Deuteronome 9:4 - Tshwa Bible

⁴ Laha Jehova Nungungulu wa wena a ta ngava a hlongole valala va wena, u nga wuli mbilwini ya wena, uku: Jehova i nzi fumisile ka tiko legi hi kota ya kululama ka mina; hakuva Jehova i hlongola lawa matiko hi kota ya kubiha ka wona.

Deuteronome 9:4 ပူးပေါင်းရင်းမြစ်များ

Genesisi 15:16

Hi ka xizukulwana xa wumune va ta wuya kambe lomu: hakuva a kuonha ka maAmori lezi a ku se nga tala.

Ezekieli 36:22

Hikwalaho wula ka yindlu ya ka Israeli, uku: Hosi Jehova i ngalo: A nzi mahi lezi hi kota ya nwina va yindlu ya ka Israeli, kanilezi hi kota ya vito ga mina go basa, legi mu gi nyenyezisileko xikari ka matiko lawa mu yileko ka wona.

Ezekieli 36:32

Zi tiveni lezaku a nzi mahi lezi hi kota ya nwina, ku wula Hosi Jehova. Ngha muva ni tingana, mu kanganyiseka hi kota ya tindlela ta nwina va yindlu ya ka Israeli.

Levi 18:3

Mu nga mahi lezi va mahako le tikweni ga le Gipite, leyo mu nga wa akile kona. Mu nga mahi lezi va mahako le tikweni ga le Kanani leyo nzi mu yisako kona; hambu ku lanzela mikhuwo yabye.

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

Va le Roma 11:6

Kanilezi loku ziya hi tipswalo, a za hayi hi mitiro; hakuva loku zi hi tano a tipswalo a ta hi tipswalo. Deut. 9:4, 5

1 Va le Korinte 4:4

Hakuva a nzi ti woni na nzi hi ni nanzu wa nchumu; ahembalezoke a nzi hlayelwi loyi a lulamileko hi kota ya lezo: kanilezi loyi a nzi lamulako hi Hosi.

1 Va le Korinte 4:7

Hakuva himani a ku mahako a kuva chukwana? Xini lexi u nga naxo lexi u nga nyikiwangiko ke? Kanilezi loku wena u lo xi amukela, u dzunzekela yini a ku khwatsi a ku lo xi amukela ke? Joh. 3:27; 1 Ped. 4:10

Deuteronome 12:31

U nga mahi zo kota lezo ka Jehova Nungungulu wa wena; hakuva zontlhe lezi va mahelako vanungungulu vabye zinyenyeko mahlweni ka Jehova lezi a zi vengako; hakuva hambu ni varisanyana vabye ni vanhanyana vabye va va hisile nzilweni ku maha miphahlelo ya vanungungulu vabye.

Deuteronome 31:27

Hakuva nza tiva kuhluwuka ka wena ni kunonoha ka nhamu ya wena; hambu na nza ha hanya xikari ka nwina, ma ha simamisako ku hluwuka ka Jehova, ku ta kuyini laha nzi ta ngafa ke?

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.

Deuteronome 9:24

Nwina mu wa hi ni mijiri ha Jehova kusukela siku lego nzi nga sangula ku mu tiva nwina.

Deuteronome 9:5

A ku engheni ku ti tekela a tiko gabye hi kota ya kululama ka wena ni wunene ga mbilu ya wena, kanilezi Jehova Nungungulu wa nwina i hlongola matiko lawa mahlweni ka wena hi kota ya kubiha ka wona, ni lezaku a fela ku tiyisa a gezu legi Jehova a hlambanyileko ka vararu va wena, Abrahama na Isaka na Jakobe.

Deuteronome 9:7

Alakanya, u nga rivali lezaku u zangarisile kuyini Jehova Nungungulu wa nwina le xiwuleni; nwina mu vukele Jehova kusukela a siku lego a ku humesileko tikweni ga le Gipite, kala mu chikela ka legi wutshamu, Ekso. 14:11; Mitse. 11:4; Tis. 95:10

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5