Deuteronome 9:3 - Tshwa Bible

³ Zi tive inyamutlha lezaku Jehova Nungungulu wa wena hi yena a ta nga tlhatuka zinwe na wena, na a famba mahlweni ka wena khwatsi hi nzilo lowu wu hisako; hi yena a ta nga va lovisa, a va koramisa mahlweni ka wena; zonake wena u ta va hlasela u va lovisa vontlhe hi xihatla khwatsi hi lezi Nungungulu a ku byelileko. Maheb. 12:29

Deuteronome 9:3 ပူးပေါင်းရင်းမြစ်များ

Eksodusi 23:23

Hakuva a ngelosi ya mina yi ta ku rangela mahlweni, yi ku yisa tikweni ga vaAmori, ni vaHiti, ni vaPerezi, ni vaKanani, ni vaHivi, ni vajebusi, na vona nzi ta va lovisa.

Eksodusi 24:17

Zonake a kungangamela ka Jehova le hehla ka xitsunga ku lo woneka mahlweni ka vanana va ka Israeli kota nzilo wu vavamelako.

Isaya 27:4

A nzi xi zangareli, Loku a zigetlwani ni mizwa zi wa talwa na mina, Nzi wa ta zi hlomela, nzi zi hisa zontlhe.

Isaya 30:27

Langutani, a vito ga Jehova gata hi le kule, Gita hi nzilo wa zanga yakwe, ni marefu ya musi wo phuma; A milomu yakwe yi tele hi zanga, Ni lirimi lakwe li fanana ni nzilo wu hisako. Ekso. 24:17; 2 Sam. 22:9; Maheb. 12:29

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Mika 2:13

A mubhoxi wa ndlela i rangile mahlweni kabye; va bhoxile va chikela nyangweni, va andlamuka hi yona; a hosi yabye yi va rangela, yena Jehova a va rangela.

Mateu 15:10

Zonake i lo vitana xidlemo, aku ka xona: Zwanani, mu pima!

Marku 7:14

I lo engeta a vitana xidlemo, aku ngalo: Nzi zweni nwina nwentlhe, mu pima. Mat. 15:10

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Va le Efesusi 5:17

Hikwalaho mu nga mahi zipumbu, kanilezi pimani lezaku xini a kuranza ka Hosi. Rom. 12:2; Kol. 4:5; 1 Tes. 4:3

Deuteronome 1:30

Jehova Nungungulu wa nwina, loyi a fambako mahlweni ka nwina, i ta mu lwela kota lezi a nga mu mahela zontlhe mahlweni ka nwina le Gipite.

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Deuteronome 20:4

hakuva Jehova Nungungulu wa nwina i famba zinwe na nwina ku mu lwela ka valala va nwina ni ku mu nyika kuhlula.

Deuteronome 4:24

Hakuva Jehova Nungungulu wa wena i nzilo lowu wu hisako, i Nungungulu loyi a pinyamako.

Deuteronome 7:16

Wena u ta heta wontihe matiko lawa Jehova Nungungulu wa wena a ku nyikileko wona, u nga ta va hawukela. Kambe u nga khozeli vanungungulu vabye, hakuva lezo zi tava ziyo ka wena.

Deuteronome 7:22

Na Jehova Nungungulu wa wena i ta hlongola matiko lawo ha kutsongwani ni kutsongwani mahlweni ka wena. Wena u nga ta ma mbheta hi khatiginwe, hakuva ku nga anza zivanza za khwati zi ku talela.

Deuteronome 9:6

Hikwalaho tiva lezaku Jehova a nga ku nyiki a tiko legi go saseka ku gi fumela hi kota ya kululama ka wena, hakuva wena u tiko ga vanhu va tinhamu to nonoha.

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Maheberu 12:29

hakuva Nungungulu wa hina i nzilo lowu wu hisako. Isa. 66:15; Deut. 4:24; Tis. 50:3

Joxua 11:12

Joxua i lo khozisa yontlhe miti ya tihosi leti, ni tihosi ta kona tontlhe i lo ti lovisa, a hihirita vanhu khwatsi hi lezi Mosi, a nanza ga Jehova, a nga wa leletele. Ekso. 23:32; Mitse. 33:52, 55

Joxua 11:8

Na Jehova i lo va nyikela mandleni ya va ka Israeli, va lo va hlasela, va va hlongolisa kala le Sidoni ga hombe, ni le Misrefot-Maime, kala le minzhelelweni ya le Mizpa, hi le Mutsuwuka-gambo; va lo va hlasela va nga siyi ni munwe.

Joxua 14:12

Makunu nzi nyike a tiko ga xitsunga legi Jehova a nga gi wula lego siku; hakuva u zi zwile ha wece gwalego siku, lezaku va ka Anake va kona, ni miti ya hombe leyi yi bhiyelweko. Kutani Jehova i tava zinwe na mina, nzi va hlongola, khwatsi hi lezi Jehova a wulileko.

Joxua 3:11

Languta, a nghaxa ya xivumelwano xa Hosi ya yontlhe misava, yi ta ranga mahlweni ka nwina yi tlhatuka Jordani.

Joxua 3:14

Laha a vanhu va nga huma hi lomu matendeni yabye a ku ya tlhatuka Jordani, a vapristi lava va rwalako a nghaxa ya xivumelwano va lo ranga mahlweni ka vanhu.

Valamuli 4:14

Debora aku ka Barake: Suka, hakuva nyamutlha hi gona siku legi Jehova a nyikeleko Sisera canjeni ga wena! Jehova a nga ku rangelangi mahlweni ke? Zinghaho Barake i lo relela hi le xitsungeni xa Tabora ni 10,000 wa vavanuna.