Isaya 13:2 - Tshwa Bible

² Yimisani a nghapa hehla ka xitsunga xa libalala, Kanyulukani, va khweneteni hi canja, Kasi va fela ku enghena hi tinyangwa ta vahombe.

Isaya 13:2 ပူးပေါင်းရင်းမြစ်များ

Tisimu 60:4

Lava va ku chavako u va nyikile a nghapa, Lezaku va chavela kona va pona mawura. (Sela.)

Isaya 10:32

Hi siku gwalegi i ta chikela le Nobe, A kombisa xibhakela ka Nhwana wa Zioni, ni ka xitsunga xa Jerusalema.

Isaya 11:12

A matiko yi ta ma yimisela a nghapa, Yi tsombanyisa lava va hlongolweko va ka Israeli, Ni ku tlhanganyisa lava va hangalakileko va ka Juda, Va suka matlhelweni ya mune ya misava. Deut. 30:4; Joh. 10:16

Isaya 11:15

Jehova i ta womisa a ravi ga bimbi ga Gipite, I ta tlakusa a canja gakwe hehla ka Eufrate, A wu panza wu maha ntlhanu wa micongwana ni mimbiri, Lezaku vanhu va tlhatuka na va hi ni zilato.

Isaya 18:3

Nwina nwentlhe vaaki va matiko, Vanhu vontlhe va misava, Cuwukani loku a nghapa yi tlakuswa hehla ka zitsunga; Ni loku paratana wu biwa, ingisani!

Isaya 19:16

A ka siku lego Gipite i ta fanana ni vavasati; i ta rurumela a chava a xibhakela xa Jehova wa tiyimpi xi tlakusiwako, xi va vukela.

Isaya 31:9

A khokhola gakwe gi ta lova hi kuchava, ni tihosana takwe ti ta rurumela mahlweni ka nghapa, ku wula Jehova, loyi a nzilo wakwe wu nga le Zioni, ni nzhimbo wakwe wu nga le Jerusalema. 2 Tih. 19:35

Isaya 5:26

A mifumo yi nga kule i ta yi tlakusela a nghapa, I ta va bela miloti lezaku va suka magemeta-musi ya misava; Vona va tata hi kutsutsuma.

Jeremia 50:2

Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Jeremia 50:41

Languta, a vanhu va tako hi le Nwalungu, a tiko ga hombe ni tihosi to tala ti ta vuka hi le magemetamusi ya misava.

Jeremia 51:12

Yimiselani a makhurisi ya Babuloni a bandera, tiyisani varinzeli, mu veka varinzeli ni ku longisa a zijumani; hakuva Jehova i mahile xikungo, a tira lezi a nga zi wula hi vaaki va le Babuloni.

Jeremia 51:25

Languta, nza ku vukela wena xitsunga xi lovisako, ku wula Jehova, wena loyi u lovisako misava yontlhe. Nzi ta nawuluta a canja ga mina hehla ka wena, nzi ku wumbuluta le ribyeni uwa lahasi, nzi ku maha a xitsunga xi hisilweko,

Jeremia 51:58

Jehova wa tiyimpi i ngalo: A makhurisi laʼyo anama ya Babuloni ma ta khungumulwa, a tinyangwa takwe ti tlakukileko ti ta hiswa hi nzilo; a matiko ma tirela mahala, ni vamatiko va ti karata hi kota ya lezi zi hiswako hi nzilo, va rereka. Hab. 2:13