Genesisi 25:22 - Tshwa Bible

²² Ni vanana va lo gudlhana lomu nzeni kakwe; yena aku ngalo: Loku zi mahisa lezi, nzi xurele yini nyimba ke? I lo ya wutisa ka Jehova.

Genesisi 25:22 ပူးပေါင်းရင်းမြစ်များ

Ezekieli 20:31

Laha na mu nyikela a zinyikiwo za nwina, mu hisa a vana va nwina hi nzilo, ma ha ti nyenyezisa hi zifananiso zontlhe za nwina kala nyamutlha. Nzi nga vumela ku wutisiwa hi nwina, va yindlu ya ka Israeli ke? Nza hlambanya hi kuhanya ka mina, a nzi vumeli ku wutisiwa hi nwina, ku wula Hosi Jehova.

Ezekieli 36:37

Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.

1 Samueli 10:22

Va lo nonohisa va wutisa ka Jehova, vaku: A munhu loye i tata laha kambe ke? Jehova aku ngalo: Hi gaya, i fihlele lomu ka zibya.

1 Samueli 22:15

Hi kona nyamutlha nzi sangulako ku mu wutisela ka Nungungulu ke? A mhaka leyo a yi ve kule na mina! A hosi ngha yi nga veki nanzu ka nanza ga yena, hambu ni ka munwe wa yindlu ya dadani wa mina; hakuva lomu xikari ka tontlhe timhaka leti, a nanza ga wena a gi tivangi hambu ni mhaka yinwe.

1 Samueli 28:6

Saule i lo wutisa Jehova, kanilezi Jehova a nga mu hlamulangi nchumu, hambu ni kulora, hambu ni Urima, ge hambu vaprofeti. Ekso. 28:30; Mitse. 12:6

1 Samueli 30:8

Zonake Davida i lo wutisa ka Jehova, aku: Loku nzi lanza a yimpi leyi, nzi ta yi kamanyeta ke? Yena i te ngalo kakwe: Yi lanze, hakuva hakunene u ta yi kamanyeta, u tlhatlhisa zontlhe.

1 Samueli 9:9

(A kale ka va ka Israeli, loku va ya wutisa ka Nungungulu, va waku: Ngone hi famba ka Muvumbi; hakuva loyi inyamutlha hi nge ngalo Muprofeti, a kale va waku, Muvumbi.) Mitse. 12:6