Eksodusi 18:12 - Tshwa Bible

¹² Zonake Jetro, muxade wa Mosi, i lo nyikela munyikelo wo hiswa ni miphahlelo ka Jehova; Aroni ni masingalakati wontihe ya vaIsraeli va lo taga zibaba ni muxade wa Mosi mahlweni ka Nungungulu.

Eksodusi 18:12 ပူးပေါင်းရင်းမြစ်များ

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 26:25

Yena i lo aka laho a alati, a khozela vitweni ga Jehova, i lo yimisa a tenda gakwe laho; kwalaho a malanza ya Isaka ma lo kela a hlowo.

Genesisi 26:30

Yena i lo va mahela zakuga, va loga, vanwa.

Genesisi 31:54

Jakobe i lo tlhava tihomu laho xitsungeni, i lo vitana vamakabye vakwe ku ta ga zakuga; va loga kuga loko, va tshama xitsungeni lego wusiku.

Genesisi 4:4

Na Abeli i lo neha a matewula ya tiyivu takwe, leyi yi nonileko. Jehova i lo xalala ha Abeli ni munyikelo wakwe; Maheb. 11:4

Genesisi 43:25

Vona va lo longisa zinyikiwo zabye, kasi ku ta nyika Josefa xikhati xa kuwuya kakwe laha munwini; hakuva va wa zwile ku ngalo va taga laho zakuga.

Genesisi 8:20

Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.

2 Samueli 9:7

Davida aku kakwe: U nga chavi, hakuva nzi lava ku ku mahela tipswalo hi kota ya raru wa wena Jonatani. Nzi ku tlhelisela a sava gontlhe ga Saule a raru wa wena; kasike masiku wontihe wena u taga laha mezeni na mina.

2 Kronekele 30:22

Hezekia i lo wulawula timhaka to tangalisa ka vaLevi vontlhe lava va va tlharihileko ntirweni wa kukhozela Jehova. Va loga lezi zi leletelweko ntlhanu wa masiku ni mambiri, na va kari va tlhava miphahlo ya kubonga, na va dumisa Jehova Nungungulu wa vadadani vabye.

Joba 1:5

Loku va hetile mibuzo yabye, Joba i wa va vitana a ta va basisa; a vuka ni mixo a ya nyikela munyikelo wa kuhiswa, maringano ni tsengo wabye vontlhe, hakuva Joba i waku: Kutani a vana va mina va onhile, va tsika Nungungulu lomu timbilwini tabye. Joba i wa maha lezo xontlhe xikhati.

Joba 42:11

Zonake ku lota kakwe vontlhe vanakulobye va xinuna ni va xisati, ni vontlhe lava a nga wa tolovelene navo, va taga zinwe naye ndlwini yakwe, va mu hlanguta mihloti, va mu chavelela kubayisekeni kontlhe loku Jehova a nga wa ku vekile hehla ka yena; a munhu ni munhu i lo mu nyika a xipanze xa mali, vontlhelele va lo mu nyika a tiphera ta nzalama. Gen. 33:19

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Eksodusi 18:13

Hi siku gi gamelako Mosi i lo tshama ku lamula vanhu, a vanhu va lo ta yima mahlweni ka Mosi kusukela ni mixo kala laha gambyeni.

Eksodusi 2:16

A mupristi wa le Midiani i wa hi ni vanhanyana va ntlhanu ni vambiri. Va lo takha mati, va khelela lomu ka xigowolo kasi va nwisa mitlhambi ya raru wabye.

Eksodusi 2:20

Yena aku ka vona: Makunu i kwihi munhu loye? Mu mu siyele yini? Mu vitaneni a taga zinwe na hina.

Eksodusi 20:24

U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Eksodusi 24:11

Yena a nga tlakusangi a canja gakwe hehla ka tinjinga ta va ka Israeli; kanilezi va lo wona Nungungulu, zonake vaga, vanwa.

Eksodusi 24:5

Zonake i lo ruma a majaha ya ka Israeli a ku nyikela a munyikelo wa kuhiswa, ni muphahlelo wa ku khesa Jehova hi tikuzi.

Eksodusi 3:1

Mosi i wa risa tiyivu ta Jetro muxade wakwe, mupristi wa le Midiani. I lo gula a tlhambi aya tlhelo ga le xiwuleni, a ya chikela xitsungeni xa Nungungulu le Horebe.

Eksodusi 33:7

Mosi i wa simula a tenda aya gi aka hi le handle ka wugovelo, gi tshama kule ni mixaxa, zonake i lo chula ku ngalo i tenda ga mutlhangano. Vontlhe lava va nga wa hlota Jehova, va waya le tendeni ga mutlhangano legi gi nga le handle ka wugovelo.

Danieli 10:3

Nzi wa ngagi kuga ko nanziha, a nyama ni vinya a zi na nga enghena nonwini wa mina, ge hambu ku ti tota kala ma mbhela maviki lawo ya manharu.

Mitsengo 10:29

Mosi i te ngalo ka Hobaba, a nʼwana wa Reueli, a muMidiani, a muxade wa Mosi: Hina hiya tikweni legi Jehova a nga ku ngalo: Nzi ta mu nyika gona. A hi fambe hontlhe; hina hi ta ku khoma khwatsi, hakuva Jehova i wulawulile kusasa ha Israeli.

Luka 14:1

Ku te hi siku ga sabado laha a nga enghena ndlwini ya munwe wa vahombe va vaFarisi a ku yaga zakuga, va wa mu xiyelela.

Luka 14:15

A munwe wa vona lava va nga tshamile kugeni, loku a zwile timhaka leti, aku: I katekile loyi a ta ngaga zakuga mufunweni wa Nungungulu. Kuv. 19:9

1 Va le Korinte 10:18

Langutani a vaIsraeli hi ka nyama: vona lava va gako miphahlo a va hlengeli ni alati ke? Levi 3:3; 7:15; Rom. 4:12

1 Va le Korinte 10:21

A mu zi koti kunwa a gombe ga Hosi ni gombe ga madimoni; a mu zi koti ku gela mezeni ya Hosi, ni mezeni ya madimoni, Deut. 32:38; 2 Kor. 6:15

1 Va le Korinte 10:31

Hikwalaho loku muga, kutani munwa, kani hi xihi lexi mu xi mahako zi maheni zontlhe ziva kudzunzwa ka Nungungulu. Zak. 7:6; Mat. 5:16; Joh. 15:8; Tit. 1:11

Deuteronome 12:7

Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

Deuteronome 27:7

U ta maha ni miphahlo ya kubonga, uga laho u ti tsakela mahlweni ka Jehova Nungungulu wa wena.