Isaya 10:12 - Tshwa Bible

¹² Kanilezi loku a Hosi yi mahile wontihe ntiro wa yona hehla ka xitsunga xa Zioni ni le Jerusalema, nzi ta tsayisa a hosi ya le Assiria hi kota ya kutikulisa ka mbilu ya yona, ni matshanza ya mahlo ya yona, 2 Tih. 19:35

Isaya 10:12 ပူးပေါင်းရင်းမြစ်များ

2 Tihosi 19:31

Hakuva le Jerusalema yi ta huma misalela, le xitsungeni xa Zioni ku huma lava va ta nga pona. Lezo zi ta maheka hi kupangama ka Jehova.

Tisimu 18:27

U ponisa a tiko gi hlokisilweko, Kanilezi u tsongahata a mahlo ya matshanza.

Tisimu 21:10

U ta lovisa a pswalo wabye laha misaveni, Ni lixaka labye li ta fuva xikari ka vanana va vanhu.

Tisimu 76:10

Hizinene, a zanga ya munhu yi ta ku dumisa; A xipanze xa zanga yakwe u ta xi ambala. Ekso. 9:16; Rom. 9:17

Tisimu 76:5

A vanhu va wurena va phangilwe, Va ti etlelele a wurongo gabye ga magumo; Tontlhe a tinhenha a ti zi kotangi ku ti lwela. 2 Tih. 19:35; Jer. 51:39, 57; Nah. 3:18

Mavingu 21:4

A mahlo ya ku ti kukumukisa ni mbilu ya matshanza, kandiya ya laʼvobiha, kambe xionho.

Mavingu 30:13

Li kona lixaka, O, ma tlakukisile kuyini a mahlo ya lona! tisiyi ta lona ti tlakukile.

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Isaya 2:12

Hakuva gi tava kona a siku ga Jehova wa tiyimpi, ga ku tsongahata ha gona laʼva matshanza ni laʼva ti kukumukisako, ni wihi loyi a tlakusilweko i ta reletwa. Isa. 40:4

Isaya 24:21

A ka siku lego Jehova i taba yimpi yi nga le hehla tilweni, ni tihosi ta misava laha misaveni.

Isaya 27:7

Xana i mu bile ku fanana ni lezi a hisileko zona laʼva mu bileko ke? Kutani i delwe ku fanana ni lezi a deleko a valala vakwe ke?

Isaya 27:9

Hikwalaho a kugoha ka Jakobe ku ta basiswa; Lowu hi wona mbhanzu wa kutsetselelwa ka xionho xakwe; Laha maribye wontihe ya maganzelo ma panzekile kota maribye ya mhemba, A maAxera ni zifananiso za gambo zi nga ha ta yima. Levi 26:30; Isa. 2:20

Isaya 29:14

Hikwalaho nza ha ta maha mahanjalati ka vanhu lava, A mitiro yi riwukisako, leʼyi hlamalisako; A wutlhari ga titlhari tabye gi ta fuva, Ni kupima ka vanhu vabye va tlharihileko ku ta gumelwa.

Isaya 33:1

Khombo ka wena loyi u onhako na cima wena u nga onhiwangi; Wena muphangi, loyi u nga phangiwangiko; Loku u mbhetile ku onha, u ta onhiwawu, Ni loku u mbhetile ku phanga, u ta phangiwawu!

Isaya 37:23

Himani loyi u nga mu rukatela u mu tseketsela ke? U tlakusile a gezu ga wena ni mahlo ya wena hehla ka mani? U vukele Loyi a Basileko wa ka Israeli.

Isaya 37:29

Hi kota ya ku nzi vukela ka wena, Ni matshanza ya wena ma chikeleko tindleveni ta mina, Hikwalaho nzi ta ku bhoxa mukhalo nhovini ya wena, Nzi ku vekela matomu ya mina nonwini wa wena, Nzi ku tlhelisa hi ndlela leyi u tileko ha yona.

Isaya 5:15

A vanhu va ta koramiswa, ni tinhenha ti tsongahatiwa, Ni mahlo ya lava va ti kukumukisako ma ta koramiswa.

Isaya 50:11

Nwina nwentlhe mu dzivelako nzilo, Mu hloma tihunyi ti vurako, Fambani malangavini ya nzilo wa nwina, Ni lomu tihunyini mu ti dziveleko. Lezo zi ta mu humela hi lomu canjeni ga mina, Mu ta etlela kuxanisekeni.

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Isaya 9:9

A vanhu vontlhe va ta yi tiva, Efraime ni vaaki va le Samaria, Lava va wulako hi matshanza ni kunonoha ka timbilu, vaku:

Jeremia 25:29

Hakuva, hi nga wonani a muti lowu wu vitiwako hi vito ga mina, nzi sangula ha wona nzi wu tsayisa; xana nwina mu ta tsikiwa mu nga tsayiswi ke? Mu nga ta tsetselelwa, hakuva nzi ta hloma supado, yiba a vaaki vontlhe va misava, ku wula Jehova wa tiyimpi. Ezek. 9:6; 1 Ped. 4:17

Jeremia 50:18

Hikwalaho Jehova wa tiyimpi, a Nungungulu wa Israeli i ngalo: Nzi ta tsayisa a hosi ya le Babuloni ni tiko ga yona, khwatsi hilezi nzi nga tsayisisa zona a hosi ya le Assiria.

Jeremia 50:32

A wamatshanza i ta ti gumula awa, a nga kona a to mu vuxa. Nzi ta dzivela nzilo mitini yakwe, wu hisa zontlhe lezi zi mu ranzeleko.

Ezekieli 31:10

Hikwalaho Hosi Jehova i ngalo: Hakuva u ti tlakusile hi wukulu, u lehisa a tichoka ta yona xikari ka marefu, u ti kukumukisa hi kota ya kuleha ka yona;

Ezekieli 31:14

Ku maheka lezo kasi a tisinya ti nga kusuhani ni mati ti nga ti kukumukisa hi kuleha ka tona, ti nga tlakusi a tichoka ta tona marefini, ge hambu leti ti nwako mati ti kombisa a kuleha ka tona. Hakuva tontlhe ti nyikelwe kufeni, tiya lehasi ka misava, a xikari ka vana va vanhu, zinwe ni lava va relelako nkeleni.

Danieli 11:45

I ta gwimba matenda yakwe ya wuhosi xikari ka bimbi ni xitsunga xa kubasa leʼxo saseka nguvu. Kanilezi i taya gumelwa, a nga kona a to mu vunetela.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Mitsengo 24:24

A mataru ma tata hi le Kitimu, Ma ta ta hlokisa Axur, ma hlokisa Eberi; Na yenawu i ta lobyiswa.

Mateu 12:33

Wulani lezaku a sinya yi nene, ni mihanzu ya yona yi nene; kutani lezaku a sinya yi bihile, ni mihanzu ya yona yi bihile; hakuva a sinya yi tibyiwa hi mihanzu ya yona.

Mateu 15:19

Hakuva hi le mbilwini ku huma a maalakanyo yo biha, ni kudaya, ni wubhayi, ni kuremba, ni kuyiva, ni wukustumunyu ga mawunwa, ni tihlamba. Gen. 6:5; 8:21; Mar. 7:21

Deuteronome 32:27

Loku ku wa nga hi lezo nzi chavako a kutikulisa ka valala vabye; Lezaku a valala va ta kala va nga nzi pimi, Vaku: A mandla yahina ma tlakusilwe, A hi Jehova a nga maha lezi zilo zontlhe. Mitse. 14:15; Ezek. 20:14

1 Pedro 4:17

Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31