Eksodusi 40:34 - Tshwa Bible

³⁴ Zonake a refu gi lo fenengeta a tenda ga mutlhangano, hakuva a refu gi wa hi hehla ka gona, ni kuhatima ka Jehova ku tata a tabernakeli,

Eksodusi 40:34 ပူးပေါင်းရင်းမြစ်များ

2 Samueli 7:6

Hakuva cima a nzi se nga tshama lomu ndlwini kusukela siku lego nzi nga humesa ha gona va ka Israeli le Gipite, nzi wa hi mufambi, na nzi tshamile lomu tendeni ni lomu tabernakeleni. Ekso. 26:1; 1 Tih. 8:16

2 Kronekele 5:13

A vabi va mipunzu ni vayimbeleli va lo yimbelela khatiginwe, hi gezu ginwe a ku dumisa ni ku bonga Jehova. Laha va nga waba mipunzu ni tingoma, ni tinwani timbila, na va kari va yimbelela vaku: Dumisani Jehova hakuva i lulamile, hakuva a wuxinji gakwe gi simamisile kala kupinzuka! a yindlu ya Jehova yi lo tatiswa hi refu,

2 Kronekele 7:2

A vapristi va lo tsanzeka ku enghena lomu ndlwini ya Jehova, hakuva a kungangamela kakwe ku wa tatile a yindlu ya Jehova.

Tisimu 26:8

Jehova, nza ranza a wuakelo ga yindlu ya wena, Ni wutshamu legi gi nga ni kungangamela ka wena. Ekso. 40:34

Eksodusi 14:24

Zonake hi xikhati xa laha mixweni, Jehova i lo cuwuka a yimpi ya vaGipite hi lomu mhingeni ya nzilo, zonake a vilinganyisa a yimpi ya vaGipite;

Eksodusi 16:10

Laha Aroni a nga kari a wulawula ni hlengeletano ya vanana va ka Israeli, va lo cuwuka tlhelweni ga xiwula, languta, a kuhatima ka Jehova ku lo woneka le refini;

Eksodusi 25:8

A va nzi mahele a yindlu yo basa, kasi nza fela ku tshama xikari kabye.

Eksodusi 29:43

Nzi ta tlhangana laho ni vanana va ka Israeli; a wutshamu lego gi tava gi basisilweko hi wukosi ga mina.

Eksodusi 33:9

Laha Mosi na enghenile lomu Tendeni, a mhinga ya refu yi lo relela, yi ta yima laha nyangweni ka Tenda, zonake Jehova a wulawula na Mosi.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 6:4

A ziseketelo za tinyangwa ta tempeli zi lo tsekatsekiswa hi gezu ga loyi a nga wa kanyuluka, ni yindlu yi lo tala hi musi. Ekso. 40:34; 1 Tih. 8:10; Kuv. 15:8

Ezekieli 10:4

Zonake a kungangamela ka Jehova ku lo suka hehla ka makerubima gi ya yima hehla ka nyangwa ya yindlu; ni yindlu yi lo tala hi refu, ni hubye yi wa tele hi kuhatima ka kungangamela ka Jehova.

Levi 16:2

Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.

Hagai 2:7

Nzi ta tsekatsekisa a matiko wontlhe, ni titshomba tontlhe ta matiko ti ta nehiwa lomu; mina nzi ta tata a yindlu leyi hi wukosi, ku wula Jehova wa tiyimpi.

Hagai 2:9

A wukosi go gumesa ga yindlu leyi gi tava ga hombe ku hunza leʼgo ranga, ku wula Jehova wa tiyimpi; a ka wutshamu legi nzi ta nyika kurula, ku wula Jehova wa tiyimpi.

Mitsengo 7:89

Ku waku loku Mosi a enghena lomu ka tenda ga mutlhangano a ku ya wulawula na Nungungulu, azwa a gezu na gi wulawula naye, na gi zwala hi le xitshanwini xa wuxinji, lexi xi nga hehla ka arke ga xivumelwano, hi lomu xikari ka makerubima mambiri; zinghaho Jehova i lo wulawula naye.

Va le Roma 9:4

Va nga vaIsraeli, lava a wunʼwana gi nga gabye, ni wudumo, ni xivumelwano, ni nayo, ni wukhozeli ga tempeli, ni zitsumhiso. Deut. 7:6; Tis. 63:2; Miti. 13:32

Kuvululelwa 15:8

Zonake a tempeli yi lo tala hi musi wu humako kungangameleni ka Nungungulu ni ntanwini wakwe; ku wa nga hi kona ni munwe a nga zi kota ku enghena tempeleni kala zi tatiseka a ntlhanu wa zixaniso ni zimbiri za tingelosi leti ta ntlhanu ni timbiri. Ekso. 40:34; Isa. 6:42; Tes. 1:9

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16