Isaya 13:21 - Tshwa Bible

²¹ A zihari za xiwula zi ta etlela lomo, A tiyindlu tabye ti ta tala hi zihuluhuhu; Timbuwu ti ta tshama kona, Ni timhongo ti ta khanela lomo. Jer. 50:39; Kuv. 18:2

Isaya 13:21 ပူးပေါင်းရင်းမြစ်များ

Isaya 14:23

Nzi ta gi maha a wuakelo ga tinungu ni mativana ya mati yo bola, nzi ta gi swiyela hi swiyelo wa kulobyiswa, ku wula Jehova wa tiyimpi.

Isaya 23:13

Languta a tiko ga maKaldea! a vanhu a va ha hi kona. A maAssiria ma gi mahile a wuakelo ga zivanza za xiwula; va akile makhokhola ya gona, va khungumula ziluvelo za gona; yena i lo gi maha marumbi.

Isaya 25:2

Hakuva a muti u wu mahile a nhulu ya maribye; A muti wa makhokhola u wu ma hile marumbi; A wuakelo ga vamatiko a ga hi muti, Cima gi nga ta ha vuxiwa.

Isaya 32:14

Hakuva a ziluvelo zi ta tsikiwa, A muti lowu wu tlhomeneko vanhu wu ta maha rumbi. A xitsunga ni makhokhola ya valanguteli zi tava tinzawu kala kupinzuka, A wukhanelo ga zihari za khwati ni wuriselo ga mitlhambi;

Jeremia 50:39

Hikwalaho a mahlolwa ma ta tshama lomo zinwe ni zivanza za xiwula, ni timbuwu ti ta tshama lomo. Gi nga ta ha akiwa kambe kala kupinzuka, ku ta hunza zizukulwana ni zizukulwana na ku nga tshami munhu kona. Isa. 13:19; 34:14

Levi 11:16

a mbhuwu, ni yinjo, ni nyawungonzwani, ni mangavi hi tixaka takwe tontlhe;

Mika 1:8

Hi kota ya lezi nzi ta rila, nzi hlomula; nzi ta famba na nzi nga hi na zilato na nzi hi ximbyiri. Nzi ta rila ku fanana ni, hlolwa, nzi maha hlomulo khwatsi nzi mbuwu.

Zefania 2:14

A mitlhambi yi ta zumba lomu xikari kakwe, ni lixaka tontlhe ta zihari; a masekwa ni tinungu zi ta etlela lomu timhanzeni ta wona, a gezu ga xikotlwani gi ta zwala lomu tinjhaneleni, zikunguwa zi ta kapama ka zipimbitsi za wona, hakuva i funungule a mapulangu ya tisedare.

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39