Isaya 13:3 - Tshwa Bible

³ Nzi leletele a va hlawulekileko va mina, Nzi vitanile a tinhenha ta mina, leʼti tsakelako wukulu ga mina, Lezaku va tira a ntiro wa zanga ya mina.

Isaya 13:3 ပူးပေါင်းရင်းမြစ်များ

Tisimu 149:2

Israeli a tsakele mumahi wakwe, A vanana za Zioni a va tsakele a Hosi yabye.

Isaya 23:11

I nawulutile a woko gakwe hehla ka bimbi, a tsekatsekisa mifumo, Jehova i nyikile zileletelo xungetano ni makhokhola ya Kanani, Lezaku ma khungumulwa.

Isaya 5:26

A mifumo yi nga kule i ta yi tlakusela a nghapa, I ta va bela miloti lezaku va suka magemeta-musi ya misava; Vona va tata hi kutsutsuma.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 51:46

Ngha timbilu ta nwina ti nga rereki, hambu ku chava a mahungu lawa ma zwalako lomu tikweni; hakuva a mahungu ma ta zwala lembe ginwe, ni lembe gi gamelako ku ta zwala mahungu manwani, ni pfilupfilu lomu tikweni, a hosi yi vukela yinwani hosi.

Jeremia 51:53

Hambu loku Babuloni a nga tlakukela tilweni, hambu loku a tiyisa a khokhola gakwe gi tlakukileko, nzi ta mu rumela vahlaseli, ku wula Jehova.

Joeli 3:11

Hatlisani muta, nwina matiko ya matihelo wontlhe, mu ta tsombana. Jehova, relelisa a tinhenha ta wena ieyo!

Zefania 1:7

Rutiseni mahlweni ka Hosi Jehova, hakuva a siku ga Jehova gi tshinele! Hakuva Jehova i longisile a muphahlo, i basisile lava a va rambileko. 1 Sam. 16:5; Jer. 46:10; Zak. 2:13

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49