Isaya 14:2 - Tshwa Bible

² A vamatiko va ta va teka, va va yisa kaya kabye; kanilezi a yindlu ya ka Israeli yi ta va fumela lomu tikweni ga ka Jehova, va maha malanza ya xinuna ni ya xisati. Va ta mahiwa tikhumbi hi lava va nga hi tikhumbi tabye, va fumela lava va nga va xanisa.

Isaya 14:2 ပူးပေါင်းရင်းမြစ်များ

Ezra 2:65

Na ku nga hlayiwi ni malanza yabye ya xinuna ni ya xisati, ma nga wa hi 7,337. Xikari kabye ku wa hi ni 200 wa vayimbeleli va xinuna ni va xisati.

Tisimu 68:18

Wena u tlakukela hehla, u yisa a vakhomiwa; U amukele a zinyikiwo hi ka vanhu, Ina, ni xikari ka lava va hluwukileko, kasi Jehova Nungungulu wa fela ku tshama xikari ka vona.

Isaya 18:7

A ka xikhati lexi ku ta nehiwa zinyikiwo ka Jehova wa tiyimpi hi ka tiko ga vanhu vo leha va ntlhohe, a vanhu vo tshisa kusukela ntumbulukweni wabye kala lezi, a tiko ga ntamu gi kanzihelelako zontlhe, legi gi tsemakanyilweko hi micongo; zi ta nehiwa a wutshanwini legi Jehova wa tiyimpi a khozelwako kona, le xitsungeni xa Zioni.

Isaya 31:8

Zonake Assiria i ta wiswa hi supado leʼyi nga hiko ya munhu; ni supado leʼyi nga hiko ya vanhu yi ta mu lovisa. I ta tsutsuma mahlweni ka supado, ni majaha yakwe ma ta mahiwa tikhumbi.

Isaya 45:14

Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 49:22

Hosi Jehova i ngalo: Nzi ta tlakusa a canja ga mina ka vamatiko, Nzi yimisa a nghapa ya mina xikari ka mifumo; Zonake va ta neha varisanyana va wena mawokweni yabye, Ni vanhwana va wena va ta va rwala makatleni.

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

Isaya 49:25

Kanilezi Jehova e ngalo: Ina, a tikhumbi ta nhenha ti ta tlhatlhiswa, Ni muphango wa loyi a Wulileko wu ta wutliwa; Hakuva mina nzi talwa ni valala va wena, Nzi ponisa vana va wena.

Isaya 54:3

Hakuva u ta nava uya tlhelo ga xinene ni tlhelo ga xibhabha, A pswalo wa wena wu ta ti tekela matiko ya mahedeni; Va vuxa a miti yi tsikilweko.

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 60:4

Tlakusa a mahlo ya wena u lunguza, Languta: va tsombene vontlhelele, vata ka wena; A vana va wena va tata hi le kule, Ni vanhwana va wena vata na va wukarelwe.

Isaya 61:5

A vamatiko va tava kona va gisa mitlhambi ya nwina, Ni valuveli va tava varimi va nwina ni vahlayisi va zivina za nwina.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Jeremia 30:16

Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

Jeremia 49:2

Hikwalaho masiku mata, ku wula Jehova, lawa nzi ta ngaba ha wona a nyiwo yo vukela Rabba wa vana va ka Amoni. I ta maha a nhulu ya marumbi, ni miti yakwe yi ta hiswa hi nzilo. Zonake Israeli i taga a tshomba ya lava va ngaga tshomba yakwe, ku wula Jehova.

Ezekieli 39:10

Va nga ta lava tihunyi lomu khwatini, hambu ku tsema tisinya lomu khwatini; hakuva va ta dzivela a nzilo hi matlhari. Va ta phanga lava va nga hi vaphangi vabye, va wutlela lava va nga va wutlela, ku wula Hosi Jehova.

Danieli 7:18

Kanilezi a vobasa va Loyi a Hunzeleleko Kutlakuka va ta nyikwa mufumo va fuma kala kupinzuka ni kupinzuka.

Joeli 3:8

Nzi ta xavisa a vafana va nwina ni vanhanyana va nwina mandleni ya vana va Juda, vonawu va va xavisa mandleni ya va le Xeba, va nga va tiko ga le kule; hakuva Jehova i wulile lezo.

Levi 25:44

A tikhumbi ta xinuna ni ta xisati, leti mu ta nga kuva nato, ti ta kumeka ka vamatiko lava mu gamekeneko navo; hi lomo mu ta nga xava kona a tikhumbi ta xinuna ni ta xisati.

Obadia 1:17

Kanilezi lava va ponileko va tava le xitsuhgeni xa Zioni, xi tava wutshamu gi basileko; zonake a yindlu ya ka Jakobe yi ta fumela a tshomba yabye.

Zakaria 2:13

A nyama yontlhe ngha yi miyela mahlweni ka Jehova; hakuva i vukile wutshanwini gakwe gi basileko. Hab. 2:20; Zef. 1:7

Zakaria 2:9

Hakuva nzi ta juja a woko ga mina hehla kabye, na vona va ta phangiwa hi malanza yabye; nwina mu ta zi tiva lezaku hi Jehova wa tiyimpi a nzi rumileko.

Luka 12:45

Kanilezi loku a nanza lego giku mbilwini ya gona: A hosi ya mina ya hlwela ku wuya; gi sangula kuba a malanza ya xinuna ni ya xisati, giga, ginwa, gi popiwa;

Va le Roma 15:27

Va tsakile ku maha lezo, kota lezi va nga ni nanzu ka vona. Hakuva loku a vamatiko va avelwe a makatekwa yabye ya ka moya, va yimelwe hi ku va tirela hi kufuma kabye ka misava. 1 Kor. 9:11; Gal. 6:6

2 Va le Korinte 10:5

Hi hangalasa a maalakanyo, ni tigingisi tontlhe leti ti tlakukileko to bhiyela a kutiva ka Nungungulu, hi khozisa a maalakanyo wontihe mava tikhumbi ta ku ingisa Kristu; 1 Kor. 1:19; 3:19

Va le Galatia 5:13

Vamakabye, mu vitanelwe kutlhatlheka; kanilezi mu nga tirisi a kutlhatlheka ka nwina lezaku mu famba hi ka nyama, kanilezi tirelanani hi liranzo. 1 Ped. 2:16

Va le Efesusi 4:8

Hikwalaho ku tsalilwe ku ngalo: Laha a nga tlakukela hehla i lo rangela vakhomiwa, A nyika zinyikiwo ka vanhu. Tis. 68:18; Kol. 2:15

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14