Genesisi 12:5 - Tshwa Bible

⁵ Na Abrama i lo teka Sarai a sati wakwe, na Loti a nʼwana wa nakulobye, ni tshomba yabye yontlhe, leyi va nga wa fuyile, ni malanza lawa va nga wa ma kumile le Harani; va lo suka vaya tikweni ga le Kanani.

Genesisi 12:5 ပူးပေါင်းရင်းမြစ်များ

Genesisi 10:19

Ni mbhingano wa maKanani wu wa sangula Sidoni wu komama Gerari, wu kala wuya chikela le Gaza, wu komama le Sodoma ni le Gomora, ni le Adma; ni le Zeboime wu kala wuya chikela le Laxa.

Genesisi 11:27

Makunu lezi hi zizukulwana za Tera: Tera i lo beleka Abrama, na Nahori, na Harani; Harani i lo beleka Loti.

Genesisi 11:31

Na Tera i lo teka Abrama, a nisanyana wakwe, na Loti a nisanyana wa Harani, a zukulu wakwe, na Sarai a katamwane wakwe, a sati wa mufana wakwe Abrama; i lo Suka navo le Ure wa maKaldea vaya tikweni ga le Kanani, va lo chikela Harani va aka lomo.

Genesisi 13:5

Yenawu Loti loyi a nga wa famba na Abrama, i wa hi ni tiyivu ni tihomu ni matenda.

Genesisi 13:6

Ni tiko gi wa nga va eneli a kuva va tshama wutshamu ginwe; hakuva va wa fuyile nguvu, va wa nga zi koti ku tshama wutshamu ginwe.

Genesisi 14:14

Laha Abrama a nga wa zwile ku ngalo a xaka gakwe gi khomilwe, i lo hlomisa a tinhenha takwe leti ti belekelweko ndlwini yakwe, va wa hi 318 wa vavanuna, i lo va lanza kala a chikela le Dani.

Genesisi 14:21

A hosi ya le Sodoma yi te ngalo ka Abrama: Nzi nyike a vanhu, wena u teka a tshomba yontlhe.

Genesisi 28:10

Jakobe i lo suka le Berexeba aya le Harani.

Genesisi 36:6

Zonake Esau i lo teka vasati vakwe ni varisanyana vakwe ni vanhanyana vakwe, ni vanhu vontlhe va ngango wakwe, ni mitlhambi yakwe, ni zontlhe zifuyo zakwe, ni tshomba yakwe a nga yi kuma tikweni ga le Kanani, aya ginwani tiko kule ni nzisana yakwe Jakobe.

Levi 22:11

Kanilezi a munhu loyi a xabyilweko hi mupristi hi mali yakwe, yena i taga lezi zilo, hambu ni loyi a pswalilweko lomu ndlwini yakwe; vona va taga zakuga zakwe.

Mitiro 7:4

Zonake i lo huma tikweni ga maKaldea, a ya aka Harani. Laha a raru wakwe a nga file, Nungungulu i lo mu rurisa, a mu tisa tikweni legi mu akileko ka gona makunu. Gen. 11:31; 12:4; Maheb. 11:8