Genesisi 38:26 - Tshwa Bible

²⁶ Zonake Juda i lo zi tiva, aku: I lulamile ku hunza mina, hakuva a nzi mu nyikelangi ka Xela, a nʼwana wa mina. A nga ha engetangi aya ka yena kambe.

Genesisi 38:26 ပူးပေါင်းရင်းမြစ်များ

Genesisi 37:33

Jakobe i lo gi tiva aku: Hi gona a bhaji ga nʼwana wa mina; i gilwe hi zivanza! Mayo! Josefa i pfhemulwe!

Genesisi 38:14

Yena i lo susa tinguwo ta wunoni gakwe, i lo ambala tinguwo to vevuka, a ti fenengeta kambe ha tona, i lo ya tshama laha nyangweni ya le Enaime hi le ndleleni ya kuya le Timna. Hakuva i lo wona lezaku Xela i wa kulile, kanilezi i wa nga nyikiwi a kuva a maha sati wakwe.

Genesisi 4:1

Adamu i lo tiva Eva sati wakwe, na yena i lo xura nyimba, a beleka Kana, i te ngalo: Nzi kumile munhu hi kuvuna ka Jehova.

2 Samueli 16:22

Zinghaho va lo mu gwimbela tenda Absalome le hehla ka yindlu. Yena i lo ya enghena ka mindlukulu ya raru wakwe kuwoneni ka vontlhe va ka Israeli.

2 Samueli 20:3

Davida i loya le ndlwini yakwe le Jerusalema. Zonake a hosi yi lo teka a khume ga mindlukulu leyi a nga yi siyile yi hlayisa a yindlu, yi lo va valela lomu ndlwini lomu va nga hlayiswa kona, yi va phamela zakuga, kanilezi a yi enghenangi ka vona. Va wa valelwe kala a siku ga kufa kabye, va lo hanya ku fana ni lava va felweko.

2 Samueli 24:17

Laha Davida a nga wa wonile a ngelosi ya Jehova leyi yi lovisako vanhu lomu xikari ka tiko i lo wulawula ka Jehova, aku: Languta, mina hi mina nzi onhileko, hi mina nzi mahileko loku kubiha; kanilezi a tiyivu leti ti onhile yini ke? Ngha canja ga wena gi hi hehla ka mina ni hehla ka yindlu ya dadani wa mina!

Joba 4:5

Kanilezi makunu loku zi wele hehla ka wena, zonake wa rereka; Loku zi ku khumba, wa karateka.

Joba 40:5

Nzi wulawulile kanwe, nzi nga ha ta hlamula; Ina, kumbiri; kanilezi nzi nga ha ta wula nchumu.

Ezekieli 16:52

Wena loyi u nga sola vamakwenu, rwala a tingana ta wena hi kota ya zionho za wena lezi zi nyenyezileko ku hunza zabye, va lulamile ku hunza wena. Ina, kanganyiseka u rwala tingana ta wena, hakuva u basisile a vamakwenu.

Habakuka 1:13

Wena wa mahlo ma basileko, laha ka kuva u hluleka ku cuwuka kubiha, lawa ma nga zi kotiko ku wona kutsimbeketwa, hikuyini u cuwukako a vamahi va kubiha, u miyela loku a wakubiha a mita loyi a mu hunzako hi kululama ke?

Mateu 3:8

Hikwalaho humesani mihanzu yi kombisako kuhunzuluka.

Johani 8:9

Laha vona na va zi zwile, va lo huma ha munwe-munwe, ku sangula hi lava va kale, ku kala Jesu a siyiwa yece ni wasati loyi a nga yimile xikari. Rom. 2:22

Va le Roma 13:12

A wusiku gi hunzile, ni kuca ku tshinele; hikwalaho a hi tsikeni a mitiro ya munyama, hi hloma a matlhari ya kuwonekela. Efe. 6:13

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

1 Samueli 24:17

I te ngalo ka Davida: Wena u lulamile ku hunza mina, hakuva u nzi tlhelisela hi kusaseka; kanilezi mina nzi ku tlhelisela hi kubiha.

1 Samueli 24:18

Inyamutlha u kombisile lezaku wa nzi mahela zinene. Inyamutlha Jehova i wa nzi nyikele mandleni ya wena, kanilezi a ku nzi dayangi.