Isaya 13:6 - Tshwa Bible

⁶ Huwelelani, hakuva a siku ga Jehova gi tshinele, Gita kota lobyiselelo hi ka Nyamintamo.

Isaya 13:6 ပူးပေါင်းရင်းမြစ်များ

Joba 31:23

Hakuva nza chava a ku tsayiswa hi Nungungulu, A nzi zi koti ku yima mahlweni ka kutlakuka kakwe.

Isaya 10:25

Hakuva ku tava xikhatanyana a tsayiselelo yi ta hunza, ni zanga ya mina yi ta va lovisa.

Isaya 10:3

Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Isaya 13:9

Langutani, a siku ga Jehova gata, Ga hlomulo wa khulo ni zanga yi chavekako; A ku ta hahlula a tiko, Ni ku lovisa vaonhi va nga ka gona.

Isaya 14:23

Nzi ta gi maha a wuakelo ga tinungu ni mativana ya mati yo bola, nzi ta gi swiyela hi swiyelo wa kulobyiswa, ku wula Jehova wa tiyimpi.

Isaya 14:31

Kanyuluka, O nyangwa! Bana huwa, wena muti! Nyeka, wena tiko gontlhe ga Filistia; Hakuva ku huma musi hi le Nwalungu, Ku nga tava kona musali wa lenzhako yimpini ya valala.

Isaya 2:12

Hakuva gi tava kona a siku ga Jehova wa tiyimpi, ga ku tsongahata ha gona laʼva matshanza ni laʼva ti kukumukisako, ni wihi loyi a tlakusilweko i ta reletwa. Isa. 40:4

Isaya 23:1

Tlhavani nkosi nwina mataru ya le Tarxixi, Hakuva gi hahlulwe, a ka ha hi na yindlu, a nga kona loyʼa enghenako; A mhaka leyi yi tivekisilwe yi sukela Kittimu. Jer. 47:4; Zak. 9:2

Isaya 34:2

Hakuva Jehova i zangarele wontlhe matiko, A khulo gakwe gi le hehla ka tiyimpi tontlhe ta wona; I va mbhetisile, i va nyikele kudaweni.

Isaya 34:8

Hakuva i siku ga kuphota ka Jehova, Ni lembe ga ku tlhelisela mhakeni ya Zioni.

Isaya 47:11

Hikwalaho a khombo gi ta ku wela, U nga ta ku tiva lomu gi ta ngata ha kona. U ta welwa hi mhango, u nga zi koti ku ti vikela; A kulova ku ta ku wela hi xitshuketi Na u nga tivi nchumu.

Isaya 52:5

Makunu nzi ta maha yini, ku wula Jehova, lezi a vanhu va mina va khomilweko ahandle ka nanzu? lava va va fumelako vaba huwa, ku wula Jehova; a vito ga mina ga rukatelwa a siku ginwe ni ginwani. Mitse. 14:15; Rom. 2:24

Isaya 61:2

Ni ku tlhatlhambutela a lembe ga tipswalo ta Jehova, Ni siku ga ku ti photela ka Nungungulu wa hina: A ku chavelela vontlhe lava va rilako; Mat. 5:4; Lu. 6:21

Isaya 63:4

Hakuva nzi wa xuvile a siku ga kutiphotela, A lembe ga mina go va tirula gi chikele.

Isaya 65:14

Langutani a malanza ya mina ma ta yimbelela hi kutsaka ka timbilu tabye, Kanilezi nwina mu ta rila hi kubayiseka ka timbilu, Mu kanyuluka hi kukarateka ka moya.

Jeremia 25:34

Nwina varisi,: huwelelani mu rila; Puluwunzani khumeni nwina vahombe va ntlhambi; Hakuva a masiku ya kuchabyiwa ka nwina ma tshinele. Nzi ta mu hangalasa, mu tawa Kota a xibya xa lisima.

Jeremia 49:3

Bana huwa wena Hexboni, hakuva Ai i hahlulwe. Rilani nwina vanhanyana va Rabba, ambalani tinguwo ta tisakwa. Tlhavani nkosi, mu renzelekela lomu tigingisini, hakuva Malkamu i taya wukhumbini, zinwe ni vapristi vakwe ni tihosana takwe.

Jeremia 51:8

Babuloni i wile hi xitshuketi a lobyiswa. Mu: rileleni, mu mu nehela a muri wa kubayiseka kakwe, kutani i ta hanya. Isa. 21:9; Kuv. 14:8; 18:2

Ezekieli 13:5

A mu yangi laha a ligingisi li nga bhoxiwa kona, a mu bhiyelangi a yindlu ya ka Israeli hi lihlavu kasi ya tiya kulweni hi siku ga Jehova.

Ezekieli 21:12

Nʼwana wa munhu, rila u kanyuluka, hakuva yi ta wela hehla ka vanhu va mina, ni hehla ka tontlhe tihosana ta ka Israeli; ti nyikelwe ka supado zinwe ni vanhu va mina; hikwalaho bana tshambukhulu wa wena. Jer. 31:19

Danieli 5:26

A tlhamuselo wa wona hi lowu: Mene, Nungungulu i hlayile a masiku ya mufumo wa wena, a wu mbhetisa.

Danieli 5:9

Hosi Belxazzare i lo karateka nguvu, a nghohe yakwe yi hunzuka, a tihosana takwe ti tsemeka-mihlana.

Joeli 1:11

A varimi va tsemeka hlana, ni vahlayisi va zivina vaba huwa, hi kota ya mavele ni sevada, hakuva a tshovelo wa masimu wu wonhekile.

Joeli 1:13

Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.

Joeli 1:15

Yowe, a siku legi! hakuva a siku ga Jehova gi tshinele, gita kota lobyiselelo hi ka Nyamintamu.

Joeli 1:5

Vukani mu rila, nwina zidakwa! Banani huwa nwina nwentlhe vanwi va vinya, hi kota ya vinya go tsombela hakuva gi susilwe milonwini ya nwina.

Joeli 2:1

Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

Joeli 2:31

A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

Amosi 5:18

I khombo ka nwina mu navelako a siku ga Jehova! Mu gi navelela yini a siku ga Jehova? Gi tava ga munyama, gi nga tava ga kuwonekela.

Zefania 1:14

A siku ga hombe ga Jehova gi kusuhani, ga tshinela hi xihatla. Hi nga zwani, a siku ga Jehova hi legi! A tinhenha ta rila ti tsikwila!

Zefania 1:7

Rutiseni mahlweni ka Hosi Jehova, hakuva a siku ga Jehova gi tshinele! Hakuva Jehova i longisile a muphahlo, i basisile lava a va rambileko. 1 Sam. 16:5; Jer. 46:10; Zak. 2:13

Zakaria 14:1

Languta, gata a siku ga Jehova, legi ku ta nga avanyiswa ha gona a muphango wa wena xikari ka wena.

Malaki 4:5

Langutani, nzi ta mu rumela muprofeti Elija hi mahlweni na gi nga se kuta a siku ga Jehova, leʼga hombe gi chavisekako. Mat. 11:14; Mar. 9:11; Lu. 1:17

Jakobe 5:1

Ma nga zwani, nwina mu fumileko; rilani muba huwa hi kota ya zixaniso lezi zi ta ngata hehla ka nwina. Lu. 6:24; 1 Tim. 6:9

Kuvululelwa 18:10

Ti yimile kule hi ku chava a kuxaniseka kakwe, tiku: Yowe, yowe, a muti lowu wa hombe wa Babuloni, a muti wa ntamu! hakuva a kutsayiswa ka wena ku chikele hi xitshuketi. Isa. 21:9