Isaya 14:24 - Tshwa Bible

²⁴ Jehova wa tiyimpi i hlambanyile, aku: Hizinene, zi ta maheka khwatsi hilezi nzi zi alakanyileko, Khwatsi hilezi nzi zi xuvileko, zi tava lezo.

Isaya 14:24 ပူးပေါင်းရင်းမြစ်များ

Genesisi 41:32

A miloro leyo yi wuyetilwe ka Faro, hakuva i mhaka yi tiyisilweko hi Nungungulu, na Nungungulu i ta hatlisa ku maha lezo zilo.

Joba 23:13

Kanilezi i na ni kualakanya kunwe ntsena, himani a nga mu hunzulusako? Ni lezi a zi ranzako wa zi maha. Dan. 4:32

Tisimu 110:4

Jehova i hlambanyile, cima a nga ta hunzula: Wena u mupristi kala kupinzuka Hi tshamela ga Melkizedeki. Gen. 14:18; Maheb. 5:6, 10; 6:20

Tisimu 33:10

Jehova wa vinya a makungo ya vamatiko, A maha maalakanyo ya matiko ma nga vuni nchumu. Joba 5:12; Mav. 21:30

Tisimu 92:5

Jehova, yi kulisile kuyini a mitiro ya wena! Ni maalakanyo ya wena ma etile nguvu. Rom. 11:33

Eksodusi 17:16

Aku: Lezi a canja ga Amaleki gi vukeleko a xiluvelo xa, Jehova, Jehova i talwa na Amaleki ka zizukulwana za zizukulwana.

Mavingu 19:21

Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

Mavingu 21:30

A gi kona wutlhari, kutani kupima, e hambu wusungukati legi gi hlulako Jehova.

Isaya 10:5

Khombo ka Assiria, a limhika la zanga ya mina! Loyi a welelako khulo ga mina khwatsi i nhonga.

Isaya 19:12

Ti kwihi a titlhari ta wena ke? A va ku byele ka! loku va zi tiva Lezi Jehova wa tiyimpi a xuvileko xungetano ni Gipite.

Isaya 19:17

A tiko ga Juda gi ta chaviseka ka va le Gipite; vontlhe va ta nga byeliwa ha gona va ta rurumela, hi kota ya makungo ya Jehova wa tiyimpi xungetano na vona.

Isaya 55:8

Hakuva a maalakanyo ya mina a hi maalakanyo ya nwina, Ge hambu a tindlela ta nwina a hi tindlela ta mina, Ku wula Jehova.

Isaya 55:9

Khwatsi hi matilo ma tlakukile ko ku hunza misava, Zinghaho a tindlela ta mina ti tlakukile ku hunza ta nwina, Ni maalakanyo ya mina ma hunza ya nwina.

Jeremia 23:20

A zanga ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa khwatsi.

Jeremia 29:11

Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Jeremia 44:26

Makunu zwanani a mhaka ya ka Jehova, nwina nwentlhe va ka Juda lava mu akileko lomu Gipite! Langutani, nzi hlambanyile hi vito ga mina ga hombe, ku wula Jehova, lezaku a vito ga mina gi nga ta ha kumbukwa hi nomu wa ni wihi wa va ka Juda lava va akileko lomu tikweni ga Gipite, aku: Khwatsi hilezi Hosi Jehova a hanyako!

Jeremia 49:20

Hikwalaho zwanani a makungo ya Jehova, lawa a bohileko ha Edome, ni mixuvo yakwe leyi a xuvileko hi vaaki va le Temani. Futsi va ta rorovisela lava va tsongwani va tlhambi; ni wugelo gabye gi ta onhiwa zinwe navo.

Jeremia 50:45

Hikwalaho zwanani a makungo ya Jehova, lawa a bohileko ha Edome, ni mixuvo yakwe leyi a xuvileko hi vaaki va le Babuloni. Futsi va ta rorovisela lava va tsongwani va thlambi; ni wugelo gabye gi ta onhiwa zinwe navo.

Mikosi 3:37

Himani a zi kotako ku wula a mhaka yi maheka, Loku Hosi yi nga yi leletangi ke?

Ezekieli 12:25

Hakuva mina Jehova nzi ta wulawula, ni gezu ga mina gi ta maheka; gi nga ta hlwela ku humelela; hakuva nzi ta wula a gezu, nzi wuya nzi gi maha a masikwini ya nwina, yindlu yi hluwukileko, ku wula Hosi Jehova.

Ezekieli 39:4

U ta wela zitsungeni za ka Israeli, wena ni mitlawa ya wena yontlhe, ni matiko lawa ma nga zinwe na wena. Nzi ta ku nyikela u giwa hi makoti ya tixakaxaka, ni zivanza za khwati.

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Amosi 8:7

Jehova i hlambanyile hi matshanza ya Jakobe, aku: Hizinene cima nzi nga ta rivala ni wunwe wa mitiro yabye.

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Mitiro 4:28

kasi va maha lexi u nga xi yimisile hi kale hi canja ga wena ni khungo ga wena, a kuva xi maheka. Xip. 2:23

Va le Efesusi 1:9

I lo hi tivisa a mifihlakalo ya kuranza kakwe kukotisa a kuxuva kakwe loku a ku xuvileko, Kol. 1:26; 2 Tim. 1:9

Maheberu 4:3

Hakuva hina lava hi kholilweko ha enghena kuhumuleni loku, kota lezi a ngaku ngalo: Lezo nzi lo hlambanya zangeni ya mina, nziku: Va nga ta enghena kuhumuleni ka mina; a wula lezo hambu lezi a nga wa hetile mitiro yakwe hi le kuvangiweni ka misava. Tis. 95:11; Xip. 3:11

Joxua 11:20

Hakuva zi wa mahiwa hi Jehova lezaku va nonohisa timbilu tabye a ku vukela Israeli, kasi Israeli a fela ku va lovisa, va nga va tsetsi, kanilezi va va lovisa khwatsi hi lezi Jehova a leleteleko Mosi.