Ezra 7:6 - Tshwa Bible

⁶ Ezra loyi i lo suka hi le Babuloni; i wa hi mutsali a tlharihileko milayweni ya Mosi leyi yi nyikilweko hi Jehova Nungungulu wa ka Israeli. A hosi yi lo mu nyika zontlhe lezi a nga zi kombela, hakuva a canja ga Jehova Nungungulu wakwe gi wa hi zinwe na yena.

Ezra 7:6 ပူးပေါင်းရင်းမြစ်များ

Genesisi 32:28

Yena i te ngalo: A vito ga wena gi nga ta ha vitanwa ku ngalo Jakobe, gi ta vitanwa ku ngalo hi wena Israeli; hakuva u pfinyene ni Nungungulu ni vanhu, u hlulile.

Ezra 5:5

Kanilezi a tihlo ga Nungungulu wabye gi wa hi hehla ka masingalakati ya va ka Juda; va lo tsika ku va beletela kala a mhaka leyo yi yiswa ka Dariusi, na va ha rinzela a papilo ga hlamulo wa mhaka leyo.

Ezra 6:22

Va lo maha a mubuzo wa zibaba zi nga hiko na comelo, 7 wa masiku na va tsakile; hakuva Jehova i wa va tsakisile, ni ku kucetela a mbilu ya hosi ya Asiria lezaku yi tiyisa a mandla yabye mitirweni ya yindlu ya Nungungulu wa ka Israeli.

Ezra 7:21

Mina hosi Artaxerxesi, nzi leletela nwina nwentlhe mu nga le tlhatuko wa congo, nwina lava mu hlayisako a wukosi ga mina, lezaku mu hatlisa mu maha zontlhe lezi Ezra, mupristi ni mutsali wa milayo ya Nungungulu wa le tilweni, a ta nga zi kombela ka nwina.

Ezra 7:28

loyi a nzi mahileko nzi kuma tipswalo ka hosi, ni ka tinduna ta hubye gakwe, ni ka tihosana tontlhe ta tinhenha ta hosi! Mina nzi lo tiyiswa hlana, khwatsi hi lezi a canja ga Jehova Nungungulu wa mina gi nga hehla ka mina; nzi tsombanyisile a masingalakati ya va ka Israeli, lezaku va kanziha zinwe na mina.

Ezra 7:5

nʼwana Abixua, wa Fineasi, wa Eleazare, wa Aroni, a mupristi wa hombe,

Ezra 7:9

Hakuva yena i lo suka le Babuloni hi siku go ranga ga hweti yo sangula, zonake a chikela Jerusalema hi siku go ranga ga hweti ya wuntlhanu, khwatsi hi lezi a canja ga tipswalo ta Nungungulu gi nga hi zinwe na yena.

Ezra 8:1

Leti hi tihosana ta tiyindlu ta vadadani vabye, ni mavito ya tinyangwa leti ti nga huma hi le Babuloni na mina, a xikhatini xa hosi Artaxerxesi:

Ezra 8:18

Kota lezi a canja ga Nungungulu wa hina gi nga wa hi hehla ka hina, va lo hi nehela a wanuna wa malanga wa vanana va ka Mali, a nʼwana wa Levi, wa Israeli, a nga Xerebia, zinwe ni vana vakwe ni 18 wa vanakulobye.

Ezra 8:22

Hakuva nzi wa hi ni tingana a ku kombela ka hosi a butho ga tinhenha ni vakhileli va mahaxi, kasi va hi vikela ka valala lomu ndleleni, hakuva nzi wa ngha nzi byelile a hosi, nziku: A canja ga Nungungulu wa hina ga va yimela vontlhe lava va mu lavako, kanilezi a ntamu wakwe ni zanga yakwe, zilwa ni vontlhe lava va mu fularelako.

Ezra 8:31

Hi lo suka Congweni wa Ahava hi siku ga 12 ga hweti yo sangula hiya Jerusalema; a canja ga Nungungulu wa hina gi wa hi zinwe na hina, a hi ponisa mandleni ya valala, ni lava va nga wa hi tumbelele lomu ndleleni,

Nehemia 12:26

Lezo ku wa hi masikwini ya Joiakimu nʼwana Jexua, nʼwana Jozadaki, ni masikwini ya Nehemia a mufumeli, na mupristi Ezra a mutsali.

Nehemia 12:36

ni vanakulobye Xemaia, na Azareli, Milalai, Gilalai, Maai, Netaneli, na Juda, Hanani, ni zibya za wucenje za Davida a munhu wa Nungungulu; na Ezra mutsali a rangile mahlweni kabye.

Nehemia 2:12

zonake nzi lo vuka ni wusiku, ku wa hi mina ni vavanuna va tsongwani; ge a nzi na nga byela munhu lezi a Nungungulu wa mina a nga wa zi chelile mbilwini ya mina a kuva nzi zi mahela Jerusalema. Ne ni xihari nzi wa nga hi naxo, ahandle ka xwalexi nzi nga wa xi khilele.

Nehemia 2:18

Nzi lo va byela hi laha a canja ga Nungungulu wa mina gi nga nzi mahela kusasa, ni timhaka leti a hosi yi nga ti wuta ka mina. Vona vaku: A hi sukeni hi aka! Zinghaho va lo tiya hlana a ku maha ntiro lowo wo saseka.

Nehemia 2:8

ni papilo goya ka Asafa, a muhlayisi wa khwati ga hosi, kasi a fela ku nziha a tisinya to maha ha tona a timhanze ta tinyangwa ta khokhola ga yindlu ya Jehova, ni ta ligingisi la muti, ni ta yindlu leyi nzi ta nga tshama ka yona. A hosi yi lo nzi nyika, khwatsi hi lezi a canja ga ginene ga Nungungulu wa mina gi nga hi hehla ka mina.

Nehemia 4:15

Laha a valala va hina va ngazwa lezaku hi tivile a mhaka ya kona, na Nungungulu a puxulule a xikungo xabye, hi lo tlhelela ligingisini, munwe ni munwani ntirweni wakwe.

Nehemia 8:1

A vanhu vontlhe va lo tsombana hi mbilu yinwe laha tsenzeleni wu nga hi le mahlweni ka nyangwa ya Mati, va byela matsalani Ezra lezaku a neha a bhuku ga milayo ya Mosi, leyi Jehova a nga wa leletele Israeli. Ezra 3:1; 7:11

Nehemia 8:13

Hi siku ga wumbiri ku lo tsombana a tihosana ta tiyindlu ta vararu vabye vontlhe, ni vapristi, ni vaLevi, ka mutsali Ezra kasi ku pimisisa a timhaka ta milayo.

Nehemia 8:4

Mutsali Ezra i lo yima le hehla ka xitlhata xa mapulango, va nga wa xi mahele ntiro lowo. Kusuhani kakwe hi tlhelo ga xinene, ku wa yimile Matitia, na Xema, na Anaia, na Uria, na Hilkia, na Maaseia; hi tlhelo ga xibhabha ku wa yimile Pedaia, na Mixaeli, na Malkija, na Haxumi, na Haxbadana, na Zekaria, na Mexulamu.

Nehemia 8:9

Nehemia, loyi a nga wa hi hosi ya kona, ni matsalani wa kona mupristi Ezra, ni vaLevi lava va nga wa hi vagonzisi va vanhu, va te ngalo ka vanhu vontlhe: A siku legi i siku gi basileko ka Jehova Nungungulu wa nwina. Mu nga mahi hlomulo, hambu ku rila. Hakuva a vanhu vontlhe va wa rila, laha va ngazwa a timhaka ta milayo. Levi 23:24

Nehemia 9:13

Ni kambe u lo relela le hehla ka xitsunga xa Sinai, u wulawula navo na u hi le tilweni, u va kombisa zinene, ni milayo ya lisine, ni ziyimiso, ni zileletelo;

Tisimu 109:27

Kasi va tiva lezaku hi canja ga wena, Lezaku hi wena Jehova u zi mahileko.

Tisimu 147:19

Wa hlawutela mhaka yakwe ka Jakobe, Ni milayo yakwe ni zileletelo zakwe ka Israeli. Deut. 33:4

Tisimu 45:1

A mbilu ya mina ya pupuma hi magezu yo saseka; Nziku: A lisimu la mina li xungeta a hosi; A lirimi la mina i peni ya mutsali a tlharihileko.

Tisimu 80:18

Hikwalaho hi nga ta ku fularela; Hi hanyise, kasi hi fela ku khongela hi vito ga wena.

Mavingu 3:6

U ta mu ingisa tindleleni tontlhe ta wena, ena i ta lulamisa a tisoko ta wena.

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Isaya 59:1

Langutani, a woko ga Jehova a gi komangi go kala gi tsanzeka ku hanyisa, Ni ndleve yakwe a yi valekangi ko kala yi tsanzeka kuzwa. Mitse. 11:23; Isa. 50:2

Jeremia 8:8

Hikuyini mu nge ngalo: Hina hi tlharihile, Hi na ni nayo wa Jehova? Languta a pena ya mawunwa ya vatsali Yi hembile wunwa yi goha nayo.

Mateu 13:52

Aku ngalo kabye: Makunu kani hi wihi mutsali loyi a gonzisilweko hi za mufumo wa tilo i fanana ni munhu loyi a nga nwinyi wa yindlu, loyi a humesako mabakweni yakwe a zilo ziswa ni zilo za kale.

Mateu 23:2

aku: A vatsali ni vaFarisi va tshama xitshanwini xa Mosi. Neh. 8:4, 8; Mal. 2:7

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

1 Va le Korinte 1:20

I kwihi loyi a tlharihileko? I kwihi loyi a tivako mitsalo? I kwihi a mukaneti wa nguva leyi? Xana Nungungulu a nga mahangi a wutlhari ga misava giva wupumbu ke? Isa. 33:18; 44:25

1 Va le Korinte 15:1

Vamakabye, nza mu alakanyisa hi ivangeli leyi nzi nga kanela ka nwina, leyi mu nga yi amukela, leyi mu yimileko ka yona, Rom. 5:2

Deuteronome 28:1

Loku wena u ingisa khwatsi a gezu ga Jehova Nungungulu wa wena, u maha yontlhe milayo leyi nzi ku leletelako yona inyamutlha. Jehova Nungungulu wa wena i ta ku tlakusa hehla ka wontihe matiko ya misava.

Deuteronome 4:5

Langutani, nzi mu gonzisile milayo ni zileletelo, kota lezi Jehova Nungungulu wa mina a nzi leleteleko, kasi nwina ma fela ku lanzela yona ka tiko legi mu yako mu ya fumela gona.