Isaya 10:14 - Tshwa Bible

¹⁴ A canja ga mina gi thumbile a titshomba ta matiko khwatsi hi loku ku thumbiwa zisaka, Nzi wungeletela a misava yontlhe Ko fana ni ku wungeletela a manza ma tsikilweko; Ku wa nga hi kona ni munwe a nga tshambuluta tipapa, Kutani ku vulula nomu, kutani ku keta.

Isaya 10:14 ပူးပေါင်းရင်းမြစ်များ

2 Kronekele 32:13

A mu zi tivi lezi nzi mahileko mina ni vadadani va mina ka vontlhe vanhu va matiko ke? Xana a vanungungulu va matiko lawo va wu kumile ntamu Wa ku ponisa a vanhu va vona mandleni ya mina ke?

Joba 31:25

Loku nzi tsakile hi kufuma ka mina ka hombe, Ni hakuva a canja ga mina gi kumileko zinyingi;

Mavingu 18:12

Loku a kulova ku nga se nga chikela, a mbilu ya munhu yi na ni matshanza; i ku ti tsongahata ku ranga mahlweni ka wudzunzo.

Isaya 14:6

Leyi yi ngaba vanhu yi nga va nyiki xikhati, A nhonga leyi yi nga fumela matiko hi zanga ni zixaniso, A nga hi kona loye a mu beletelako.

Isaya 37:25

Nzi kelile tihlowo, nzinwa mati, Hi mikonzo ya mina nzi ta womisa a micongo yontlhe ya le Gipite.

Isaya 5:8

Khombo ka vona va ti wutlelelako tiyindlu, Ni lava va engetelako masimu hi masimu Kala ku nga have na wutshamu, Kasi va aka voce xikari ka tiko.

Jeremia 49:16

A kutshisa ka wena ni matshanza ya wena zi ku khohlisile, wena loyi u akileko lomu tihlohlolweni ta maribye, u tshamileko hehla ka xitsunga. Hambu loku u aka xisaka xa wena le hehla kukotisa a gama, nzi ta ku susa nzi ku releta lahasi, ku wula Jehova.

Ezekieli 35:13

Mu ti kulisile ka mina hi milomu ya nwina, mu nzi tatela timhaka ta ku nzi vukela; nzi zi zwile.

Obadia 1:4

Hambu loku u nga aka xisaka xa wena le hehla ku fanana ni gama, hambu loku u xi veka xikari ka tinyeleti, kwaleyo nzi ta ku susa nzi ku wisa lahasi, ku wula Jehova.

Nahume 2:9

Phangani siliva, mu phanga ni nzalama, hakuva a titshomba a ti na ku mbheta lomu bakweni; a wukosi ga yontlhe a nhunzu ya lisima.