Eksodusi 24:14 - Tshwa Bible

¹⁴ Aku ka masingalakati: Yimani kwalaha, hi ta wuya hi ta mu kuma. Mu ta sala na Aroni na Hure; loye a ta ngava ni timhaka i ta ti neha ka vona.

Eksodusi 24:14 ပူးပေါင်းရင်းမြစ်များ

Genesisi 22:5

Abrahama aku ngalo ka malanza yakwe: Tshamani laha ni mbongola, hi taya lahaya mina ni mufana hi ya khozela, hi ta tlhela hi wuya ka nwina.

Eksodusi 17:10

Joxua i lo maha khwatsi hi lezi Mosi a mu byelileko zona, i lo yalwa na Amaleki. Zonake Mosi na Aroni na Hura va lo kanziha hehla ka xitsunga.

Eksodusi 17:12

Kanilezi laha a mawoko ya Mosi ma nga karele, va lo teka ribye a tshama ka gona, Aroni na Hura va khoma mawoko yakwe, munwe hi tlhelo ginwe ni munwani hi tlhelo ginwani; zinghaho a mawoko yakwe ma lo tlakuswa kala a gambo gi pela.

Eksodusi 18:16

Ni loku va hi ni timhaka, vata ka mina, nzi lamula munwe ni munwani, nzi va tivisa zileletelo za Nungungulu ni milayo yakwe.

Eksodusi 32:1

Makunu laha a vanhu va nga wona lezaku Mosi wa hlwela ku relela hi le xitsungeni, va lo tsombana ka Aroni, vaku kakwe: Ngone u ta hi mahela vanungungulu lava va ta nga hi rangela mahlweni, hakuva Mosi loyi a hi humesileko le tikweni ga Gipite, a hi zi tivi lezi zi mu humeleleko. Miti. 7:40

1 Samueli 10:8

Wena u ta ranga uya le Gilgali, zonake minawu nzi ta ku lanzela nzi ta maha munyikelo wa kuhiswa ni miphahlo ya kurula. U ta ya nzi rinzela leyo 7 wa masiku, kala nzi chikela; zonake nzi ta ta ku byela lezi u faneleko ku zi maha.