Eksodusi 37:9 - Tshwa Bible

⁹ A makerubima lawo ma lo tshambuluta tipapa ta wona ti fenengeta a xitshamu xa wuxinji, a tinghohe ta wona ti cuwukana, hi wumbiri ga wona na ma cuwukile lahasi xitshanwini xa wuxinji.

Eksodusi 37:9 ပူးပေါင်းရင်းမြစ်များ

Genesisi 28:12

I lo lora, a wona mayingo na ma yimisilwe laha misaveni, na magumo ka wona ku chikele tilweni; languta, a tingelosi ta Nungungulu na ti kanziha, ti relela ha wona.

Genesisi 3:24

I lo mu hlongola Adamu; i lo yimisa a makerubima hi le Mutsuwuka-gambo wa simu ga Edeni, ni supado yi karihako matlhelo wontihe, kasi ku rinzela a ndlela ya sinya ya wutomi. Tis. 104:4

1 Tihosi 6:27

I lo veka makerubima hi lomu nzeni ka yindlu, a tipapa ta kona ti tshambulutwa kasi a lipapa la ginwe li chikela le khurisini hi tlhelo ginwe, ni lipapa la ginwani li khumba le khurisini hi tlhelo ginwani; kanilezi a tinwani tipapa ta wona ti tlhangana laha xikari ka yindlu.

Eksodusi 25:20

A makerubima ma ta tshambuluta a tipapa ta wona le hehla, ma fenengeta a xitshamu xa wuxinji hi tipapa ta wona na ti xungetene, a tinghohe ta makerubima na ti cuwuka a xitshamu xa wuxinji. Maheb. 9:5

Eksodusi 37:10

I lo maha ni meza hi sinya ya munga; a kuleha ka yona ku wa hi mikono mimbiri, ni kuanama ka yona i nkono munwe, a kutlakuka ka yona i nkono munwe ni khihlanya.

Eksodusi 37:8

A kerubima ginwe gi tshama magumo ka seno, a ginwani gi tshama magumo ka seniya. I lo mehela makerubima lomu magumo mambiri ya xitshamu xa wuxinji.

Isaya 6:2

Hehla kakwe ku wa yimile a maserafima. A ginwe ni ginwani gi wa hi ni ntlhanu wa tipapa ni linwe; hi tipapa timbiri ma lo khubhunyeta a tinghohe ta wona, hi timbiri ma khubhunyeta mikonzo, hi timbiri ma puruma ha tona.

Johani 1:51

A engeta aku: Hizinene, hizinene, nziku ka nwina: Mu ta wona tilo na gi vululekile, a tingelosi ta Nungungulu na ti kari ti kanziha ti relela hehla ka Nʼwana wa munhu. Gen. 28:12

2 Va le Korinte 3:18

Hina hontlhe lava hi cuwukako a kungangamela ka Hosi hi mahlo ma nga fenengetwangiko a ku khwatsi hi laha wonini, ha hunzuluswa a ku fanana zinwe naye, hi longoloka hi kungangamela kunwe hiya ka kunwani, kota lezi yi tirako Hosi leyi, yi nga Moya. Joh. 9:39; Rom. 8:29; Xip. 4:4, 6; Kol. 3:10

Va le Efesusi 3:10

Nungungulu i wa xuva lezaku a wutlhari gakwe ga ginyingi gi fela ku tiviswa hi bandla ka mintamu ni tihosi ta le tilweni, 1 Kor. 2:7; 1 Ped. 1:12; 3:22

Va le Filipi 3:8

Ina, nza alakanya zilo zontlhe kulahlekelwa hi kota ya kusaseka ka ku tiva Kristu Jesu a Hosi ya mina; hakuva nzi lahlekelwe hi zilo zontlhe hi kota ya yena, nzi zi alakanya lezaku i chaka, kasi nzi fela ku bhinzula Kristu, Joh. 17:3; 1 Kor. 2:2

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24