Isaya 1:18 - Tshwa Bible

¹⁸ Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Isaya 1:18 ပူးပေါင်းရင်းမြစ်များ

Joba 9:33

A ku na mulamuli xikari ka hina, Loyi a nga lamulako hi canja gakwe.

Tisimu 51:7

Nzi basise hi hisope lezaku nziva a hlazekileko; Nzi hlaze, nzi maha wo basa ku hunza gapongo. Levi 14:4, 6; Mitse. 19:18; Isa. 1:18

Tisimu 51:9

U nga ha cuwuki a zionho za mina; U fuvisa zigoho za mina zontlhe.

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 3:13

Jehova i vukile kasi ku wulawula, i yimile kasi ku lamula matiko.

Isaya 41:1

Miyelani nwina matiko ya le bimbini, mu nzi ingisela! A matiko a mave ni ntamu muswa; A ma tshinele ma wulawula, A hi yeni zinwe hubyeni

Isaya 41:21

Tlhatihambutelani a timhaka ta nwina, ku wula Jehova; Humesani wumboni ga nwina, ku wula Hosi ya Jakobe.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Isaya 50:8

Loyi a nzi yimelako i kusuhi, Himani a ta nga nzi kecara? A hi yimeni zinwe! Himani muranisi wa mina? A tshinele kusuhani ka mina!

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Jeremia 2:5

Jehova i ngalo: Xana kubiha muni a vararu va nwina va ku kumileko ka mina ke? Lezi va tshamako va tsawukene na mina, Va lanzela zifananiso zi nga vuniko, Va hunzuka vava lava va nga nyawuliko? 2 Tih. 17:15; Rem. 1:21

Ezekieli 18:27

Kambe, loku a wakubiha a hunzuluka a tsika a kubiha loku a ku mahileko, a maha lezi zi nga za nayo ni nongameto, a muhefemulo wakwe wu ta hanya.

Ezekieli 33:16

A ku na xionho ni xinwe xa lezi a zi mahileko xi ta nga alakanyiwa; i mahile lezi zi nga za nayo ni kululama, hizinene i ta hanya.

Mika 6:2

Nwina zitsunga, zwanani a keco ya Jehova, na nwina ziseketelo zi tiyileko za misava; hakuva Jehova i na ni mhaka ni vanhu vakwe, i ta ranisa Israeli.

Mitiro 17:2

Paule hi kutolovela kakwe, i lo enghena kabye a masabado manharu, a wulawulisana navo hi timhaka ta Mitsalo, Lu. 4:16; Xip. 9:20; 13:5

Mitiro 18:4

I lo gonzisa sinagogeni a masabado wontihe, a kholwisa a vaJuda ni vaGreki.

Mitiro 24:25

Kanilezi laha a nga kanela hi kululama, ni kutikhoma, ni kulamula ku tako, Felisi i lo chava, a hlamula, aku: Ti fambele makunu, nzi ta tlhela nzi ku vitana loku nzi kuma xikhati xi nene.

Va le Roma 5:20

Kambe a nayo wu lota lezaku kasi a xihambuko xi anza; kanilezi laha kuonha ku nga anza, a tipswalo ti lo anza nguvunguvu; Lu. 7:47; Joh. 15:22; Xip. 3:20; 1 Tim. 1:14

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9

1 Samueli 12:7

Makunu sukani mu yima, kasi nza fela ku wulawula na nwina mahlweni ka Jehova hi zilo zontlhe zo lulama za Jehova, lezi a mu maheleko nwina ni vararu va nwina.