona a hosi ya ka Israeli nyamutlha! Ko kala a funungula wutsumbu gakwe mahlweni ka zitiri za xisati za malanza yakwe khwatsi munhu a nga hiko na kupima.

2 Tihosi 1:8

Vona va te ngalo kakwe: Munhu a ambeleko a kumba wa woya na bohile a bhandi ga bhebhe xiwunwini xakwe. Yena i te ngalo: Hi Elija a muTixebeti. Zak. 13:4; Mat. 3:4

Tisimu 30:11

Lezo u hunzule a kurila ka mina kuva kukina, Wena u nzi tlhatlhile a nguwo ya xirilo, u nzi ambexa hi litsako,

Eksodusi 3:5

Nungungulu aku: U nga tshineli laha! Susa zilato mikonzweni ya wena, hakuva a wutshamu legi u yimileko ka gona mbutshamu go basa.

Isaya 1:1

A miwoniso ya Isaya, a nʼwana Amozi, leyi a nga yi wona xungetano na Juda ni Jerusalema a masikwini ya Uzzia, Jotamu, Ahazi, na Hezekia, a tihosi ta ka Juda.

Isaya 13:1

Xiprofeto hi Babuloni, lexi xi wonisilweko ka Isaya, nʼwana Amozi.

Isaya 37:2

I lo ruma Eliakimu a nduna ya yindlu ya hosi, na Xebna a mutsali, ni vapristi va hombe na va ambele tisakwa, a kuya ka muprofeti Isaya a nʼwana Amozi,

Jeremia 48:37

Hakuva a tihloko tontlhe ti halulwe, ni malevu wontihe ma cingilwe; a mawoko wontihe ma cekelelwe, na va ambele tisakwa ziwunwini.

Ezekieli 24:17

Hefemuteka na u miyele, u nga mahi xirilo xa loyi a fileko; boha xihuku xa wena, u ambala zilato mikonzweni, u nga fenerigeti xilevu xa wena, u ngagi xibaba xa xirilo. Levi 10:6; 13:45; 2 Sam. 15:30; Mika 3:7

Ezekieli 24:23

Mu ta tshama mu bohile zihuku tiklokweni ta nwina, ni zilato mikonzweni ya nwina. Mu nga ta rila ge hambu kuba nkosi; kanilezi mu ta jomoloka zigohweni za nwina, mu keta munwe ka munwani.

Ezekieli 4:1

Ma wena nʼwana wa munhu, teka a thayela u yi veka mahlweni ka wena, u tsala ka yona a xifananiso xa muti wa Jerusalema.

Ezekieli 4:5

Hakuva a tsengo wa malembe ya kugoha kabye, a ka wena nzi ta wu hunzula wu maha a tsengo wa masiku, ku tava 390 wa masiku. Zinghaho u ta rwala kugoha ka yindlu ya ka Israeli.

Mika 1:11

Wena loyi u akileko le Xafira, suka na u hi ni wumbyiri ni tingana. Muaki wa le Zaanani wa chava ku huma, a nkosi wa. Bet-ezeli wa mu hetela a kutsumba.

Mika 1:8

Hi kota ya lezi nzi ta rila, nzi hlomula; nzi ta famba na nzi nga hi na zilato na nzi hi ximbyiri. Nzi ta rila ku fanana ni, hlolwa, nzi maha hlomulo khwatsi nzi mbuwu.

Zakaria 13:4

Hi siku lego munwe ni munwani wa vaprofeti i tawa tingana hi miwoniso yakwe a xikhati a profetako; ge a nga ta ambala a nguwo ya woya kasi ku khohlisa. 2 Tih. 1:8; Mat. 3:4

Mateu 16:24

Zonake Jesu i te ngalo ka vapizani vakwe: Loku munhu a ranza ku nzi lanzela, a ti tsike, a rwala xihambano xakwe a nzi lanzela. Xip. 10:38; Mar. 8:34; Lu. 9:23

Mateu 3:4

Makunu Johani i wa hi ni tinguwo ta woya ga kameli, ni bhandi ga xikhumba xiwunwini xakwe; a kuga kakwe ku wa hi humbi ni wulombe ga khwati. Levi 11:22; Mar. 1:6; 2 Tih. 1:8

Johani 21:7

A mupizani loyi Jesu a nga mu ranza aku ngalo ka Pedro: Hi Hosi. Laha Simoni Pedro na a zwile lezaku hi Hosi, i lo boha nguwo yakwe, hakuva i wa hi ximbyiri, a pfunwala bimbini. Xip. 13:23; 20:2

Mitiro 19:16

Ni munhu loyi wu nga hi ka yena a moya wa kubiha i lo va tlulela, a va pfinya hi wumbiri gabye a va xanisa, kala va panzanyeka lomo ndlwini, va huma va hi zimbyiri na va lamatilwe.

Mitiro 21:11

Na a chikele ka hina i lo teka a bhandi ga Paule, a ti boha mikonzo ni mandla, aku ngalo; Moya wa ku Basa wu ngalo; Loyi a nga nwinyi wa bhandi legi, a vaJuda va ta mu bohisa lezi le Jerusalema, va mu nyikela mandleni ya vamatiko. Xip. 20:23; 21:33

Joxua 5:15

Ni nduna ya yimpi ya Jehova yi te ngalo ka Joxua: Susa a zilato Za wena mikonzweni ya wena, hakuva a wutshamu legi u yimileko ka gona mbutshamu go basa. Na Joxua i lo maha lezo.

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

1 Samueli 19:24

Zonake i lo susa a tinguwo takwe, yenawu i lo profeta mahlweni ka Samueli, a tshama siku gontlhe ni wusiku gontlhe na a etlele lahasi, na a hi ximbyiri. Hikwalaho vaku ngalo: Kasi yenawu Saule i lomu xikari ka vaprofeti ke?