Ezra 9:9 - Tshwa Bible

⁹ Hakuva hina hakunene hi tikhumbi, kanilezi lomu wukhumbini ga hina Nungungulu wa hina a nga hi tsikangi; kanilezi i lo hi kombisa tipswalo mahlweni ka tihosi ta vaPersia, a hi humuta, lezaku kasi hi aketa a yindlu ya Nungungulu wa hina, yi vuxiwa luswa wutshanwini ga yona, hi nyikiwa a khokhola lomu tikweni ga ka Juda ni Jerusalema.

Ezra 9:9 ပူးပေါင်းရင်းမြစ်များ

Ezra 2:68

Laha va nga wa chikele le ndlwini ya Jehova le Jerusalema, a tinwani tihosana ta tiyindlu ta vadadani vabye, ti lo nyikela ka yindlu ya Jehova a minyikelo ya kuranza kabye, kasi ku fela ku vuxiwa a xita xa yona.

Ezra 7:6

Ezra loyi i lo suka hi le Babuloni; i wa hi mutsali a tlharihileko milayweni ya Mosi leyi yi nyikilweko hi Jehova Nungungulu wa ka Israeli. A hosi yi lo mu nyika zontlhe lezi a nga zi kombela, hakuva a canja ga Jehova Nungungulu wakwe gi wa hi zinwe na yena.

Ezra 7:8

I lo chikela Jerusalema hi hweti ya wuntlhanu ya lembe ga wu 7 ga kufuma ka hosi.

Ezra 9:10

Nungungulu wa hina, anzhako ka zontlhe lezi hi ta kuyini? Hakuva hi fularele milayo ya wena,

Nehemia 2:17

Zonake nzi te ngalo kabye: Ma yi wona mhango leyi hi nga ka yona, lezi a Jerusalema gi hahlulisilweko zona, ni kuhiswa ka tivati hi nzilo. Ngonani hi ta vuxa a ligingisi ta Jerusalema, kasi hi nga have xihlekiso kambe.

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Tisimu 109:12

Ku ngave ni munwe loyi a mu zwelako wuxinji, Ngha ku ngave ni munwe a hawukelako vanana vakwe.

Tisimu 138:7

Hambu nzi famba xikari ka zikarato, wena wa nzi hanyisa; U nawuluta canja ga wena u nzi vikela ka zanga ya valala va mina, A canja ga wena ga xinene ga nzi ponisa.

Isaya 14:3

A sikwini lego Jehova a ta nga mu humuta kuxanisekeni ka nwina ni kuchava, ni ka mikhinyavezo leyi mu nga hlokiswa hi yona,

Isaya 5:2

I lo xi rima, a susa maribye, A byala ka xona a mavina ma hlawulekako; A aka a tshala xikari ka xona, A xi vatlela a xigayo xa vinya. I lo tsumba lezaku xi ta pswala a mauva yo nanziha, Kanilezi xi lo pswala mauva yo bava.

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 61:4

Va ta aketa a marumbi ya kale, Va ta vuxa a tigingisi ta kaleloko, Ni ku aka luswa a miti yi hahlulweko, Yi khungumulweko xikhatini xa kale.

Ezekieli 11:16

Hikwalaho wula uku: Hosi Jehova i ngalo: Hambu lezi nzi va hangalasileko xikari ka vamatiko, nzi va yisa ka matiko manwani, nzi tava wuchavelo gabye a xikhatanyana lomu ka matiko lawa va yileko ka wona.

Danieli 9:25

Hikwalaho, tiva u pima lezaku kusukela kuhumeni ka xileletelo xa ku tlhelisela ni ku aketa Jerusalema, kala ku chikela loyi a totilweko loyi a nga hosi, ku tava ni ntlhanu wa maviki ni mambiri; zonake hi 62 wa maviki a muti wu ta aketwa, wuva ni maruwa ni geva, hambu kuva ni zikhati za kukarateka.

Hagai 1:9

Mu wa cuwukela zo tala, kanilezi mu kumile zitsongwani; ni laha mu nga zi neha kaya nzi lo zi buveta. Hikuyini, ku wula Jehova wa tiyimpi. Hi kota ya yindlu ya mina yi hahlukileko, laha a munwe ni munwani wa nwina a hatlisako ku aka a yindlu yakwe.

Zakaria 2:5

Hakuva mina, ku wula Jehova, nzi tava a ligingisi la nzilo lowu wu ta nga gi bhiyela, nziva kungangamela xikari ka gona.