Eksodusi 22:10 - Tshwa Bible

¹⁰ Loku a munhu a fiseta a xaka gakwe a mbongola, kutani homu, kutani yivu, hambu ni xihi xifuyo, zonake xifa, kutani xi tshoveka a xiro, kutani xi yibyiwa, a nga woniwi loyi a yivileko;

Eksodusi 22:10 ပူးပေါင်းရင်းမြစ်များ

Genesisi 39:8

Yena i lo ala, aku ka sati wa nwinyi wakwe: A nwinyi wa mina a nga ti karati hi zontlhe lezi zi nga lomu ndlwini yakwe, zontlhe lezi a nga nazo i zi vekile mandleni ya mina.

Eksodusi 22:11

laho ku tava kona kuhlambanya Jehova xikari ka vanhu lava vambiri, ku ta tibyiwa lezaku hakunene a nga yivangi a xifuyo xa xaka gakwe; a nwinyi wa kona i ta vumela kuhlambanya loko, zonake a nga mu rihisi nchumu.

Eksodusi 22:9

Loku yi hi mhaka, hambu ya lihi lixaka la nanzu wa homu, kutani wa mbongola, kutani wa yivu, kutani wa nguwo, kutani wa xilo xo karixi lahlekileko, va kanetana ha zona, kukanetana ka vanhu ku ta yiswa ka Nungungulu; loye Nungungulu a ta nga wula lezaku i na ni nanzu, yaloye i ta riha hi kuwuyetilweko kumbiri.

Luka 12:48

kanilezi legi gi nga ku tiviko, gi maha lezi zi faneleko kubiwa, gi ta xupulwa hi tirimbiri ti tsongwani. Ni wihi a nyikilweko nguvu, ka yena ku ta labyiwa zo tala; ni loyi ku vekelweko zo tala ka yena, ku ta labyiwa zo tala ka yena. Levi 5:17; 1 Tim. 1:13

Luka 16:11

Hikwalaho loku mu nga tsumbekangi ka cuma xi nga lulamangiko, zonake himani a ta nga mu nyika ku lonzowota a tshomba yi nene ke?

2 Timote 1:12

Hi kota ya lezo nza xaniseka hi lezi zilo; kanilezi a nzi na tingana, hakuva nza mu tiva loyi nzi kholwako kakwe; nza tsumba lezaku i na ni ntamu wa ku hlayisa lezi nzi zi vekileko ka yena, a zi hlayisela lego siku. 1 Ped. 4:19