Ezra 3:7 - Tshwa Bible

⁷ Va lo nyikela a mali ka vavatli va maribye ni timhanze, va nyikela a zakuga ni zakunwa, ni mafura ka vaSidoni ni va le Tire, kasi vona va fela ku va nehela a tisinya ta sedare hi le Lebanoni, tita le Jopa hi bimbi, khwatsi hi lezi va nga wa vumelwe hi Kurusi a hosi ya le Persia.

Ezra 3:7 ပူးပေါင်းရင်းမြစ်များ

2 Samueli 5:11

Zonake Hiramu a hosi ya le Tire i lo rumela mitsumi ka Davida zinwe ni tisinya ta sedare, ni vavatli ni vaaki a ku ta aka a yindlu ya Davida.

1 Tihosi 5:6

Makunu, ruma a vanhu va wena va ya nzi tsemela a tisinya ta tisedare le Lebanoni; a malanza ya mina ma ta famba ni malanza ya wena. Nzi ta ku nyika zontlhe lezi u ta nga zi wula, ziva hakhelo ya malanza ya wena, hakuva wena wa zi tiva lezaku a nga kona ka vanhu va ka hina a zi tivako ku tsema tisinya kota vaSidoni.

2 Tihosi 12:10

Laha va nga wona lezaku a mali yi tele lomu nghaxeni, a matsalani wa hosi i lo kanziha ni mupristi wa hombe, va ya hlaya a mali leyi yi nga wa kumekile lomu ndlwini ya Jehova, va yi veka zikhwameni.

2 Tihosi 12:13

Kanilezi a va mahangi a tikopo ta siliva ni mikwana, ni zinamelo, ni mipunzu, hambu ni zibya zinwani za nzalama ni za siliva za yindlu ya Jehova, hi mali leyo yi nehilweko ndlwini ya Jehova,

2 Kronekele 34:10

Va lo yi nyikela mandleni ya lava va khomileko ntiro, lava va yimisilweko a kuva vahlayisi va ntiro lomu ndlwini ya Jehova, a ku yi sasisa ni ku yi aketa.

Ezra 3:6

Hi siku go ranga ga hweti ya wu 7, va lo sangula ku nyikela ka Jehova a muphahlelo wa kuhiswa; kanilezi a xiseketelo xa yindlu ya Jehova xi wa nga se ku akiwa.

Ezekieli 27:17

Juda ni tiko ga Israeli va wa xuja ka wena; va wa xava zibya za wena hi tirigo ga le Miniti, ni Pannagi, ni wulombe, ni mafura, ni balsamu.

Jona 1:3

Kanilezi Jona i lo suka a tsutsuma aya Tarxixi, kule ni nghohe ya Jehova. I lo relela le Joppa, a ya kuma a taru gi nga lava kuya Tarxixi; i lo rihela a pfhumba gakwe, a enghena tarwini, kasi kuya zinwe navo le Tarxixi, a suka mahlweni ka Jehova.

Mitiro 12:20

Herodi i wa hi ni zunga ni va le Tire ni Sidoni. Kanilezi va lota ka yena na va chatene wunghana na Blastu, a nga hi nduna ya hombe ya hosi, vata hi mbilu yinwe va ta kombela kurula, hakuva a tiko gabye gi wa hanyela tikweni ga Herodi. 1 Tih. 5:9

Mitiro 9:36

Le mutini wa Jopa ku wa hi ni mupizani wa xisati a vitwako Tabita, lezo hi ku ngalo Dorkasi, loyi a nga tele hi mitiro yo saseka, ni ku nyika zinyikiwo ka zisiwana. Tit. 3:8; 1 Tim. 2:10

Mitiro 9:38

Kota lezi Lida ku nga hi kusuhani ni le Jopa, a vapizani na va zwile lezaku Pedro i kona laho, va lo rumela a vavanuna vambiri, va ya mu kombela vaku: U nga hlweli kuta ka hina.

Mitiro 9:43

Anzhako ka lezo Pedro i lo tshama masiku yo tala le Jopa, a kaya ka Simoni a nga hi mufuki wa madzowo. Xip. 10:6