Ezra 1:8 - Tshwa Bible

⁸ Kurusi a hosi ya le Persia i lo zi humesa hi canja ga Mitredate, a muhlayisi wa tshomba yakwe, a zi hendleleta ka Xexbazare, a hosana ya ka Juda.

Ezra 1:8 ပူးပေါင်းရင်းမြစ်များ

Ezra 1:11

Zontlhe zibya za nzalama ni za siliva zi wa hi 5,400. Zontlhe zibya lezi Xexbazare i lo famba nazo Jerusalema xikhatini lexo a vakhomiwa lava va nga wa hi le Babuloni va nga tlheliswa vaya Jerusalema.

Ezra 2:2

lava va nga wuya na Zerubabeli na Jexua, Nehemia, Seraia, Reelaia, Mordekai, Bilxani, Mispare, Bigvai, Rehuma, Baana. A tsengo wa vavanuna va ka Israeli hi lowu:

Ezra 5:14

A nzalama ni siliva ya yindlu ya Nungungulu, leyi yi nga wa tekilwe lomu tempeleni ya Jerusalema hi Nebukadnezare a famba nayo, a ya yi veka lomu tempeleni ya le Babuloni, i zi tlhelisile a zi hendleleta mandleni ya Xexbazare loyi a nga mu wumbela kuva hosi.

Ezra 5:16

Zonake Xexbazare loye i tile a ta vekela xiseketelo xa yindlu ya Nungungulu le Jerusalema; kusukela xikhatini xwalexo ya ha akiwa, a yi se nga mbhela.

Ezra 5:2

Zonake ku lo suka Zerubabeli nʼwana Xealtieli, na Jexua nʼwana Jozadake, va engeta va sangulisa ku aka yindlu ya Nungungulu le Jerusalema, na va hi zinwe ni vaprofeti va Nungungulu va nga wa va vuna.

Jeremia 51:44

Nzi ta tsayisa Beli le Babuloni, Nzi humesa nonwini wakwe zo ntlhe lezi a zi mitileko. A matiko ma nga ta ha hlengeletana ka yena kambe; Ina, a khurisi ga Babuloni gi ta khungumuka.

Hagai 1:1

Hi lembe ga wumbiri ga kufuma ka hosi Dariusi, hi hweti ya wuntlhanu ni yinwe, hi siku go ranga ga hweti, ku lota a mhaka ya Jehova hi nomu wa muprofeti Hagai ka Zerubabeli a nʼwana Xealtieli, a mwamangulu wa le Juda, ni ka Joxua a nʼwana Jehozadaki, a mupristi wa hombe, yiku: Lu. 3:27

Hagai 1:14

Jehova i lo vuxa a moya wa Zerubabeli a nʼwana Xealtieli, a mwamangulu wa le Juda, ni moya wa Joxua a nʼwana Jehozadaki, a mupristi wa hombe, ni moya wa yontlhe misalela ya vanhu, lezaku vata va ta sangula ku aka a yindlu ya Jehova wa tiyimpi, a Nungungulu wabye,