Genesisi 19:38 - Tshwa Bible

³⁸ Yenawu loyi wa nzisana i lo beleka nisanyana, a chula vito gakwe ku hi Benammi; loye hi raru wa vana va Amoni kala nyamutlha.

Genesisi 19:38 ပူးပေါင်းရင်းမြစ်များ

Genesisi 20:1

Abrahama i lo rura laho aya tikweni ga le Dzongeni, i lo tshama xikari ka Kadexi ni Xure; a luvela Gerare.

Tisimu 83:9

Maha kabye kota lezi u nga mahisa zona ka vaMidiani, Ni ka Sisera, ni ka Jabini le congwaneni wa Kixoni; Vala. 4:7; 7:22

Isaya 11:14

Kanilezi va ta purumela makatleni ya maFilistia le Muhlwa-gambo, Va ta hlasela zinwe a vana va Mutsuwuka-gambo; Va ta khoma Edome na Moabi, Ni vana va Amoni va ta va ingisa.

Zefania 2:8

Nzi zwile a tinzhukano ta Moabi, ni tihlamba ta vana va ka Amoni, leti va rukateleko a vanhu va mina, va ti tekela tiko mimbhinganweni yabye.

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Deuteronome 2:19

U ta chikela ka vanana va ka Amoni. Kanilezi u nga va vukeli ulwa navo, hakuva cima nzi nga ta ku nyika nchumu xa tiko ga vanana va ka Amoni xi maha xa wena, hakuva nzi gi nyikile ka vanana va ka Loti lezaku gi maha gabye. Gen. 19:38; Vala. 11:15

Deuteronome 2:9

Jehova i te ngalo ka mina: U nga dzuki u vuka vaMoabi ulwa navo, hakuva cima nzi nga ta ku nyika nchumu xa tiko gabye, hakuva a tiko ga Ara nzi nyikile a vanana va Loti a kuva gi maha tshomba yabye.

Deuteronome 23:3

Va ka Amoni ni vaMoabi va nga ta enghena tlhanganweni wa Jehova; hambu ka xizukulwana xabye xa wukhume cima va nga ta enghena mutlhanganweni wa Jehova. Neh. 13:1

Valamuli 10:6

A vanana va ka Israeli va lo engeta kambe va maha kubiha mahlweni ka Jehova, va khozela maBaali ni maAxtarote, ni vanungungulu va vaSiria, ni vanungungulu va vaSidoni, ni vanungungulu va vaMoabi, ni vanungungulu va vanana va ka Amoni, ni vanungungulu va maFilistia; va fularela Jehova va nga mu khozeli.

1 Samueli 14:47

Zinghaho laha Saule a nga wa enghenile kufumeni ka ku fumela Israeli, i lo hlasela vontlhe valala lava va nga wa mu ranzele va mu veka xikari, va nga vona vaMoabi, ni va ka Amoni, ni vaEdomi, ni tihosi ta le Zoba, ni vaFilistia; ni kwihi laha a nga waya, i wo ya hlula.