Genesisi 25:23 - Tshwa Bible

²³ Jehova i te ngalo kakwe: Ku kona matiko mambiri lomu nzeni ka wena; ku ta hambana lomu nyimbeni ya wena ku maha tixaka timbiri; linwani lixaka li ta hlula linwani; a nhonzwa i ta khozela nzisana. 2 Sam. 8:14; Mal. 1:2; Rom. 9:10

Genesisi 25:23 ပူးပေါင်းရင်းမြစ်များ

Genesisi 17:16

Nzi ta mu katekisa, hi ka yena nzi ta ku nyika a nisanyana; nzi ta mu katekisa, a maha mamani wa matiko, a tihosi ta vanhu ti ta huma hi ka yena.

Genesisi 17:4

Languta, a xivumelwano xa mina zinwe na wena hi lexi: U tava raru wa matiko manyingi. Rom. 4:17

Genesisi 24:60

Va lo mu katekisa Rebeka, vaku ka yena: Wena makweru, ngha ma hi mazana ya mazana ya tsanza-vahlayi a pswalo wa wena, ni pswalo wa wena a wu wutle tinyangwa ta valala vabye.

Genesisi 25:24

Ma lo tatiseka a masiku ya kuhefemula, languta, ma wa hi mahahla lomu nyimbeni yakwe.

Genesisi 25:27

Ni vafana va lo kula: Esau i wa hi munhu a nga wa tiva ku hlota, a hi munhu wa khwati; Jakobe i wa hi munhu wa kurula, a tshama matendeni.

Genesisi 27:29

Ngha vanhu va ku tirela, Ni matiko ma korama mahlweni ka wena; Uva hosi ya vamakabye va wena, Ngha a vanana va nyine wa wena va korama mahlweni ka wena. Ngha va rukiwa lava va ku rukako, Va katekiswa lava va ku katekisako.

Genesisi 27:33

Isaka i lo dzuka hi kururumela ka hombe nguvu, aku: Himani yena loyi a nga nzi hlotela nyama, a yi neha ka mina? Nzi loga yontlhe na u nga se ku chikela wena, nzi lo mu katekisa. Hakunene a xikatekiso xi na yena.

Genesisi 27:37

Isaka i lo hlamula, aku ka Esau: Languta, nzi mu yimisile a kuva hosi ya wena, a vamakabye vakwe vontlhe nzi va mahile malanza yakwe; nzi mu nyikile mavele ni vinya; makunu nzi ta ku mahela yini nwananga ke?

Genesisi 27:40

u ta hanya hi supado ya wena, u mu khozela a nakuloni. Zonake laha u ta nga kukutela a ntamu wa wena u ta phewula a gota gakwe nhanweni ya wena.

Genesisi 32:6

A mitsumi yi tlhelela ka Jakobe yi yaku ngalo: Hi wa chikele ka nakuloni Esau; yenawu wata ku ku khinga, i na ni vavanuna va 400.

Genesisi 33:3

Yena i lo ranga mahlweni kabye, a korama ntlhanu wa zikhati ni zimbiri, kala a tshinela kusuhani ka nakulobye.

Genesisi 36:31

Leti hi tihosi leti ti nga fuma tikweni ga Edome, na ku nga se fuma hosi xikari ka vana va ka Israeli.

Genesisi 48:19

Kanilezi a raru wakwe i lo ala, aku: Nza zi tiva, nwananga, nza zi tiva; yenawu i tava a tiko, ni lezaku yenawu i tava wa hombe; hambu zi hi tano a nzisana yi tava wa hombe kakwe, ni pswalo wakwe wu tava matiko manyingi.

2 Samueli 8:14

Zonake i lo veka mabutho ya tiyimpi ka wontihe matiko ya ka Edomi, ni vontlhe vaEdomi va lo maha malanza ya Davida. Zinghaho Jehova i lo vunetela Davida a ku hlula ni kwihi laha a yako kona. Mitse. 24:18; 2 Tih. 8:20

1 Tihosi 22:47

Lomu tikweni ga va ka Edomi ku wa nga hi na hosi; va wa fumelwa hi nduna.

1 Kronekele 18:13

Zonake i lo veka a mabutho le tikweni ga Edomi, a vaEdomi va maha malanza ya Davida. Kontlhe lomu Davida a nga waya kona Jehova i lo mu nyika kuhlula. Mitse. 24:18

Obadia 1:21

A vahanyisi va ta kanziha a xitsunga xa Zioni, kasi ku ta lamula xitsunga xa Esau; zonake a mufumo wu tava wa Jehova. Mik. 4:7; Lu. 1:33, 71

Mitsengo 20:14

Laha va nga hi Kadexe, Mosi i lo ruma mitsumi ka hosi ya ka Edomi, aku: Makwenu Israeli i ngalo: Wena wa tiva a zikarato zontlhe lezi hi humelweko ha zona.

Deuteronome 2:4

U ta leletela vanhu, uku: Mu ta tsemakanya a tiko ga vamakabye va nwina, a vanana va Esau, lava va akileko Seire; na vona va ta mu chava. Kanilezi ti woneleni,

Deuteronome 2:8

Zonake hi lo hunza, hi va siya tlhelweni vamakabye va hina, a vanana va Esau, lava va akileko Seire, hi ndlela ya nzhelelo wa le Elate ni Ezioni-Gebera. Zonake hi lo hunza hi ndlela ya xiwula xa Moabi.

1 Samueli 17:14

Davida i wa hi nzisana ya vontlhe; makunu laha a tinhonzwa takwe ta tinharu ti nga wa lanzile Saule,