Isaya 1:23 - Tshwa Bible

²³ A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 1:23 ပူးပေါင်းရင်းမြစ်များ

2 Kronekele 36:14

Tlhatakumbiri a tihosana tontlhe ta vapristi, ni vanhu va tiko va lo anzisa nguvu kuhambunyeta kabye, va lanzela manyala wontihe ya vamatiko, va nyenyezisa a yindlu ya Jehova leyi a nga wa yi basisile a kuva yakwe le Jerusalema.

Eksodusi 23:8

U nga amukeli a zinyikiwo, hakuva zi vala a mahlo ya lava va wonako, kambe zi byeketa a timhaka ta lava va lulamileko le hubyeni.

Mavingu 17:23

A wa kubiha i amukela xinyikiwo xihundleni, bihisa ha xona a tindlela ta kulamula.

Mavingu 29:24

Loyi a hlengelako ni khamba, i venga muhefemulo wakwe; oku a hlambanyiswa, cima a nga wuli nchumu.

Isaya 1:17

Gonzani ku maha zinene; hlotani nongameto, mu tsimbetela a mutsimbeketi; yimelani lava va nga hiko na vapswali, mu lwela tinoni. Deut. 24:17; 1 Ped. 3:11

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Isaya 1:22

A siliva ya wena yi mahile manyelo, ni vinya ga wena gi chelilwe mati. Ekso. 22:22; Hos. 9:15

Isaya 28:14

Hikwalaho, zwanani a mhaka ya Jehova, Nwina vatseketseli lava mu fumelako vanhu va le Jerusalema.

Isaya 3:14

Jehova i ta lamula a masingalakati ya tiko gakwe, ni tihosana ta gona, aku: Mu gile xivina, lezi zi phangilweko ka zisiwana zi lomu tindlwini ta nwina. Isa. 5:7; Mat. 21:33

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Isaya 33:15

Hi yena loyi a fambako kululameni, a wulawulako zinene; Loyi a alako a titshomba ti wulilweko, Loyi a mandla yakwe ma nga amukeliko zakuxavelelwa. Loyi a tindleve takwe ti nga ingiseliko a timhaka ta kudaya, Loyi a valako mahlo yakwe lezaku ma nga woni kubiha.

Isaya 5:23

Lava va yimelako a wakubiha hi kota ya ku xavelelwa, Va kona loyi a lulamileko.

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Jeremia 32:32

hi kota ya kubiha kontlhe ka vana va Israeli ni vana va ka Juda, loku va ku mahileko kasi ku nzi zangarisa, vona ni tihosi tabye, ni tihosana tabye, ni vapristi vabye, ni vaprofeti vabye, ni vanhu va ka Juda ni vaaki va Jerusalema. Neh. 9:34; Dan. 9:8

Jeremia 4:17

Va mu renzelekele xikari kota a varinzeli va simu, Hakuva i nzi hluwukile, ku wula Jehova. Lu. 19:43

Jeremia 5:5

Nzi taya ka vahombe, nzi ta ya xuxa navo; Hakuva va tiva a ndlela ya Jehova, ni milayo ya Nungungulu wabye. Kanilezi vona vontlhe va wa panzile muyoko, ni ku phewula magota.

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Ezekieli 12:2

Nʼwana wa munhu, u akile xikari ka lixaka, la va hluwukwa, lava va nga ni mahlo ya ku wona, kanilezi va nga woni, laʼva nga ni tindleve tozwa, kanilezi va ngazwi, hakuva mba yindlu ya mihluwukwa. Deut. 29:4; Isa. 6:9; Mat. 13:14

Ezekieli 22:27

A tihosana ta gona ti khwatsi timhisi ti huhulukelako a pfimba xikari ka gona; ti halata nkhata, ti lovisa mihefemulo ya vanhu lezaku ti kuma bhinzu.

Hosea 4:18

Loku va hetile kunwa va ti nyiketela wubhayini; a vafumeli vabye va ranza zilo za tingana.

Hosea 5:10

A tihosana ta ka Juda ti khwatsi hi lava va tlulako a mimbhingano; nzi ta chulula a zanga ya mina hehla ka vona kota mati. Deut. 19:14; 27:17

Hosea 9:15

A kubiha kabye kontlhe ku le Gilgale, hakuva hi laho nzi va vengeleko kona. Hi kota ya kubiha ka zimaho zabye, nzi ta va hlongola lomu ndlwini ya mina. Nzi nga ta ha va ranza; a tihosana tabye tontlhe ta nzi vukela.

Amosi 5:12

Hakuva nza gi tiva a wunyingi ga zihambunyeto za nwina, ni wukulu ga zionho za nwina. Mu hlokisa a valulamileko, mu vumela ku xavelelwa, mu vukela a vavumali lomu hubyeni.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Mika 3:9

Zwanani lezi nwina tihosi ta ka Jakobe, na nwina vafumeli va ka Israeli, nwina mu nyenyako nongameto, mu bihisako kontlhe kululama.

Mika 6:12

Hakuva a vafumileko va muti va tele hi tihanyi, ni vaaki va wona va wulawula mawunwa, ni tirimi tabye mbakhohlisi milonwini yabye.

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

Zakaria 7:10

Mu nga tsimbeketi a tinoni, ni lava va nga hiko na vabeleki, ni valuveli, ni zisiwana. A mbilu ya munwe ni munwani wa nwina ngha yi nga hi na xikungo xo vukela nakulobye.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mitsengo 22:7

Zonake a masingalakati ya maMoabi ni masingalakati ya maMidiani va lo suka na va khomile zinyikiwo za ku ya nyika xitumbe; va lo ya chikela ka Balaami va mu hlawutela timhaka ta Balake. 2 Ped. 2:15; Juda 11

Mateu 21:13

aku ngalo ka vona: Ku tsalilwe ku ngalo: A yindlu ya mina yi ta tibyiwa ku ngalo i yindlu ya kukhongela; kanilezi nwina mu yi mahile a bako ga vaphangi. Jer. 7:11; Mar. 11:17; Lu. 19:46

Marku 11:17

I lo va gonzisa, aku: A ku tsaliwangi lezaku: A yindlu ya mina yi ta vitanwa a yindlu ya kukhongela ya matiko wontihe? Kasi ke nwina mu yi mahile a mhako ya vaphangi. Isa. 56:7; Jer. 7:11

Luka 19:46

aku ka vona: Ku tsalilwe ku ngalo: A yindlu ya mina yi tava yindlu ya kukhongela, kanilezi nwina mu yi mahile a mhako ya makhamba. Isa. 56:7; Jer. 7:11

Luka 24:27

Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2

1 Samueli 8:3

Kanilezi a vana vakwe a va fambangi hi tindlela takwe; va lo khunguvanyeka hi ku navela mali, va vumela ku rengelelwa, va hambukisa nongameto. Va ka Israeli va kombela hosi.