Eksodusi 19:18 - Tshwa Bible

¹⁸ Zonake a xitsunga xa Sinai xi lo tuvika musi matlhelo wontihe, hakuva Jehova i wa relele ka xona na hi lomu nzilweni. A musi wa kona wu lo tuvikela hehla kotisa musi wa phingo ga nzilo. Zonake a xitsunga xontlhe xi lo tsekatseka nguvu. Deut. 4:11; Maheb. 12:18

Eksodusi 19:18 ပူးပေါင်းရင်းမြစ်များ

Genesisi 11:5

Jehova i lo relela a ku ta wona a muti ni likhokhola, leli a vana va vanhu va nga wa li aka.

Genesisi 15:17

Laha kuphumeni ka gambo ku wa hi kona a munyama, languta, a phingo ga musi ni kungangamela ka nzilo zi lo hunza xikari ka zipanzana lezo.

Genesisi 19:28

i lo cuwuka a Sodoma ni Gomora, ni tiko gontlhe ga le nkoveni, i lo wona a musi wa tiko na wuya hehla kotisa a musi wa phingo.

Nehemia 9:13

Ni kambe u lo relela le hehla ka xitsunga xa Sinai, u wulawula navo na u hi le tilweni, u va kombisa zinene, ni milayo ya lisine, ni ziyimiso, ni zileletelo;

Tisimu 104:32

I cuwuka misava, yi rurumela, A khumba zitsunga, zi huma musi.

Tisimu 114:4

A zitsunga zi lo tlulatlula kukotisa tihamba, Ni miganga kukotisa tiyivana.

Tisimu 114:7

Wena misava, rurumela mahlweni ka Hosi, Le mahlweni ka Nungungulu wa Jakobe;

Tisimu 144:5

Jehova, releta matilo ya wena, u chika; Henya zitsunga, kasi za huma musi.

Tisimu 18:9

I lo cikisa a matilo a relela; Ku wa phumile lahasi ka mikonzo yakwe.

Tisimu 68:9

Nungungulu, u lo nisa vula ya hombe, U tiyiseta ha yona a tshomba ya wena laha yi nga rereka. Ekso. 16:4

Tisimu 77:18

A kudzinza ka wena ku lo zwala lomu ka xipupuri, A zingwalangwanza zi lo woningela misava; Ni misava yi lo rurumela, yi tsekatseka.

Tisimu 77:19

A gonzo ga wena gi lo tsemakanya bimbi, Ni ndlela ya wena yi wa hi xikari ka mati yo eta; Ni mabatha ya mikonzo ya wena a ma kumekangi. Ekso. 14:22

Eksodusi 19:13

A nga kona a to mu khumba, kanilezi i ta gandliwa hi maribye, kutani ku gwaziwa hi tlhari; hambu xi hi xifuyo kutani munhu, a nga ta hanya. Laha na ku biwa punzu, va ta kanziha te xitsungeni. Maheb. 12:20

Eksodusi 19:17

Zonake Mosi i lo humesa vanhu lomu wugovelweni va famba ku ya tlhangana ni Nungungulu. Va loya yima lahasi ka xitsunga.

Eksodusi 20:18

A vanhu vontlhe va lozwa kudzinza ni kuvuma ka punzu; va wona a kuhatima, ni xitsunga loku xi kari xi tuvika musi. Laha a vanhu va nga wa wona lezo, va lo rurumela nguvu, va yima kule. Maheb. 12:18

Eksodusi 24:17

Zonake a kungangamela ka Jehova le hehla ka xitsunga ku lo woneka mahlweni ka vanana va ka Israeli kota nzilo wu vavamelako.

Eksodusi 3:2

Ku lo woneka ka yena a ngelosi ya Jehova lomu pingweni ga nzilo xikari ka xihlahla. Mosi i lo wona a xihlahla na xi kari xi vura nzilo, kanilezi na xi nga mbheli. Deut. 33:16; Miti. 7:30

Eksodusi 34:2

U ti longiselwa manziko ni mixo, zonake u ta kanziha le xitsungeni xa Sinai, u ta yima kona mahlweni ka mina le hehla ka xitsunga.

Isaya 6:4

A ziseketelo za tinyangwa ta tempeli zi lo tsekatsekiswa hi gezu ga loyi a nga wa kanyuluka, ni yindlu yi lo tala hi musi. Ekso. 40:34; 1 Tih. 8:10; Kuv. 15:8

Isaya 64:1

O, loku ku wo khwatsi wa hanzula matilo u chika, Kasi a zitsunga zi wa ta tseka-tseka mahlweni ka wena, Vala. 5:4

Jeremia 4:24

Nzi lo cuwuka zitsunga, languta, zi wa kari zi rurumela; Ni miganga yontlhe na yi kari yi ndlengandlenga.

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Zakaria 14:5

Mu ta tsutsuma hi minzhelelo ya zitsunga za mina, hakuva a minzhelelo ya zitsunga za mina yi ta chikela ni le Azeli. Mu ta tsutsuma khwatsi hi lezi mu nga tsutsuma a xitsekatseka xa misava masikwini ya Uzzia a hosi ya ka Juda. Zonake Jehova a Nungungulu wa mina i tata, ni vontlhe va basileko zinwe na wena.

Mateu 24:7

Hakuva a tiko gi ta vukela tiko, ni mufumo wu ta vukela mufumo; ku tava kona tindlala ni kutsekatseka ka misava matshanwini ma tsalangeneko. Isa. 19:2

Deuteronome 33:2

Jehova i lota hi le Sinai, A ta va tsuwukela hi le Seire: I lo woninga na hi le xitsungeni xa Parani, Na sukela xikari ka zidlemo zo basa; Lomu canjeni gakwe a nzilo wa nayo wu lo va humelela. Dan. 7:10; Miti. 7:53; Gal. 3:19

Deuteronome 4:36

I ku mahile uzwa a gezu gakwe na a hi tilweni a ku gonzisa; ni laha misaveni i ku wonisile a nzilo wakwe wa hombe; na wena u zwile a timhaka takwe lomu nzilweni.

Deuteronome 5:22

Leti timhaka ti lo wulawuliwa hi Jehova ka tlhangano wontihe wa nwina le xitsungeni, na a hi lomu nzilwehi, ni refu, ni munyama, a wulawula hi gezu ga hombe, a nga engetelangi nchumu. I lo tsala leti timhaka ka timbila timbiri ta maribye a nzi nyika.

Deuteronome 5:4

Jehova i wulawulile na nwina le xitsungeni na mu cuwukana zinwe naye, na a hi xikari ka nzilo;

2 Va le Tesalonika 1:7

Ni ku nyika nwina lava mu xanisekako a ku humula zinwe na hina, laha Hosi Jesu a ta nga wonekeliswa hi le tilweni zinwe ni tingelosi ta ntamu wakwe phingweni ga nzilo, Kuv. 14:13

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Maheberu 12:18

Hakuva nwina a mu tshinelangi ka xitsunga xi khumbiwako, lexi xi vurako nzilo, a mu tshinelangi kuphumeni, ni munyameni, ni ka bhubhutsa ga mheho, Deut. 4:11

Maheberu 12:26

loyi a gezu gakwe gi nga tsekatsekisa a misava a ka xikhati lexo; kanilezi makunu i tsumbisile, aku: Nza ha ta tsekatsekisa misava kanwe kambe, na ku nga hi yona yoce kanilezi ni tilo kambe. Ekso. 19:18; Hag. 2:6

2 Pedro 3:10

Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11

Kuvululelwa 15:8

Zonake a tempeli yi lo tala hi musi wu humako kungangameleni ka Nungungulu ni ntanwini wakwe; ku wa nga hi kona ni munwe a nga zi kota ku enghena tempeleni kala zi tatiseka a ntlhanu wa zixaniso ni zimbiri za tingelosi leti ta ntlhanu ni timbiri. Ekso. 40:34; Isa. 6:42; Tes. 1:9

Kuvululelwa 9:2

Yi lo vulula a nkele wa lieswila; ku tuvika musi hi lomu nkeleni kota musi wa nzhimbo wa hombe; ku lo pfhupeliswa a gambo ni ndengelenge hi musi lowu wu humako hi lomu nkeleni.

Valamuli 5:5

A zitsunga zi lo khulunga mahlweni ka Jehova, Na yena Sinai, le mahlweni ka Jehova Nungungulu wa ka Israeli.