Deuteronome 9:7 - Tshwa Bible

⁷ Alakanya, u nga rivali lezaku u zangarisile kuyini Jehova Nungungulu wa nwina le xiwuleni; nwina mu vukele Jehova kusukela a siku lego a ku humesileko tikweni ga le Gipite, kala mu chikela ka legi wutshamu, Ekso. 14:11; Mitse. 11:4; Tis. 95:10

Deuteronome 9:7 ပူးပေါင်းရင်းမြစ်များ

Eksodusi 14:10

Laha Faro a nga kari a tshinela, a vanana va ka Israeli va lo tlakusa mahlo, va wona vaGipite na va kari va va lanza. Zonake a vanana va ka Israeli: va lo chava nguvu, vaba huwa ka Jehova.

Eksodusi 14:11

Vaku ka Mosi: Xana ku wa nga hi kona minkele le Gipite, lezi u nga hi humesa ku: ta fela lomu xiwuleni ke? U hi mahele yini, a ku hi humesa Gipite ke?

Eksodusi 16:2

A hlengeletano yontlhe ya vanana va ka Israeli yi lo zangarela Mosi na Aroni le xiwuleni.

Eksodusi 17:2

Hilezo a vanhu va lo sola Mosi, vaku: Hi nyike mati hinwa. Mosi aku ka vona: Hi yini mu nzi zangarelako? Mu mu ringela yini Jehova?

Eksodusi 23:21

Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka nwina, hakuva yona yi na ni vito ga mina.

Isaya 48:8

Cima a ku na nga zizwa, ge hambu ku zi tiva, A ndleve ya wena yi wa nga se ku vululiwa; Hakuva nzi wa zi tiva lezaku a ku tsumbeki, Kusukela rumbyini ga nyine wa wena u vitanilwe lezaku u muhambunyeti.

Jeremia 11:10

Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

Jeremia 32:30

Hakuva a kusukela wusweni gabye a vana va Israeli ni vana va ka Juda va mahile kubiha ntsena mahlweni ka mina, hakuva a vana va Israeli va nzi zangarisile ntsena hi mitiro ya mandla yabye, ku wula Jehova.

Jeremia 44:9

Kasi mu rivele a kubiha ka vakoko va nwina, ni kubiha ka tihosi ta ka Juda, ni kubiha ka vasati vabye, ni kubiha ka nwina wutsumbu, ni kubiha ka vasati va nwina loku va ku mahileko lomu tikweni ga ka Juda ni lomu maruweni ya Jerusalema ke?

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Ezekieli 20:43

Lomo mu ta alakanya a mahanyela ya nwina, zi zontlhe zimaho za nwina lezi mu nga ti nyenyezisa ha zona; mu ta ti nyenya hi kota ya kontlhe kubiha loku mu ku mahileko.

Ezekieli 20:8

Kanilezi va lo nzi hluwuka, va nga vumeli ku nzi ingisa; a munhu ni munhu a nga cukumetangi a manyalataniso ya mahlo yakwe, ge hambu ku tsika a zifananiso za Gipite. Zonake nziku, nzi ta chulula a zanga ya mina hehla kabye, nzi tira hi khulo ga mina kabye lomu tikweni ga Gipite.

Ezekieli 36:31

Zonake mu ta alakanya a tindlela ta nwina to biha, ni zimaho za nwina zo nyenyeza. Mu ta ti swihala hi kota ya kubiha ka nwina ni manyalataniso ya nwina.

Mitsengo 11:4

Ni wunyingi ga valuveli lava va nga lomu xikari kabye va lo tatiswa hi kunavela, vonawu a vanana va ka Israeli va lo engeta va rila, vaku: Himani a ta nga hiha a nyama, higa ke? Ekso. 16:3; 1 Kor. 10:6

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.

Mitsengo 17:10

Jehova i te ngalo ka Mosi: Tlhelisa a nhonga ya Aroni mahlweni ka wumboni, yi ta hlayiswa lomo, kasi yi maha xialakanyiso ka vanana va ku hluwuka; u fuvisa zisolo xikari kabye hi kumbheleleko, lezaku va ngafi.

Mitsengo 21:5

Va lo sola Nungungulu na Mosi vaku: Hikuyini mu hi humesa le Gipite, hi ta fela lomu xiwuleni ke? Lomu ku hava zibaba, ku hava mati; a timbilu ta hina ta swihala hi zihabana lezi zi nga vuniko nchumu.

Mitsengo 25:2

A vaMoabi va lo ramba vanhu miphahlweni ya vanungungulu vabye, zonake a vanhu va loga, va khizama mahlweni ka vanungungulu vabye.

1 Va le Korinte 15:9

Hakuva mina nzi loyi wa tsongwani xikari ka vapostoli, a nzi faneli ku vitanwa aku nzi mupostoli, hakuva nzi lo xanisa a bandla ga Nungungulu. Miti. 8:3

Va le Efesusi 2:11

Hikwalaho alakanyani lezaku a kale mu wa hi vamatiko hi ka nyama. Mu wa vitanwa Makhuna hi vona lava va vitanwako Zitshiva, gi nga wukwera ga nyama gi mahiwako hi mandla. Rom. 2:28

Deuteronome 31:27

Hakuva nza tiva kuhluwuka ka wena ni kunonoha ka nhamu ya wena; hambu na nza ha hanya xikari ka nwina, ma ha simamisako ku hluwuka ka Jehova, ku ta kuyini laha nzi ta ngafa ke?

Deuteronome 8:2

Alakanya yontlhe ndlela leyi Jehova Nungungulu wa wena a ku fambisileko ha yona lomu xiwuleni lomu ka 40 wa malembe, aku kasi a ku koramisa ni ku ku ringa, kasi a fela ku tiva lezi zi nga lomu mbilwini ya wena; lezaku kutani u ta hlayisa milayo, kutani u nga yi hlayisi.

Deuteronome 9:24

Nwina mu wa hi ni mijiri ha Jehova kusukela siku lego nzi nga sangula ku mu tiva nwina.

Deuteronome 9:4

Laha Jehova Nungungulu wa wena a ta ngava a hlongole valala va wena, u nga wuli mbilwini ya wena, uku: Jehova i nzi fumisile ka tiko legi hi kota ya kululama ka mina; hakuva Jehova i hlongola lawa matiko hi kota ya kubiha ka wona.