Genesisi 50:17 - Tshwa Bible

¹⁷ Mu ta byela Josefa, muku: Tsetselela milanzu ya vamakabye va wena ni kuonha kabye, hakuva va ku mahele kubiha; hikwalaho tsetselela malanza ya Nungungulu wa raru wa wena, a kuonha kabye! Zonake Josefa i lo rila laha va nga wa wulawula ka yena.

Genesisi 50:17 ပူးပေါင်းရင်းမြစ်များ

Genesisi 31:42

Loku ku wa nga hi lezi a nga na mina Nungungulu wa dadani, ni Nungungulu wa Abrahama, loyi Isaka a mu chavako, ngha u lo nzi fambisa na nzi nga hi na nchumu. Nungungulu i wonile a kuxaniseka ka mina, ni mitiro ya mandla ya mina, a kala a ku kawuka atolo ni wusiku.

Genesisi 45:8

Hikwalaho a hi nwina mu nzi rumeleko seno, hi Nungungulu a nzi mahileko nziva raru wa Faro, tlhelo hosi ya yindlu yakwe yontlhe, ni mufumeli wa tiko gontlhe ga Gipite.

Genesisi 49:25

Hi ntamu wa Nungungulu wa raru wa wena, loyi a ta nga ku vuna; Ni wa Ntamu-Wontlhe loyi a ta nga ku katekisa Hi Xikatekiso za le tilweni le hehla, Ni zikatekiso za lomu kueteni laha hasi, Ni zikatekiso za mavele ni za nyimba.

Genesisi 50:16

Va lo byela Josefa, vaku: Dadani wa wena na a nga se kufa, i hi leletele, aku:

Genesisi 50:18

A vanakulobye va lo ta ti wisa wutsumbu gabye mahlweni ka yena, vaku: Hina hi malanza ya wena.

Genesisi 50:20

Nwina mu wa alakanyile ku nzi mahela kubiha, kanilezi Nungungulu i lo nzi alakanyela kusasa, kasi a fela ku maha lezi zi mahekileko, ni lezaku a ponisa a tiko legi ga hombe.

Tisimu 21:11

Hakuva va ku xuvele kubiha, Va boha xikungo, kanilezi a va xi kotangi.

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Mateu 10:42

Kani hi mani a nyikako ka munwe wa lava va tsongwani a khokho ga mati yo titimela ntsena, hi ku tiva lezaku mupizani, hizinene nziku ka nwina, a nga ta lahlekelwa hi nchachazelo wakwe. Mar. 9:41; Maheb. 6:10

Mateu 18:35

A Dadani wa mina wa le tilweni t ta mu maha zalezo, loku mu nga tsetseleli hi timbilu munwe ni munwani a makabye wakwe. Mav. 21:13; Mar. 11:26; Jak. 2:13

Mateu 25:40

A Hosi yi ta hlamula yiku ka vona: Hizinene nzi ngalo ka nwina: Kota lezi mu zi mahileko ka munwe wa lava vamakabye va mina va tsongwani, mu zi mahile ka mina. Mav. 14:31; Mar. 9:41; Maheb. 6:10

Mateu 6:12

Hi tsetselele milanzu ya hina, khwatsi hilezi hi va tsetselelako lava va nga ni milanzu ka hina. Xip. 18:21

Marku 10:41

Laha a vakhume na va zi zwile, va lo zangara ha Jakobe na Johani. Mat. 20:24

Va le Galatia 6:10

Hikwalaho kota lezi hi nga ni xikhati, a hi tireni lezi zi nene ka vanhu vontlhe, nguvunguvu ka va le ngangweni wa kukholwa. Joh. 9:4; Efe. 2:19; 1 Tim. 6:18

Va le Galatia 6:16

A kurula ni wuxinji a kuve ka vontlhe lava va ta nga famba hi nayo lowu, ni ka vaIsraeli va Nungungulu. Tis. 125:5

Va le Efesusi 4:32

Ngha mu hi ni wunene ka munwe ni munwani, mu zwelana wusiwana, ni ku tsetselelana, kota lezi Nungungulu kambe a nga mu tsetselela ha Kristu.

Jakobe 5:16

Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. Gen. 20:17; Mitse. 11:2; Jox. 10:12