Eksodusi 32:25 - Tshwa Bible

²⁵ Mosi i lo wona lezaku a vanhu va tsanzekile, na va tsanzekiswa hi Aroni, va soleka ka valala vabye.

Eksodusi 32:25 ပူးပေါင်းရင်းမြစ်များ

Genesisi 3:10

Yena aku ngalo: Nzi lozwa a gezu ga wena lomu sinwini, nzi lo chava hakuva a nzi ambalangi nchumu, nzi lo fihlala.

1 Tihosi 12:28

Hikwalaho a hosi yi lo tsema xikungo, yi nyekisa nzalama yi maha marole mambiri, yiku ka vanhu va vakwe: Kale na mu khiringela a pfhuka woya Jerusalema, wena Israeli; a vanungungulu lava va mu humesileko tikweni ga Gipite hi lava! Ekso. 32:4, 8

1 Tihosi 14:16

Jehova i ta nyikela va ka Israeli hi kota ya zionho za Jeroboamu, lezi a zi mahileko ni lezi a onhisileko va ka Israeli ha zona.

2 Kronekele 28:19

Hakuva Jehova i kanzihele va ka Juda hi kota ya Ahaza a hosi ya va ka Israeli, hakuva i lo hambunyeta yontlhe milayo lomu tikweni ga ka Juda, a maha kubiha ka hombe a onhela Jehova.

Eksodusi 32:26

Zonake Mosi i lo yima hi laha nyangweni ya wugovelo, aku: Kani himani loye a ranzako Jehova, ate ka mina! Zonake a vanana va ka Levi va lo tsombana ka yena.

Mavingu 29:18

Laha ku nga hiko na kuvululelwa a ku na nayo tikweni; anilezi loyi a hlayisako nayo i katekile.

Isaya 47:3

A wumbyiri ga wena gi ta funungulwe, Ina, a tingana ta wena ti ta woniwa. Nzi ta ti photela, Nzi nga ta tsetselela munhu. Isa. 3:17; Nah. 3:5

Jeremia 5:5

Nzi taya ka vahombe, nzi ta ya xuxa navo; Hakuva va tiva a ndlela ya Jehova, ni milayo ya Nungungulu wabye. Kanilezi vona vontlhe va wa panzile muyoko, ni ku phewula magota.

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Hosea 2:3

Loku a nga mahi lezo nzi ta mu tlomulela tinguwo, a sala ximbyiri khwatsi hi siku lego a nga belekwa, nzi mu maha a fanana ni xiwula, a tiko gi omileko, nzi mu daya hi tora.

Mika 1:11

Wena loyi u akileko le Xafira, suka na u hi ni wumbyiri ni tingana. Muaki wa le Zaanani wa chava ku huma, a nkosi wa. Bet-ezeli wa mu hetela a kutsumba.

Va le Roma 6:21

Kanilezi mu wa bhinzula yini xikhatini lexo ke? Ntsena a zilo lezi mu nga ni tingana ha zona makunu! hakuva a magumeso ya zona hi kufa.

Deuteronome 9:20

Yenawu Aroni, Jehova i wa zangarile ha yena, a lava ku mu daya, ka xwalexo xikhati nzi lo kombelela na Aroni.

Kuvululelwa 16:15

(Languta, nzata khwatsi hi khamba; i katekile loyi a rinzelako a hlayisa tinguwo takwe, lezaku a nga fambi a hi ximbyiri, va wona tingana takwe.) Mat. 24:43; 2 Kor. 5:3; Xip. 3:4, 18