Eksodusi 12:15 - Tshwa Bible

¹⁵ Ntlhanu wa masiku hi mambiri mu taga zibaba zi nga hiko na comelo; hi siku go ranga mu ta humesa a comelo lomu tindlwini ta nwina; Hakuva loye a ta ngaga a zibaba zi comelweko, kusukela siku go sangula kala siku ga wuntlhanu ni mambiri, loye munhu i ta tsemiwa xikari ka vaIsraeli.

Eksodusi 12:15 ပူးပေါင်းရင်းမြစ်များ

Genesisi 17:14

A wanuna loye a nga khuna, a nga hiko kwera hi dewu ga nyama ya magumo kakwe, loye munhu i ta suswa xikari ka va ka kabye, hakuva i tshovile a xivumelwano xa mina.

2 Kronekele 30:21

A va ka Israeli lava va nga wa hi le Jerusalema va lo maha mubuzo wa zibaba zi nga comelwangiko lomu ka ntlhanu wa masiku ni mambiri, na va tsakile nguvu; ni va ka Levi zinwe ni vapristi va lo dumisa Jehova hi wucenje ga hombe siku ni siku, va yimbelela ka Jehova,

Ezra 6:22

Va lo maha a mubuzo wa zibaba zi nga hiko na comelo, 7 wa masiku na va tsakile; hakuva Jehova i wa va tsakisile, ni ku kucetela a mbilu ya hosi ya Asiria lezaku yi tiyisa a mandla yabye mitirweni ya yindlu ya Nungungulu wa ka Israeli.

Eksodusi 12:8

Gona wusiku gwalego a vage a nyama yi wocilweko; vaga zinwe ni zibaba zi nga hiko na comelo, ni matluka yo bava.

Eksodusi 13:3

Zonake Mosi aku ka vanhu: Alakanyani a siku legi mu humesilweko ha gona le Gipite, a ndlwini ya wukhumbi; hakuva Jehova i lo mu humesa hi canja ga ntamu; hikwalaho mu nga dzuki muga lezi zi comelweko hi siku lego.

Eksodusi 23:15

U ta hlayisa a mutlhangano wa zibaba zi nga comelwangiko; ka masiku ya ntlhanu ni mambiri, hi hweti ya Abibi, u taga a zibaba zi nga comelwangiko khwatsi hilezi u leletelweko; hakuva hi yona a hweti leyi u nga huma ha yona le Gipite. Hikwalaho a vanhu va nga dzuki va woneka mahlweni ka mina na va nga hi na nchumu.

Eksodusi 30:33

Kani hi wihi a mahako yo fanana ni laya, kutani loyi a totako wamatiko ha wona, i ta humeswa xikari ka lixaka labye.

Eksodusi 30:38

Kani hi wihi a mahako a yo fanana ni laya, a kuva ma nuhela ka yena, i ta humeswa xikari ka lixaka la ka kabye.

Eksodusi 31:14

Mu ta hlayisa a sabado, hakuva a ka nwina i siku gi basileko. Loyi a nga gi hlayisiko i ta dawa; hakuva loku a munhu a tira a ntiro hi lego siku, i ta humeswa xikari ka lixaka la ka kabye.

Eksodusi 34:18

U ta hlayisa mubuzo wa zibaba zi nga comelwangiko. U taga zibaba zi nga comelwangiko lomu ka ntlhanu wa masiku ni mambiri, hi zikhati za kona kota lezi nzi ku leletelako lomu ka hweti ya Abiba, hakuva u humile Gipite hi hweti ya Abiba.

Eksodusi 34:25

U nga phahleli laha maganzelweni ya mina hi nkhata ni zibaba zi nga ni comelo. A muphahlo wa mubuzo wa Pasika wu nga sali wu tshama wusiku gontlhe kala gica.

Levi 17:10

Kani hi wihi munhu wa lixaka la ka Israeli, hambu loku a hi muluveli a akileko xikari kabye, a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Deut. 12:16, 23; Miti. 15:20

Levi 17:14

Hakuva a muhefemulo wa nyama yontlhe wu le nkhateni wa kona. Hikwalaho nzi byelile a vanana va ka Israeli, nziku: Mu ngagi a nkhata ni wa yihi nyama, hakuva a muhefemulo wa nyama yontlhe hi nkhata wa kona; kani hi wihi a wu gako, i ta susiwa. Gen. 9:4

Malaki 2:12

A munhu loyi a mahako lezo, Jehova i ta fuvisa vontlhe lava va ka kabye, a mu humesa tendeni ga Jakobe, zinwe ni loyi a nehako munyikelo ka Jehova wa tiyimpi.

Mitsengo 28:17

Hi siku ga 15 ga hweti leyi ku tava ni mubuzo. Ntlhanu wa masiku ni mambiri ku ta giwa zibaba zi nga comelwangiko.

Mitsengo 9:13

Kanilezi loku munhu a hlazekile, ni loku a nga enzangi, a tsika kuga Pasika, loye munhu i ta tsemiwa ka va ka kabye, hakuva a nga humesangi a munyikelo wa Jehova hi xikhati xa wona; loye munhu i ta rwala a nanzu wakwe yena nwinyi.

Mateu 16:12

Zonake va lo pima lezaku i wa nga va byeli ku tlharihela a comelo ga zibaba, kanilezi a gonzo ya vaFarisi ni vaSadusi.

Luka 12:1

A xikhatini lexo, laha a mazanazana ya vanhu va nga wa tsombene, laha ka kuva va kanzihelana, Jesu i lo sangula ku wulawula ka vapizani vakwe, aku: Tlharihani a comelo ga vaFarisi, legi gi nga wuxengeteli. Mat. 16:6, 12; Mar. 8:15

Luka 2:43

Loku va hetile a masiku ya mubuzo, na va kari va tlelela kaya, a mufana Jesu i lo sala le Jerusalema, a vapswali vakwe na va nga zi tivi.

Mitiro 12:3

Laha na a wona lezaku zi xalalisile a vaJuda, i lo engeta a khoma Pedro kambe; lezi zi lo mahiwa hi masiku ya zibaba zi nga hava comelo. Ekso. 12:15

Va le Galatia 5:12

Nza ranza lezaku lava va mu vilinganyisako ngha va ti tsemela magumo. Miti. 15:1; 1 Kor. 5:13

Deuteronome 16:3

U ngagi a xibaba xi comelweko zinwe nago, u taga xibaba xi nga comelwangiko ntlhanu wa masiku ni mambiri, na xi hi xibaba xa kuxaniseka, hakuva wena u lo huma hi kuhatlisa le tikweni ga Gipite, u ta alakanya wontihe masiku ya wutomi ga wena a siku legi u humileko ha gona le tikweni ga le Gipite.

Deuteronome 16:5

U nga tlhavi a Pasika ka miti leyi Jehova Nungungulu wa wena a ku nyikileko yona;

Deuteronome 16:8

Lomu ka ntlhanu wa masiku ni ginwe wena u taga zibaba zi nga hiko na comelo; hi siku ga wuntlhanu ni mambiri ku tava ni mutlhangano wa kubasa wa Jehova Nungungulu wa wena; u nga tiri ni ntiro munwe.