Estere 4:3 - Tshwa Bible

³ Matikweni wontihe, ni kwihi laha a nyiwo yi nga biwa hi nayo wa hosi, ku lo mahiwa zirilo xikari ka vaJuda, va yila, va rila, va tsikwila; vanyingi va lo ambala tinguwo ta xirilo va ti tlhatlhatela khuma.

Estere 4:3 ပူးပေါင်းရင်းမြစ်များ

Estere 1:1

Masikwini ya Ahasuerusi, loyi a nga wa fumele 127 wa matiko kusukela India kala Etiopia,

Estere 3:12

Zonake a vamatsalani va hosi va lo vitaniswa hi hweti yo ranga hi siku ga 13, ku ta tsaliwa zontlhe lezi Hamani a nga wa leletele, zi rumelwa ka tinduna, ni vafumeli va matiko wontihe, ni ka tihosana ta vanhu; a tiko ni tiko hi matsaiela ya gona, a ka lixaka ni lixaka hi lirimi la lona; zi wa tsalilwe vitweni ga hosi Ahasuerusi, zi vekelwa a xifungo xa hosi.

Estere 4:16

Famba u ya tsombanyisa vontlhe vaJuda lava va nga le Xuxani mu nzi yilela, mu heta masiku manharu na mu ngagi ge hambu kunwa wusiku ni mumu. Minawu ni vanhanyana hi ta maha lezo, zonake nzi taya ka hosi, hambu lezi wu nga hiko nayo; loku nzifa, a nzife.

Estere 4:2

a kala a chikela ni laha nyangweni ya hosi, hakuva a munhu loyi a ambeleko a tinguwo ta xirilo i wa nga vumelwi ku enghena nyangweni ya hosi.

Estere 4:4

A vanhanyana va Estere ni mithenwa yakwe va lo ta mu tivisa; a muzinza i lo tlhaveka nguvu, a rumela a nguwo ka Mordekai kasi a fela ku tlhatlha a zilenda. Kanilezi a nga yi amukelangi.

Estere 9:31

kasi ku tiyisa masiku lawo ya Purime ni zikhati za wona, khwatsi hi lezi zi yimisilweko hi muJuda Mordekai na muzinza Estere, ni lezi vona ni pswalo wabye va ti yimiseleko ku yila ni ku maha hlomulo.

Joba 2:8

I lo lava xirengele ku ti tshuvela ha xona; i lo tshama lomu khumeni.

Isaya 22:12

A ka siku lego Jehova wa tiyimpi i mu vitanele xirilo ni nkosi, ni ku halula tihloko ta nwina, mu ambala zilenda.

Isaya 22:4

Hikwalaho nzi nge ngalo: Mu nga nzi cuwuki, kasi nza tsikwila, Mu nga ti karati mu nzi chavelela hi kota ya kulobyiswa ka nhwana wa tiko ga mina.

Isaya 58:5

Hi kona kuyila loku ku nzi tsakisako ke? Xana i siku legi munhu a hlokisako muhefemulo wakwe? Kasi hi ku koramisa hloko khwatsi lihlanga, Ni ku etlela laha sakweni ni lomu khumeni, Hi zona u zi vitako aku kuyila, Lezaku i siku gi tsakisako Jehova ke? Zak. 7:5; Mat. 6:16

Ezekieli 27:30

Va ta kanyuluka hi kota ya wena, va rila hi ku tsikwila, Va ta ti chela ntshuri, va puluwunza lomu khumeni.

Danieli 9:3

Nzi lo tlakusa a mahlo ya mina ka Hosi Nungungulu nzi maha mikhongelo, nzi kombela hi kuyila, nzi ambala tisakwa nzi ti chela khuma.

Jona 3:6

Laha a hosi ya Niniva yi ngazwa a mahungu lawo, yi lo suka xitshanwini xakwe xa wuhosi, a tlhatlha a nguwo yakwe ya wuhosi, a ambala tinguwo ta xirilo, a ya tshama lomu khumeni.

Mateu 13:42

ti ta va hoxa phingweni ga nzilo; laho ku tava kona a mikosi ni kugetsela ka meno. Xip. 3:12; Kuv. 19:20; 20:10

Mateu 22:13

Zonake a hosi yi te ngalo ka malanza: Mu boheni mawoko ni milenge, mu mu hoxa munyameni wa lahandle, laha ku ta ngava ni mikosi ni kugetsela ka meno.

Mateu 25:30

Gi hoxeni munyameni wa lahandle a nanza gi nga vuniko nchumu, laha mikosi yi ta ngava kona ni kuge-tsela ka meno.

Joxua 7:6

Na Joxua i lo hanzula tinguwo takwe, i lowa lahasi hi nghohe yakwe mahlweni ka nghaxa ya Jehova kala laha gambyeni, yena zinwe ni masingalakati ya ka Israeli, na vona va lo ti palatela tsutsungwani hehla ka tihloko tabye.

1 Samueli 11:4

Zonake a mitsumi yi loya le Gibea wa Saule, yi ya tivisa vanhu hi timhaka leti. Vontlhe vanhu va lo kanyuluka va rila.