Genesisi 17:9 - Tshwa Bible

⁹ Nungungulu i te ngalo ka Abrahama: U ta hlayisa a xivumelwano xa mina, wena ni pswalo wa wena, anzhako ka wena ni ka zontlhe zizukulwana zabye.

Genesisi 17:9 ပူးပေါင်းရင်းမြစ်များ

Genesisi 17:23

Abrahama i lo teka Ixmaeli a nʼwana wakwe, ni vontlhe lavo va belekelweko lomo ndlwini, ni vontlhe lavo va xabyilweko hi mali yakwe, a vavanuna vontlhe va yindlu ya Abrahama, i lo va maha mikwera hi dewu ga nyama ya magumo gwalego siku, kota kuwula ka Nungungulu.

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

Tisimu 103:18

Ka lava va hlayisako a xivumelwano xakwe, Va alakanya a zileletelo zakwe, va zi maha.

Tisimu 25:10

Tontlhe tindlela ta Jehova ta wuxinji ni kutsumbeka, A ka lava va hlayisako xivumelwano xakwe ni wukustumunyu gakwe.

Eksodusi 19:5

Makunu lezi, loku mu ingisa a gezu ga mina, mu hlayisa a xivumelwano xa mina, mu tava tshomba ya mina nwinyi ku hunza manwani matiko hakuva a misava yontlhe nja mina. Deut. 5:2; 1 Kor. 10:28; Tit. 2:14