Genesisi 41:8 - Tshwa Bible

⁸ Na gi cile laha mixweni, Faro i lo karateka nguvu lomu mbilwini yakwe; hikwalaho i lo rumela lezaku ku vitanwa zitumbe zontlhe za le Gipite, ni titlhari ta kona. I lo va hlawutela miloro yakwe, kanilezi i wa nga hi kona loyi a nga wa tiva ku tlhamusela miloro leyo ya Faro.

Genesisi 41:8 ပူးပေါင်းရင်းမြစ်များ

Genesisi 40:6

Ni mixo Josefa i loya ka vona, a ya va kuma na va tsuvile.

Genesisi 40:8

Vona va te ngalo kakwe: Hi lo lora miloro, makunu a ku kona wo hi tlhamusela. Josefa aku kabye: Kutlhamusela a kuti hi ka Nungungulu ke? Nzi byeleni lezi mu nga lora.

Genesisi 41:15

Zonake Faro aku ka Josefa: Nzi lorile a miloro, kanilezi a nga kona a zi kotako a ku yi tlhamusela. Makunu nzi zwile lezaku loku wena uzwa a noro wa zi kota ku wu tlhamusela.

Genesisi 41:24

Zonake a miponwani ya mipumbunzela yi lo mita leyi ya ntlhanu ni mimbiri ya yi nene. Makunu nzi lo byela zitumbe, kanilezi a zi zi kotangi ku tlhamusela.

Genesisi 41:7

a miponwani leyi yi wunileko yi lo mita leyi yo nyuka, yi chelileko khwatsi ya ntlhanu ni mimbiri. Zonake Faro i lo khindlimuka, a wona lezaku i noro.

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Eksodusi 7:11

Zonake Faro i lo vitana a titlhari ni tinʼanga; vonawu kota ti nga hi titlhari ta le Gipite, va lo maha zalezo hi wutlhari gabye. 2 Tim. 3:8

Eksodusi 7:22

A tinʼanga ta Gipite ti lo mahawu lezo hi wutlhari ga tona. A mbilu ya Faro yi lo sihalala. Cima a nga ingisangi, khwatsi hi lezi Jehova a wulileko.

Eksodusi 8:7

Ni tinʼanga ti lo maha lezo hi wutlhari ga tona, ti humesa makhele lomu tikweni ga Gipite.

Eksodusi 9:11

Zonake a tinʼanga ti lo tsanzeka ku maha nchumu mahlweni ka Mosi hi kota ya zidlayi, hakuva hambu tona tinʼanga ta vaGipite ti wa hi nazo zidlayi zinwe ni vaGipite vontlhe.

Isaya 19:3

A moya wa Gipite wu ta titivala nzeni kabye, Nzi ta hangalasa makungo yabye, Va ta tsutsumela zifananisweni ni ka vangoma, Ni lava va humesako mimoya ya vafileko ni vavumbi.

Isaya 29:14

Hikwalaho nza ha ta maha mahanjalati ka vanhu lava, A mitiro yi riwukisako, leʼyi hlamalisako; A wutlhari ga titlhari tabye gi ta fuva, Ni kupima ka vanhu vabye va tlharihileko ku ta gumelwa.

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Danieli 1:20

Ni xihi xikhati a hosi yi nga va wutisa hi timhaka ta wutlhari ni wutivi, yi lo va kuma lezaku va hunza hi ka khume a tinʼanga tontlhe ni vangoma lava va nga wa hi mufunweni wakwe wontihe.

Danieli 4:18

Hi noro lowu nzi wu lorileko mina hosi Nebukadnezzare. Wena Beltexazzare, wu tlhatlhambutele, hakuva a titlhari tontlhe ta mufumo wa mina ti tsanzekile a ku wu tlhamusela. Wena wa zi kota, hakuva a moya wa vanungungulu va basileko wu ka wena.

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 4:5

Nzi lo lora a noro lowu wu nga nzi chavisa; a maalakanyo ya mina laha nzi nga hi sangweni ga mina, ni miwoniso leyi nzi yi wonileko, zi lo nzi dzukisa.

Danieli 4:6

Hikwalaho nzi lo vitanisa tontlhe titlhari ta Babuloni, kasi ti ta nzi tlhamusela a noro lowo.

Danieli 4:7

Zonake ku lota a tinʼanga, ni vangoma, ni titlhari, ni zitumbe, nzi va hlawutela a noro lowo, kanilezi a va nzi byelangi a tlhamuselo wa wona.

Danieli 5:11

I kona wanuna lomu mufunweni wa wena a nga ni moya wa vanungungulu va basileko. A masikwini ya raru wa wena ku wa kumiwa ka yena a kuwonekela ni kupimisisa ni wutlhari go fanana ni wutlhari ga vanungungulu. Hosi Nebukadnezzare, a raru wa wena, i lo mu maha nduna ya tinʼanga ni vangoma ni titlhari ni zitumbe.

Danieli 7:28

Hi wona magumo ya timhaka. Makunu mina Danieli nzi lo karateka maalakanyweni ya mina, a nghohe ya mina yi hunzuka; kanilezi nzi lo hlayisa timhaka leti mbilwini ya mina.

Danieli 8:27

Makunu mina Danieli nzi lowa nzi mbhela ntamu, nzi babya masiku yo kari; zonake nzi lo vuka nzi tira mitiro ya hosi. Nzi lo hlamaliswa hi muwoniso lowu, kanilezi ku wa nga hi na munhu a nga wu pima.

Levi 19:31

Mu ngayi ka zitumbe ni ka vangoma, mu nga dzuki mu wutisa nchumu ka vona, kasi va nga mu nyenyezisi. Hi mina Jehova, Nungungulu wa nwina. 1 Sam. 28:7; Isa. 8:19

Levi 20:6

Loku munhu aya ka zitumbe ni ka vangoma, a bhaya zinwe navo, nzi ta mu cuwukisa hi mahlo ya makayi, nzi mu susa ka va ka kabye.

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.

Mateu 2:1

Laha Jesu na belekilwe Betlehema wa le Judia, a masikwini ya hosi Herodi, a vanhu vo tlhariha va le Mutsuwuka-gambo va lota le Jerusalema, vaku: Lu. 2:4, 6, 7

Mitiro 17:18

Ni titlhari to kari ta gonzo ya vaEpikure ni ya vaStoike ti kanetisana naye. Vanwani vaku ngalo: I lava ku wula yini a mubyabyatsi loyi ke? A vanwani vaku: I khwatsi mukaneli wa vanungungulu va le matikweni. Va lo wula lezo hilezi a nga kanela hi Jesu ni kuvuka ka vafileko.

Mitiro 7:22

Mosi i lo gonziswa a kutlhariha kontlhe ka va le Gipite; i wa hi ni ntamu kuwulawuleni ni mitirweni yakwe. Lu. 24:19

1 Va le Korinte 1:19

Hakuva ku tsalilwe ku ngalo: Nzi ta mbhetisa a wutlhari ga titlhari, Nzi tsanzekisa a wutivi ga lava va tivako. Isa. 29:14

1 Samueli 6:2

A vaFilistia va lo vitana vapristi ni zitumbe, va taku kabye: Hi ta mahisa kuyini hi arke ga Jehova? Hi byeleni lezi hi ta nga gi tlhelisisa zona wutshanwini ga gona.