Isaya 14:1 - Tshwa Bible

¹ Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 14:1 ပူးပေါင်းရင်းမြစ်များ

Estere 8:17

Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

Tisimu 102:13

Wena u ta vuka u mahela wuxinji Zioni, Hakuva makunu xikhati xa ku mu tsetselela; Futsi, a xikhati xi yimisilweko xi chikele.

Tisimu 102:14

Hakuva a malanza ya wena ma ranza a maribye ya wona, Ma zwela wusiwana a ntshuri wa wona.

Tisimu 143:12

Hi wuxinji ga wena mbhetisa valala va mina, U lovisa vontlhe tava va hlokisako muhefemulo wa mina, Hakuva nzi nanza ga wena.

Tisimu 98:3

I alakanyile a wuxinji gakwe ni kutsumbeka kakwe ka yindlu ya Israeli, A magemetamusi ya misava ma wonile a kuhanyisa ka Nungungulu wa hina. Lu. 1:54

Isaya 19:18

A ka lego siku ku tava kona a ntlhanu wa miti le Gipite leyi yi ta nga wulawula a lirimi la Kanani, yi hlambanya hi vito ga Jehova wa tiyimpi; a munwe wu ta vitanwa lezaku i muti wa lobyiselelo.

Isaya 21:1

A xiprofeto xungetano ni xiwula xa bimbi. Khwatsi xipupuri xi hunzako le Dzongeni, Zinghaho wata hi le xiwuleni, a tikweni ga ku tshisa.

Isaya 27:6

A ka zikhati zi tako Jakobe i ta mila mitsu; Israeli i ta pfepfa a hluka, I ta tata misava hi mihanzu yakwe.

Isaya 41:8

Kanilezi wena Israeli, nanza ga mina, Wena Jakobe loyi nzi ku hlawuleko, U nga pswalo wa Abrahama a xaka ga mina. Ekso. 19:5; Lu. 1:54; Jak. 2:23

Isaya 41:9

Wena loyi nzi ku tekileko magemeta-musi ya misava, Nzi ku vitanileko magunweni ya kona, Nzi ku byelile, nziku: Wena u nanza ga mina, Nzi ku hlawule, a nzi ku tsikangi.

Isaya 44:1

Makunu zwana, O Jakobe wena nanza ga mina, Wena Israeli, loyi nzi ku hlawuleko!

Isaya 45:14

Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 47:1

Chika, u tshama tshurini, Wena nhwana, nʼwana Babuloni! Tshama lahasi, a ku na xitshamu xa wuhosi, Wena nhwana wa maKaldea; Hakuva u nga ta ha vitanwa aku u nene niku u sasekile.

Isaya 49:10

Va nga tazwa ndlala hambu tora; Ge hambu kuswa hi mumu ni gambo, Hakuva loyi a va zwelako wusiwana i ta va rangela, A va yisa matini ya zibuka.

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 49:15

Wa zi kota wasati ku rivala a xihlangi xakwe, A nga zweli wusiwana loyi a humileko hi rumbyini gakwe ke? Ina, a nga rivakelwa, Kanilezi mina cima nzi nga ta ku rivala. 1 Tih. 3:28

Isaya 49:25

Kanilezi Jehova e ngalo: Ina, a tikhumbi ta nhenha ti ta tlhatlhiswa, Ni muphango wa loyi a Wulileko wu ta wutliwa; Hakuva mina nzi talwa ni valala va wena, Nzi ponisa vana va wena.

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Isaya 54:3

Hakuva u ta nava uya tlhelo ga xinene ni tlhelo ga xibhabha, A pswalo wa wena wu ta ti tekela matiko ya mahedeni; Va vuxa a miti yi tsikilweko.

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 56:3

A muluveli loyi a ti nyiketeleko ka Jehova, a nga wuli, aku: Jehova i ta nzi hambanyisa ni tiko gakwe. Ge hambu a thenwa a wu wuli, wuku: Mina nzi sinya yi womileko! Deut. 23:1; Miti. 10:34

Isaya 60:10

A vamatiko va ta aka ligingisi la wena, Ni tihosi tabye ti ta ku tirela. Kunene nzi ku bile zangeni ya mina, Kanilezi hi kota ya tipswalo ta mina nzi ku rivalele.

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 66:20

Va ta neha vamakwenu vontlhe hi le matikweni a kuva munyikelo ka Jehova. Va tata na va khilele mahaxi, ni tikareta, va tlakuliwa hi machira, vanwani va famba hi mamula ni makameli, vaya xitsungeni xa mina xi basileko le Jerusalema, ku wula Jehova; va nehiwa khwatsi hi vanana va ka Israeli va nehako minyikelo yabye lomu zibyeni zi basileko a ndlwini ya Jehova. Levi 2:1

Jeremia 16:15

kanilezi va taku: Jehova wa hanya, loyi a humesileko a vanana va ka Israeli hi le tikweni ga Nwalungu, ni le matikweni wontihe lawo a nga va hlongolele kona. Nzi ta va wuyisa kambe tikweni gabye legi nzi nga nyika vararu vabye.

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 30:8

Hi ka siku lego, ku wula Jehova wa tiyimpi, Nzi ta pfutlata a muyoko nhanwini ya Wena, Nzi ta phewula a magota ya wena, Cima a nga ta ha fumiwa hi vamatiko.

Jeremia 31:4

Nzi ta ku aketa, u tava u akilwe, wena nhwana wa Israeli; U ta tlhela u ti longisela a zikhitsi, U huma u ya kina hi kutsaka. Ekso. 15:20; Vala. 11:34; Tis. 68:25

Jeremia 50:33

Jehova wa tiyimpi i ngalo: A vana va ka Israeli ni vana va ka Juda va hlokiswa zinwe; vontlhe laya va nga va yisa wukhumbini va va khoma hi ntamu, a va vumeli ku va tlhatlha.

Jeremia 51:51

Hazwa tingana hakuva hi zwile a nzhukano, a tinghohe ta hina ti fenengetilwe hi kukanganyiseka, hakuva a vamatiko va enghenile matshanwini ya kubasa ndlwini ya Jehova.

Ezekieli 16:60

Ahembalokoke, nzi ta alakanya a xivumelwano xa mina lexi nzi nga maha na wena a masikwini ya wuswa ga wena; nzi ta maha na wena a xivumelwano xa pinzukelwa.

Ezekieli 47:22

Mu ta gi avelana xikari ka nwina ni vamatiko lava va akileko zinwe na nwina hi ku gi hlahluva hi hlolo; a vamatiko va ta pswala vana xikari ka nwina, mu ta va hlaya kota zisumbulwa xikari ka vana va ka Israeli; va tava ni tshomba zinwe na nwina xikari ka tixaka ta ka Israeli. Levi 19:34

Zakaria 1:17

Kanela kambe, uku: Jehova Wa tiyimpi i ngalo: A makatekwa ma ha ta enzeleka mitini ya mina, Jehova i ta tangalisa Zioni, a hlawula Jerusalema.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Luka 1:54

I vunile Israeli a nanza gakwe, Na a alakanya a wuxinji gakwe

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47