Isaya 14:19 - Tshwa Bible

¹⁹ Kanilezi wena u hoxilwe kule ni xilahla xa wena khwatsi i ravi gi nga vuniko nchumu, A nguwo ya wena hi lava va delweko, va tlhabyilweko hi supado, Lava va hoxilweko maribyeni ya rinzi, khwatsi hi xirumbi xi kanzihelweko lahasi.

Isaya 14:19 ပူးပေါင်းရင်းမြစ်များ

1 Tihosi 21:19

U ta ya mu byela, uku: Jehova i ngalo: Xana a hi wena mudayi ni khamba ke? U mu byela kambe uku: Jehova i ngalo: Laha a timbyana ti nga lazela a nkhata wa Nabote hi kwalaho kambe ti ta nga lazela a nkhata wa wena futsi!

1 Tihosi 21:24

Kani hi wihi munhu wa ka Ahabi a ta nga fela laha mutini, a timbyana ti ta muga; ni loyi a ta nga fela khwatini, a tinyanyani ta tilo ti ta muga.

2 Tihosi 9:25

Jehu aku ka Bidkare, a nduna yakwe: Mu tlakule u mu hoxa lomu sinwini ga tshomba ya Nabote a muJezreeli, hakuva alakanya lezaku a xikhatini lexo hi nga khilela, mina na wena, hi lanzela Ahabi a raru wakwe. Jehova i wa wulile a mhaka leyi xungetano na yena, aku:

Isaya 13:15

Vontlhe lava va ta nga kamanyetwa va ta tlhabyiwa; Vontlhelele va ta nga khomiwa va ta dawa hi supado.

Isaya 14:18

Tihosi tontlhelele ta matiko Ti etlele ni wudzunzo yinwe ni yinwani ndlwini ya yona,

Isaya 34:3

A vadelweko vabye va ta hoxiwa, A zirumbi zabye za nuha, Ni nkhata wabye wa khulungela zitsunga.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 16:6

A vahombe ni vanana va tafa hi wumbiri gabye tikweni legi, na va nga lahliwi; a vanhu va nga ta va rilela, hambu ku ti tlhavela ni ku halula tihloko. Levi 19:28; Deut. 14:1; Mika 1:16

Jeremia 22:19

I ta lahliwa ku fanana ni mbongola, I ta ruruvisiwa, a ya hoxiwa handle ka tinyangwa ta Jerusalema.

Jeremia 41:7

Loku va chikele xikari ka muti, Ixmaeli a nʼwana Netania i lo va daya a va hoxa lomu rinzini, na a hi zinwe ni vavanuna vakwe.

Jeremia 41:9

Makunu a rinzi legi Ixmaeli a nga hoxa ka gona a zirumbi za vanhu lava a nga va daya zinwe na Gedalia, hi legi hosi Asa a nga gi mahile hi ku chava Baaxa a hosi ya ka Israeli, hi gona Ixmaeli nʼwana Netania a nga gi tata hi zirumbi. 1 Tih. 15:22

Jeremia 51:4

Vanhu va tawa na va file tikweni ga maKaldea ni lava va tlhabyilweko lomu maruweni ya kona.

Ezekieli 32:23

A matsiza yabye ma kona lehasi kueteni ka nkele, a xidlemo xakwe xi ranzele a tsiza gakwe. Vontlhe va file, va delwe hi supado, va nga vona va dzukisileko a tiko ga vahanyako.

Ezekieli 32:27

Kanilezi a makhuna lawa ma delweko ma nga ta etlela zinwe ni tinhenha, leti ti releleko Xeole ni matlhari yabye ya yimpi, a tisupado tabye na ti maha a zikhigelo za tihloko tabye. A zigoho zabye zi le hehla ka marambu yabye, hakuva ku wa hi vona vadzukisi va tinhenha a tikweni ga vahanyako.