Eksodusi 16:14 - Tshwa Bible

¹⁴ Laha a nzhokati yi nga wa tlhatlhekile, ku lo woneka a zilo zitsongwani za zirenzelekwani lomu misaveni, na zi fanana ni hunguva hehla ka misava. Joh. 6:31

Eksodusi 16:14 ပူးပေါင်းရင်းမြစ်များ

Nehemia 9:15

U va nyika zibaba za le tilweni kasi ku miyeta ndlala yabye, u va humesela mati hi lomu ribyeni kasi ku tima tora gabye, u va lelela lezaku va ya fumela a tiko legi u nga gi tlakusela canja ga wena u hlambanya lezaku u ta va nyika gona. Ekso. 16:4; 17:6

Tisimu 105:40

Va lo kombela, a va nyika tihwari, A va xurisa hi xibaba xa le tilweni.

Tisimu 147:16

Wa nisa gapongo khwatsi i woya ga tiyivu, Wa hangalasa mbhera khwatsi i khuma.

Tisimu 78:24

A va nisela a mana kuva kuga kabye, A va nyika mavele ya tilo. Ekso. 16:4; Joh. 6:31; 1 Kor. 10:3

Eksodusi 16:31

A vanhu va yindlu ya ka Israeli va lo chula a zibaba lezo a vito ga Manna: na zona zi wa fanana ni tinyungi ta korianderi, na zi basile, zi nanziha kota zihabana zi patsilweko ni wulombe.

Deuteronome 8:3

I ku koramisile, i ku tsikile na u hi ni ndlala, i ku gisile manna, lawa u nga kala u nga ma tivi, lawa hambu vararu va wena na vona va wa nga ma tivi; aku kasi ku ku gonzisa lezaku a munhu a nga hanyi hi xibaba xoce, kanilezi hi timhaka tontlhelele ti humako nonwini wa Nungungulu.