Ezra 3:8 - Tshwa Bible

⁸ Makunu hi lembe ga wumbiri ga kuwuya kabye lomu ndlwini ya Jehova le Jerusalema, lomu ka hweti ya wumbiri, Zerubabeli nʼwana Xealtieli, na Jexua nʼwana Jozadake, ni vanakulobye lava va nga wa hi vapristi, ni va ka Levi, ni vontlhe lava va nga tlhelela Jerusalema na va huma hi le kukhonweni, va lo sangula ku tira; ku lo yimiswa vaLevi kusukela ka va 20 wa malembe kuya mahlweni, kasi ku fambisa a ntiro wa yindlu ya Jehova.

Ezra 3:8 ပူးပေါင်းရင်းမြစ်များ

1 Kronekele 23:4

Davida i te ngalo: A 24,000 wa vavanuna va tava vahlayisi va ntiro wa yindlu ya Jehova; lava va 6,000 va ta lavelela ntiro ni ku lamula timhaka. Deut. 16:18

1 Kronekele 3:17

a vana va Jekonia a mukhomiwa: Xealtieli a nʼwana wakwe,

Ezra 10:18

Lomu xikari ka vana va vapristi ku lo kumeka lava va tekileko a vavasati va ku nghaho; lomu ka vana va Jexua hi nʼwana Jozadade ni vanakulobye Maaseia na Eliezare na Jariba na Gedalia;

Ezra 2:2

lava va nga wuya na Zerubabeli na Jexua, Nehemia, Seraia, Reelaia, Mordekai, Bilxani, Mispare, Bigvai, Rehuma, Baana. A tsengo wa vavanuna va ka Israeli hi lowu:

Ezra 3:2

Ku lo suka Jexua nʼwana Jozadake ni vanakulobye, a vapristi, na Zerubabeli nʼwana Xealtieli, ni vanakulobye, va yima va aka a alati ga Nungungulu wa ka Israeli, kasi va fela ku tlhavela laho a miphahlo ya kuhiswa, khwatsi hi lezi ku tsalilweko nayweni wa Mosi a munhu wa Nungungulu. Levi 6:9; Deut. 12:13; Mat. 1:12

Ezra 4:24

Zonake va lo kaketa a ntiro wa yindlu ya Nungungulu le Jerusalema; va lo tsika kala lembe ga wumbiri ga kufuma ka Dariusi a hosi ya le Persia.

Ezra 4:3

Kanilezi Zerubabeli, na Jexua, ni tinwani tihosana ta vadadani va ka Israeli, va te ngalo kabye: Nwina a mu zi koti ku aka zinwe na hina a yindlu ya Jehova Nungungulu wa hina; hi hina hoce hi ta nga aka a yindlu ya Jehova Nungungulu wa ka Israeli, khwatsi hi lezi ku leletelweko hi Kurusi a hosi ya le Persia.

Ezra 5:16

Zonake Xexbazare loye i tile a ta vekela xiseketelo xa yindlu ya Nungungulu le Jerusalema; kusukela xikhatini xwalexo ya ha akiwa, a yi se nga mbhela.

Ezra 5:2

Zonake ku lo suka Zerubabeli nʼwana Xealtieli, na Jexua nʼwana Jozadake, va engeta va sangulisa ku aka yindlu ya Nungungulu le Jerusalema, na va hi zinwe ni vaprofeti va Nungungulu va nga wa va vuna.

Hagai 1:1

Hi lembe ga wumbiri ga kufuma ka hosi Dariusi, hi hweti ya wuntlhanu ni yinwe, hi siku go ranga ga hweti, ku lota a mhaka ya Jehova hi nomu wa muprofeti Hagai ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, yiku: Lu. 3:27

Zakaria 4:9

A mandla ya Zerubabeli ma vekile a xiseketelo xa yindlu leyi, a mandla yakwe ma ta yi mbheta: mu ta zi tiva lezaku Jehova wa tiyimpi i nzi rumile ka nwina.

Zakaria 6:12

uku ka yena: Jehova wa tiyimpi i ngalo: Languta, a wanuna loyi a vito gakwe a nga Hluke, i ta mita wutshanwini gakwe, a aka a yindlu ya Jehova. Isa. 11:1; Jer. 23:5; 33:15

Mitsengo 4:3

lava va nga ni 30 wa malembe ni kuya mahlweni, kala ka lava va nga 50 wa malembe, vontlhe va faneleko ku enghena ntirweni wa tenda ga mutlhangano. Mitse. 8:24