Isaya 19:2 - Tshwa Bible

² Nzi ta kucetela maGipite akuva ma vukela maGipite; Lezaku munhu alwa ni nakulobye, a muakelane a vukela mu-akelane-kulobye, A muti wu vukela muti, a mufumo wu vukela mufumo.

Isaya 19:2 ပူးပေါင်းရင်းမြစ်များ

1 Tihosi 16:21

Zonake a vanhu va ka Israeli va lo avanyeka va maha mitlawa mimbiri; a vanwani va lo lanzela Tibini nʼwana Ginate, va mu maha hosi, a vanwani va lanzela Omri.

2 Kronekele 15:6

A tiko ginwe gi wa vukela ginwani tiko, a muti munwe wu vukela wunwanyani muti, hakuva Nungungulu i lo va hlokisa hi zixaniso zo tala.

Isaya 3:5

A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Isaya 9:21

Manase i taga Efraime, na Efraime aga Manase; Hi wumbiri gabye va ta vukela Juda. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 46:12

A matiko ma zwile hi tingana ta wena, A misava yi tele hi tihuwa ta wena, A nhenha yinwe yi khunguvanyiswa hi yinwani, Tiwa zinwe hi wumbiri ga tona.

Jeremia 51:46

Ngha timbilu ta nwina ti nga rereki, hambu ku chava a mahungu lawa ma zwalako lomu tikweni; hakuva a mahungu ma ta zwala lembe ginwe, ni lembe gi gamelako ku ta zwala mahungu manwani, ni pfilupfilu lomu tikweni, a hosi yi vukela yinwani hosi.

Ezekieli 38:21

Nzi ta vitana a supado yi talwa naye lomu zitsungeni zontlhe za mina, ku wula Hosi Jehova; a munhu ni munhu i ta khoma supado a vukela nakulobye.

Zakaria 8:10

Hakuva hi mahlweni ka masiku lawo a ntiro wa munhu wu wa nga hi na bhinzu, ni zihari zi wa tira mahala; lava va humako ni lava va enghenako va wa nga hi na kurula hi kota ya valala. Hakuva nzi wa kuce-tela vanhu lezaku munwe ni munwani a vukela a muakelane wakwe.

Mateu 10:21

A munhu i ta nyikela nakulobye kufeni, ni raru i ta nyikela nʼwana wakwe; a vanana va ta vukela vabeleki vabye, va va dayisa.

Mateu 10:36

ni va le ngangweni wa munhu va ta maha valala vakwe. Tis. 41:9; Joh. 13:18

Mateu 12:25

Jesu na a tiva maalakanyo yabye i te ngalo ka vona: Ni wihi mufumo wu ti panzako ha woce wu ta hangalaka; ni wihi muti kutani yindlu yi ti panzako ha yoce yi nga ta ku tsonzoma. Xip. 9:4; Joh. 2:25; Kuv. 2:23

Mateu 24:7

Hakuva a tiko gi ta vukela tiko, ni mufumo wu ta vukela mufumo; ku tava kona tindlala ni kutsekatseka ka misava matshanwini ma tsalangeneko. Isa. 19:2

Marku 3:24

A mufumo loku wu hambene ha woce, lowo mufumo a wu na ku tsonzoma.

Valamuli 7:22

Kanilezi laha lava va 300 va nga waba mipunzu, Jehova i lo maha vaMidiani va tlhavana ha voce hi matlhari yabye lomu wugovelweni gontlhe. A yimpi yontlhe yi nga hi lomu wugovelweni yi tsutsuma kala le Bet-xita, hi tlhelo ga le Zerera, va ya chikela le mbhinganweni wa Abeli-mehola, hi tlhelo ga le Tahate. 1 Sam. 14:20; Tis. 83:9

Valamuli 9:23

Nungungulu i lo rumela a moya wo biha ka Abimeleki ni ka vanhu va le Xekemi. A vanhu va le Xekemi va lo kanyisa Abimeleki;

1 Samueli 14:16

A varinzeli va Saule lava va nga hi le Gibea ga ka Benjamini va lo wona a vanyingi lava va nga wa hangalaka, va tsutsuma ka wontihe matlhelo.

1 Samueli 14:20

Zonake Saule ni vontlhe vanhu lava a nga wa hi navo va lo tsombana laha kulweni, a vaFilistia va tlhavana ha voce hi matlhari yabye, ni pfilupfilu yi wa hi ya hombe nguvu.